الماتى اكىمى كوشەلەردەگى قايتا جوندەۋ جۇمىستارى بارىسىنا توقتالىپ، نەگىزگى ايماقتار بويىنشا جوسپاردى وقۋ جىلىنا دەيىن بىتىرۋگە ۋادە بەردى.

الماتىلىق  ۇستازداردىڭ تامىزداعى جيىنىن پايدالانىپ، قالا اكىمى تۇرعىنداردىڭ توزىمدىلىگىنە ريزاشىلىعىن ءبىلدىردى.

«ارينە، جوندەۋ جۇمىستارى جايسىزدىق تۋعىزادى. ءبىراق مۇنىڭ ءبارى قالالىقتاردىڭ يگىلىگى ءۇشىن جاسالۋدا. جاعدايعا تۇسىنىستىكپەن قاراپ، شىدامدىلىق تانىتقاندارىڭىزعا راحمەت.  نەگىزگى اباتتاندىرۋ  ايماقتارى بىرنەشە كۇننەن كەيىن، جاڭا وقۋ جىلىنىڭ باستالۋى  قارساڭىندا اياقتالادى. اعىمداعى شارۋالاردى  قالا كۇنىنە دەيىن ءبىتىرىپ قالادى. مۇمكىندىك پايدالانا وتىرىپ،  بارلىعىڭىزدى  مەرەكەنى بىرگە تويلاۋعا شاقىرامىن»،-دەدى الماتى اكىمى  ب.بايبەك.

ونىڭ ايتۋىنشا، ورتالىق ساياباق، زووباق، اباي الاڭى، ەكى تەمىرجول ۆوكزالى، «سايران» اۆتوۆوكزالى مەن  جاعالاۋى، باۋم باعى تۋريستىك ايماق رەتىندە جاڭا سيپات الۋدا. 

سونداي-اق قالا باسشىسى الماتىعا جاڭادان قوسىلعان اۋداندارعا توقتالىپ ءوتتى.

«نەبارى 4 جىل بۇرىن قۇرىلعان ناۋرىزباي اۋدانىنىڭ دامۋىنا 61 ملرد تەڭگە قۇيىلعان بولاتىن. ەسەپتەسەك جىل سايىن 15 ملرد جۇمسالىپتى. مۇندا  جاڭا اكىمشىلىك ورتالىق، الەۋمەتتىك وبەكتىلەر - 2 مەكتەپ پەن 4 اۋرۋحانا ، قازپوشتا، بانكتەر مەن زەينەتاقى تولەيتىن  ورتالىق سالىنعان. حقو قىزمەتىن كۇنىنە مىڭداعان ادام پايدالانادى. جاقىن ارادا 220 كوشەگە اسفالت توسەلىپ، 123 شاقىرىمدىق سۋ قۇبىرى مەن 80 شاقىرىمدىق كارىز جۇيەسى ورناتىلدى. بۇل جوسپارلانعان جۇيەنىڭ ۇشتەن ءبىر بولىگى عانا. 58 شاقىرىم جاياۋجولدىڭ  30 پايىزى اياقتالىپ،  37 شاقىرىم جاڭا ارىق جۇيەلەرى جاسالدى. جالپى كولەمى 55 شاقىرىم ىشكى جارىقتاندىرۋ  كەزىندە كوشەلەردىڭ 25 پايىزى قامتىلدى. حالىقتىڭ  95 پايىزى گازبەن جابدىقتالدى. قارعالى وزەنى اڭعارى جانىنان اۋدان تۇرعىندارى ءۇشىن دەمالاتىن ورىن جاسادىق»،-دەدى ول.