الماتى قالاسىندا ترياتلوننان العاش رەت ءوتىپ جاتقان «Almaty Asian Cup 2018» ءتۋرنيرىنىڭ العاشقى جارىس كۇنى ايەلدەر اراسىنداعى جەڭىمپازدار مەن جۇلدەگەرلەر انىقتالدى.
ق ر ۇوك تاراتقان مالىمەتكە سۇيەنسەك، ايەلدەر اراسىنداعى سىنعا 16 سپورتشى قاتىسقان. ناتيجەسىندە، التىن جۇلدەنى جاپونيا ەلىنىڭ وكىلى نيينا كيشيموتو جەڭىپ الدى. كۇمىس جۇلدەنى تاعى ءبىر جاپونيالىق سپورتشى حيراكۋ فۋكۋوكا يەلەنسە، ۇزدىك ۇشتىكتى وڭتۇستىك كورەيا سپورتشىسى دجي يۋن كي قورىتىندىلادى.
قازاقستان اتىنان سىنعا تۇسكەن ITU سپورتشىسى ارينا شۋلگينا ءتورتىنشى ورىندى قاناعات ءتۇتتى.
وزگە دە قازاقستاندىق سپورتشىلاردىڭ كورسەتكىشى تومەندەگىدەي: نادەجدا بەكماعامبەتوۆا (9-ورىن)، اشراف كامالوۆا (10-ورىن)، اناستاسيا اۆتۋشكو (11-ورىن).
