الماتىدا قازاقستان رەسپۋبليكاسى مەن رەسەي فەدەراسياسى ىشكى ىستەر مينيسترلىگى ارىپتەستىگىنىڭ ءتورتىنشى وتىرىسى ءوتىپ جاتىر.
جيىنعا ق ر مەن رف ءىىم مينيسترلەرى قالمۇحانبەت قاسىموۆ پەن ۆلاديمير كولوكولسيەۆ، ەكى ەلدىڭ ىشكى ىستەر مينيسترلىگىندەگى ورتالىق اپپارات قىزمەتكەرلەرى مەن ارىپتەستىك مۇشەلەرى، تمد ۇيىمداسقان كۇرەستى ۇيلەستىرۋ بيۋروسىنىڭ ديرەكتورى (بكبوپ سنگ)، سونداي-اق الماتى، الماتى وبلىسى، سولتۇستىك قازاقستان مەن باتىس قازاقستان وبلىسى ءىىد باسشىلارى قاتىستى.
«ءبىزدىڭ شەكارالار ارقىلى ەركىن تاۋار الماسۋ مۇمكىندىگى پايدا بولعان سوڭ ۇيىمداسقان قىلمىس كۇشەيىپ كەتتى»،-دەپ قالمۇحانبەت قاسىموۆ باسقوسۋدى باستاپ بەردى.
كەزدەسۋ بارىسىندا قازاقستان مەن رەسەي ىشكى ىستەر ورگاندارىنىڭ ەكىجاقتى ارىپتەستىك ماسەلەلەرى قارالدى. اتاپ ايتقاندا، كولىك قۇرالدارىن يەمدەنۋ قىلمىسىنا قارسى تۇرۋ، سونداي-اق قىلمىستى زەرتتەۋ كەزىندە جەدەل-كريميناليستىك جانە ەكسپەرتتىك-كريميناليستىك بولىمدەردىڭ بىرلەسىپ قىزمەت ەتۋى ءسوز بولدى.
وتىرىس سوڭىندا قارالعان سۇراقتار بويىنشا بىرلەسكەن شەشىمگە قول قويۋ، كەلەسى وتىرىستىڭ جۇمىس جوسپارىن بەكىتۋ جاسپارلانعان.
