الماتىدا "نۇر وتان" پارتياسىسىنىڭ فيليالىندا وتكەن باسپا ءسوز ءماسليحاتى بارىسىندا جەرگىلىكتى اكىمدىكتە كەزەكتە تۇرعان الەۋمەتتىك توپتارعا ارنالعان وپەراسيالىق زالدىڭ اشىلاتىندىعى ءمالىم بولدى.

بۇل تۋرالى قالالىق تۇرعىن ءۇي جانە تۇرعىن ءۇي ينسپەكسياسى باسقارماسىنىڭ باسشىسى ءانۋار وسكەنبايەۆ ايتتى.

«الەۋمەتتىك باسپاناعا كەزەككە تۇرۋدى ەلەكتروندى فورماتقا كوشىرگەلى بەرى تۇرعىندار اراسىندا ساۋالدار كوپ تۋىنداپ جاتىر. سوندىقتان، ولاردىڭ سۇراقتارىنا جاۋاپ بەرۋ ءۇشىن الماتىدا ايدىڭ سوڭىندا وپەراسيالىق زال اشىلادى. وندا تۇرعىن ءۇي باسقارماسىنىڭ ماماندار كەڭەس بەرەتىن بولادى. وز-وزىنە قىزمەت كورسەتۋ ورىندارى دا اشىلادى»، - دەدى ءانۋار وسكەنبايەۆ.

ونىڭ ايتۋىنشا، جىل باسىنان بەرى الماتىدا 812 پاتەر تاپسىرىلعان. جىل سوڭىنا دەيىن تاعى 1500 پاتەر پايدالانۋعا بەرىلمەك.

الماتىدا نەگىزىنەن الەۋمەتتىك باسپانا 13 سانات بويىنشا سايكەس كەلەتىن ادامدارعا بەرىلەدى.

باستى شارت - ادامنىڭ باسىندا باسپانا بولماۋى، سونداي-اق 3 جىلداي تۇرعىلىقتى مەكەنجايى الماتىدا تىركەلگەن بولۋى شارت.

«بۇگىندە الماتىدا الەۋمەتتىك تۇرعىن ءۇي كەزەگىندە 22 مىڭنان اسا ادام تۇر. ولاردىڭ قاتارىندا ۇوس ارداگەرلەرى، مەملەكەتتىك قىزمەتكەرلەر، بيۋدجەتتىك ۇيىم قىزمەتكەرلەرى، جەتىم بالالار، كوپ بالالى انالار، مۇمكىندىگى شەكتەۋلى ازاماتتار بار»، - دەدى ءا.وسكەنبايەۆ.

ونىڭ ايتۋىنشا، Egov ەلەكتروندى ۇكىمەت پورتالىنا كوشكەلى بەرى كەزەكتىڭ جىلجۋىنا ادامي فاكتور ىقپال ەتپەيتىن بولعان.