الماتىدا وتكەن باسپانا كونگرەسىندە جىلجىمايتىن مۇلىك نارىعىنا قاتىسۋشىلار «7-20-25» باعدارلاماسىن تالقىلادى.

«باعدارلاما ءتيىمدى. «نۇرلى جەر» باعدارلاماسى باستالعان كەزدە ونداعى تالاپتار نارىقتا باسەكەگە تۇسە الماي، تۇزەتۋلەر ەنگىزىلگەن بولاتىن. مەملەكەتتىك باعدارلامانىڭ تيىمدىلىگى حالىققا پايدالىراق مۇمكىندىك ۇسىنۋ. مەنىڭ ويىمشا، «7-20-25» باعدارلاماسىن قايتا قاراۋ كەرەك. «باسپانا» قورى مەن ەكىنشى دەڭگەيلى بانكتەر مەملەكەت بولگەن قاراجاتتى يگەرۋ ءۇشىن قارىز الۋشىلارعا جەڭىلدىك جاساۋى كەرەك. سوندا عانا بۇل باعدارلاما ءبىراز ادامنىڭ پايداسىنا شەشىلەدى»، - دەدى قازاقستانداعى جىلجىمايتىن مۇلىك نارىعىنىڭ قاتىسۋشىسى رومان كوستەنكو.

جىلجىمايتىن مۇلىك ساۋداسىنداعى ساراپشى سايلاۋبەك ەسقالييەۆ باعدارلامانىڭ ەلىمىزدەگى باسپانا نارىعىنا جاڭالىق اكەلەتىنىنەن ءۇمىتتى.

«بۇگىن دە ساتىپ الۋشىلار ەكىگە تاراپقا ءبولىندى. ادامداردىڭ باسىم بولىگى 7 پايىز بەن 20 پايىزدىق الدىن الا تولەم سوماسىنىڭ تيىمدىلىگىن ايتسا، قارىزدى وتەپ بىتەتىن مەرزىمنىڭ وزگەرۋىن قالايدى. بۇل باعدارلاما نارىقتى ادام تانىماستاي وزگەرتەتىنى انىق»، - دەدى ول.

جىلجىمايتىن مۇلكى نارىعىندا ساراپشى كيريلل كاشيندە ءوز كەزەگىندە پىكىرىن ورتاعا سالدى. ونىڭ ايتۋىنشا، مەملەكەت ءۇشىن ەڭ پايدالى ءتاسىل جىلجىمايتىن مۇلىك ارقىلى ەكونوميكانى قارجىلاندىرىپ، باسپانالى بولعىسى كەلەتىندەردىڭ جاعىنا شىعۋ.

«ايتىلعان ويلاردان شىعاراتىن ءتۇيىن مۇنداعى جاعدايدىڭ رەسەيدەگىدەن الدەقايدا جەڭىل ەكەنىن بايقاتادى. باسپانانىڭ 7 پايىزبەن بەرىلۋىنىڭ ءوزى ۇلكەن جەڭىلدىك. ءتىپتى بۇل باعدارلاما ءۇي سالۋشىلاردىڭ ىڭعايىنا جاسالعان كۇندە دە، ولار ەسەپ بەرەتىندىكتەن ۇلەسكەرلەردىڭ الدانۋىنا دا جول بەرىلمەيدى. ساۋداسى جۇرمەي جاتقان ءۇي سالۋشىلار نىساندى ەرتەرەك ءبىتىرىپ، باعدارلاماعا ىلىگۋگە تىرىساتىن بولادى. تيىسىنشە ۇيلەر دە پايدالانۋعا دەر كەزىندە بەرىلەدى»،-دەدى ول.

ونىڭ ويىنشا، نارىققا قارجى شاقىراتىن كەز-كەلگەن باعدارلاما مەملەكەت ءۇشىن ءتيىمدى.

«ەندى بۇل اقشا ەكىنشى دەڭگەيگەلى ۇيلەرگە جۇمسالاتىن بولسا، نارىقتاعى وتىمدىلىك ارتار ەدى. مەنىڭ كورگەن تاجىريبەدە مۇنداي باعدارلامالار مۇمكىندىككە قۇرىلعان بولسا، مەملەكەت ودان ايتارلىقتاي ءۇمىت كۇتۋىنە بولادى»، - دەدى كيريلل كاشين.

ايتا كەتەرلىگى، «7-20-25» باعدارلاماسى مەملەكەت باسشىسىنىڭ 2018 جىلعى 5 ناۋرىزداعى حالىققا ارنالعان «پرەزيدەنتتىڭ بەس الەۋمەتتىك باستاماسى» ۇندەۋىندە ايتىلعان ءبىرىنشى الەۋمەتتىك باستامانى ىسكە اسىرۋ اياسىندا ازىرلەندى.