I حالىقارالىق Almaty Film Festival اياسىندا كانن كينوفەستيۆالىنىڭ جۇلدەسىنە يە بولعان «ايكا» ءفيلمى كورسەتىلەدى.
قازاقستان حالقى كۇزدە «ايكا» ءفيلمىنىڭ سوڭعى نۇسقاسىن ءبىرىنشى بولىپ كورە الادى.
«تۋىندىنىڭ رەجيسسەرى سەرگەي دۆورسيەۆوي كانن كينوفەستيۆالىندە ءفيلمنىڭ جۇمىس نۇسقاسىن كورسەتتى. بۇل - فەستيۆالدىق فيلم، سوندىقتان كورەرمەن مۇنداي ەرەكشە دۇنيەنى كورۋگە دايىن بولۋى كەرەك. بۇل، ادەتتەگىدەي، پوپكورن ۇستاپ، كوڭىل كوتەرەتىن فيلم ەمەس. كينو ماسكەۋدە تۇراتىن قىرعىز ميگرانتتارىنىڭ ءومىرى تۋرالى. فيلم قوعامداعى ميگرانتتارعا دەگەن كوزقاراستى وزگەرتۋ ءۇشىن، ولاردىڭ ءومىرى تۋرالى ويلانۋ ءۇشىن جاسالعان» - دەيدى «ايكا» ءفيلمىنىڭ پروديۋسەرى گۇلنار سارسەنوۆا.
اتالعان فيلم قازاقستاندا وتەتىن Almaty Film Festival حكف اشادى. 15 قىركۇيەكتە قازاقستاندىقتار ارنايى شاقىرۋ بويىنشا ءفيلمدى كورە الادى.
فەستيۆال الماتى كۇنى مەرەكەسىنىڭ اياسىندا وتەدى. Almaty Film Festivalء-دى Astana Film Fund الماتى قالاسىنىڭ اكىمدىگىمەن بىرلەسە ۇيىمداستىرىپ وتىر.
ول «مادەنيەتتەر جاقىنداستىعى» ديەۆيزىمەن وتەدى. كينوفورۋم الماتىدا كينەماتوگرافيستەردىڭ حالىقارالىق ىنتىماقتاستىعىن دامىتۋعا جانە قالاعا حالىقارالىق جوبالاردى تارتۋعا باعىتتالعان. بۇل شارا قالا ءيميدجىن ەلىمىزدىڭ مادەني جانە تۋريستىك ورتالىعى رەتىندە حالىقارالىق دەڭگەيدە كوتەرۋگە تاماشا مۇمكىندىك بەرەدى.
فيلم التى جىل تۇسىرىلگەن. بيۋدجەتى - 2،5 ميلليونا ەۆرو. بۇل الەۋمەتتىك دراما - رەسەي، قازاقستان، گەرمانيا، پولشا جانە جۇڭگو ەلدەرىنىڭ بىرلەسكەن ءونىمى. قازاقستاندىق اكتريسا سامال ەسلياموۆا وسى فيلمدەگى ءرولى ءۇشىن 2018 جىلدىڭ 19 مامىرىندا كانن كينوفەستيۆالىنىڭ «ەڭ ۇزدىك ايەل ءرولى» جۇلدەسىن جەڭىپ العان بولاتىن.
