ق ر ۇقك شەكارا قىزمەتىنىڭ اكادەمياسى جانىنان زاڭسىز تاۋارلاردى وتكىزبەۋگە دايارلايتىن  وقۋ الاڭى اشىلدى. جوباعا قازاقستانداعى اقش ديپلوماتيالىق وكىلدىگى قولداۋ كورسەتىپ وتىر.

جاڭا وقۋ ورنىندا ءۇش جۇك كولىگىن قاتار تەكسەرەتىن  گاراج، بەس ۆاگوندىق تەمىرجول پەررونى، جانە دە ۇشاقتىڭ  وقۋ سالونى بار. مۇندا بولاشاق شەكاراشىلار تيىم سالىنعان تاۋارلاردى تاسىمالداۋ مەن قۇقىق بۇزۋشىلاردى قۇرىقتاۋ ءتاسىلىن مەڭگەرەدى. شەكارا قىزمەتىنىڭ اكادەمياسى تاجىريبەلىك اۋماعىندا  ءبىلىم الۋشىلار جاپپاي جويۋ قارۋلارىن جاسايتىن ماتەريالدى انىقتاۋ ادىستەرىن ۇيرەنەدى. وقۋ ورتالىعىندا قازاقستاندىق كۋرسانتتار مەن قوسا قىرعىزستان، تاجىكستان جانە اۋعانستان شەكاراشىلارى قىلمىستى تۇساۋ جولدارىنا ماشىقتانادى.

«اكادەميانىڭ جاڭا وقۋ بازاسىندا اۋعانستان مەن  ورتا ازيا اۋماعى شەكارا اسكەرلەرى دايارلىقتان وتەدى. جوبا اقش مەملەكەتتىك دەپارتامەنتىنىڭ ەكسپورتتىق باقىلاۋ جانە شەكارا قاۋىپسىزدىگى باعدارلاماسى اياسىندا جۇزەگە اسىرىلدى. الاڭدا «Boeing 777» اۆياسيالىق اۋە كەمەسىنىڭ سيمۋلياتورى ورنالاسقان. بۇل الەمدەگى ەڭ ۇلكەن جاتتىعۋ قۇرىلعىسى. اۋە كەمەسىنىڭ ۇستىڭگى جاعى مەن تەحنيكالىق بولىكتەرىن، ۇشقىشتار كابيناسى، ەكيپاجدىڭ دەمالاتىن ورنىن تەكسەرۋگە جاعداي جاسالعان. سونداي-اق تەمىرجول پەررونى مەن شەكارا ارقىلى تاسىمالدانعان جۇكتەردى مۇقيات تەكسەرۋگە ارنالعان ترانسپورتتىق قۇرالدار بار. اكادەميادا وقۋ-جاتتىعۋ بارىسى 4 جىلعا سوزىلادى. وقۋ ورنىندا جولاۋشىلاردى ەسىرتكى ونىمدەرىنەن، پسيحوتروپتىق زاتتاردان، قارۋ-جاراقتاردان تەكسەرۋ ءۇشىن تاجىريبەلىك ساباقتار وتكىزىلەدى. بۇل اۋماق قازاقستان جانە  ورتالىق ازيا شەكارا -كەدەن باقىلاۋ ماماندارىنىڭ پايداسىنا بەرىلەدى»، -دەدى  ق ر ۇكق شەكارا قىزمەتى اكادەمياسىنىڭ باسشىسى پاۆەل پاليۆانوۆ.

ونىڭ ايتۋىنشا، مۇنداي سيمۋلياتوردىڭ الەمدە 22 ءتۇرى بار. ال كولەمى جاعىنان ەڭ ۇلكەنى بولىپ سانالاتىن، ولشەمى 22 مەترگە جەتەتىنى وسى. شەكارا قىزمەتىنىڭ اكادەمياسى اسكەريلەرى جاتتىعۋ الاڭىن 1 قىركۇيەكتەن پايدالانا باستايدى. اقش ەلشىلىگى ارنايى جوباعا 2 ملن 200 مىڭ اقش دوللارىن بولگەن.