جاعدايى تومەن وتباسىنان شىققان ستۋدەنتتەردى قولداۋ ماقساتىندا 180 ميلليون تەڭگە قارجى ءبولىندى.

بۇل تۋرالى الماتى قالاسى وڭىرلىك كوممۋنيكاسيالار قىزمەتىنىڭ الاڭىندا وتكەن بريفينگتە ءال-فارابي اتىنداعى ۇلتتىق ۋنيۆەرسيتەتتىڭ رەكتورى مۇتانوۆ عالىمقايىر مۋتان ۇلى  ايتتى.

ونىڭ ايتۋىنشا، پرەزيدەنتتىڭ قايىرىمدىلىقپەن اينالىسۋ ۇندەۋىنە وراي، ۋنيۆەرسيتەتتىڭ قالتالى تۇلەكتەرى جانە باسقا دا ءبىزدىڭ سەرىكتەستەر قاتارىنان دەمەۋشىلەر تابىلۋدا. جىل سايىن جاعدايى تومەن وتباسىنان شىققان تالانتتى ستۋدەنتتەردى قولداۋ ماقساتىندا ۋنيۆەرسيتەت تاراپىنان 180 ميلليون تەڭگەگە دەيىن قارجى بولىنۋدە.

رەكتور رەتىندە 20 مىڭ قوسىمشا گرانتتى ءبولۋ جانە ستۋدەنتتىك باسپانا قۇرىلىسى شەشىمى كەزىندەگى ۇلكەن قۋانىشتى جانە ءوپتيميزمدى ايتقىم كەلەدى. ءال-فارابي اتىنداعى قازۇۋ ەلىمىزدەگى جوعارى وقۋ ورىندارى اراسىندا مەملەكەتتىك ءبىلىم گرانتى سانى بويىنشا كوشباسشى بولىپ، اتالمىش باستامانى قولداۋ ماقساتىندا حالىقارالىق ءال-فارابي وليمپياداسىنىڭ جەڭىمپازدارىنا ارناپ ءوزىنىڭ گرانتىن 3 ەسە ۇلعايتتى.

پرەزيدەنت تاراپىنان ءبىلىمدى قولداۋعا دەگەن ۇلكەن قامقورلىقتى ءبىزدىڭ ۋنيۆەرسيتەتتىڭ دامۋ جولىنان اڭعارۋعا بولادى. ماسەلەن، سوڭعى 5 جىلدا ءال-فارابي اتىنداعى قازاق ۇلتتىق ۋنيۆەرسيتەتىندەگى ايماقتىڭ جالپى اۋماعى 40%-عا ءوستى. ونىڭ باسىم بولىگى مەملەكەتتىك-جەكە مەنشىك سەرىكتەستىك قاعيداسىنداعى الەۋمەتتىك نىساندارعا ءبولىندى، ونىڭ ىشىندە ماگيسترانتتار مەن دوكتورانتتارعا ارنالعان 500 ورىندىق جاڭا جاتاقحانا بار. مۇنداي تاجىريبە بىزگە وسى جىلى مەملەكەتتىك-جەكە مەنشىك سەرىكتەستىك نەگىزىندە جالپى اۋماعى 31 مىڭ شارشىنى قۇرايتىن 1287 ورىندىق ستۋدەنتتىك جاتاقحانانى سالۋعا كىرىسۋىمىزگە جول اشادى.

بيىلعى جىلى ءال-فارابي اتىنداعى قازۇۋ ەلىمىزدەگى بولىنگەن  وقۋ گرانتتارىنىڭ سانى بويىنشا ءابساليۋتتى كوشباسشى اتاندى. بيىل 6،6 مىڭنان استام مەكتەپتىڭ ۇزدىك تۇلەكتەرى قازۇۋ-دى تاڭداپ مەملەكەتتىك ءبىلىم گرانتىنا يە بولعان، ولاردىڭ ەداۋىر بولىگى «التىن بەلگى» يەگەرلەرى، حالىقارالىق جانە رەسپۋبليكالىق وليمپيادالاردىڭ جەڭىمپازدارى.

بۇل قازاقستاندىق جوعارى ءبىلىم بەرۋ تاريحىنداعى رەكوردتىق كورسەتكىش. سانالى ءارى ۇلكەن ماقساتقا تولى تالاپكەردىڭ ساپالى ءبىلىم الۋى ءۇشىن  ەلىمىزدەگى جەتەكشى وقۋ ورنىن تاڭداۋى ءبىزدىڭ ۋنيۆەرسيتەتكە دەگەن جوعارى سەنىمدى بىلدىرەدى.

مەملەكەت باسشىسىنىڭ قوعامدىق سانانى جانە قوعامنىڭ وزگە سالاسىن جاڭعىرتۋعا ارنالعان كولەمدى باعدارلامالارى ىس-ارەكەتكە جەتەكشىلىك تانىتادى جانە ەلىمىزدىڭ بولاشاعىنا ىقپال ەتۋدەگى ءبىزدىڭ ناقتى قادامدارىمىزدى انىقتايدى. مۇنداي جاھاندىق جانە كولەمدى تاپسىرمالار جاڭا زامان رەالىندا ءوزىن سەنىمدى سەزىنەتىن مەملەكەتتەردە عانا قويىلادى. الەمدىك ەكونوميكانىڭ تۋربۋلەنتتىلىگىنە جانە جاھاندىق شاقىرتۋلاردىڭ كۇشەيۋىنە قاراماستان تاپسىرمالاردىڭ جۇزەگە اسۋى قازاقستاندى الەمنىڭ دامىعان 30 ەلىنىڭ قاتارىنا قوسۋعا مۇمكىندىك بەرەتىندىگىنە سەنىمدىمىن-دەپ ءسوزىن اياقتادى ع.مۋتانوۆ.