ءال-فارابي اتىنداعى قازۇۋ ەلىمىزدەگى بولىنگەن وقۋ گرانتتارىنىڭ سانى بويىنشا ءابساليۋتتى كوشباسشى اتاندى.

بيىل 6،6 مىڭنان استام مەكتەپتىڭ ۇزدىك تۇلەكتەرى قازۇۋ-دى تاڭداپ مەملەكەتتىك ءبىلىم  گرانتىنا  يە بولعان، ولاردىڭ ەداۋىر بولىگى «التىن بەلگى» يەگەرلەرى، حالىقارالىق جانە رەسپۋبليكالىق وليمپيادالاردىڭ جەڭىمپازدارى.

بۇل قازاقستاندىق جوعارى ءبىلىم بەرۋ تاريحىنداعى رەكورتتىق كورسەتكىش. قازۇۋ گرانتتار سانى بويىنشا باسقا جوعارى وقۋ ورىندارىنان وق بويى وزىق تۇر. سانالى ءارى ۇلكەن ماقساتقا تولى تالاپكەردىڭ ساپالى ءبىلىم الۋى ءۇشىن  ەلىمىزدەگى جەتەكشى وقۋ ورنىن تاڭداۋى اتالمىش ۋنيۆەرسيتەتكە دەگەن جوعارى سەنىمدى بىلدىرەدى.

ەڭ ۇلكەن بايقاۋ راديوتەحنيكا، ەلەكترونيكا جانە تەلەكوممۋنيكاسيالار، اقپاراتتىق جۇيەلەر، اۆتوماتتاندىرۋ جانە باسقارۋ، تۋريزم، حيميالىق تەحنولوگيالار سىندى ماماندىقتار بويىنشا جۇرگىزىلدى. حالىقارالىق قاتىناستار جانە قۇقىق، قۇقىقتانۋ، قارجى، ەسەپ جانە اۋديت، ەكونوميكا تالاپكەرلەر اراسىندا تانىمالدىلىق قالپىندا قالىپ وتىر. ماگيستراتۋرا مەن دوكتورانتۋراعا تۇسۋگە دە بايقاۋ بۇرىنعىسىنشا وتە جوعارى. جەكەلەگەن ماماندىقتار بويىنشا ۇمىتكەرلەر سانى ءبىر ورىنعا 15-20-دان اسا ادامنان كەلەدى.

قازۇۋ الەمدەگى ۇزدىك توپ-220 جوو-نىڭ قاتارىندا ءارى ءبىلىم، عىلىم جانە يننوۆاسيانىڭ جەتەكشى ورتالىعى بولىپ تابىلادى. ۋنيۆەرسيتەتتە الەمنىڭ ايگىلى جوعارى وقۋ ورىندارىمەن سەرىكتەسە وتىرىپ قوسديپلوم ءبىلىم باعدارلامالارى بەلسەندى ەنگىزىلۋدە، وقىتۋ اعىلشىن تىلىندە جۇزەگە اسىپ، كوپتەگەن جاڭا ماماندىق اشىلۋدا.