سەنبى كۇنى الماتىلىقتار «سپورت كۇنىن» اتاپ ءوتتى. وسى ورايدا، اۋەزوۆ اۋدانى اكىمى اپپاراتى­نىڭ ۇيىمداستىرۋىمەن «سارىارقا» كينوتەاترى­نىڭ الاڭىندا اۋداندىق  سپورتتىق جارىس ويىندارى ءوتتى. جارىس شاحمات، دارتس، ارمرەسلينگ تۇرلەرى بويىنشا ۇيىمداستىرىلدى. سونداي-اق، ۇلتتىق سپورت تۇرلەرىنەن اسىق اتۋ، ارقان تارتۋ سىندى جارىستار ءوتتى.

اتالعان سپورتتىق ءىس-شاراعا «جاس ورەن»، «دوستىق»، «شۇعىلا»، «جاس-ارت» اۋلا كلۋبتارى جانە 300-دەن استام ادامدى قامتيتىن جالپى ءبىلىم بەرۋ مەكتەپتەرى قاتىستى. ءىس-شارا بارىسىندا جارىستىڭ جاس قاتىسۋشىلارىنا اۋەزوۆ اۋدانى اكىمى اپپاراتىنان سالقىنداتىلعان سۋسىندار، بالمۇزداق ۇسىنىلدى. سونداي-اق، اۋەزوۆ اۋدانى اكىمى اپپاراتى جارىستىڭ جاس قاتىسۋشىلارىنا جانە جانكۇيەرلەرىنە ارناپ «موسكۆا» ساۋدا ويىن-ساۋىق ورتالىعىندا بالالارعا ارنالعان فيلمدەر مەن مۋلتفيلمدەردىڭ تەگىن كورسەتىلىمىن ۇيىمداستىردى.

جارىس جەڭىمپازدارى ماقتاۋ قاعازدارىمەن جانە زاتتاي سىيلىقتارمەن ماراپاتتالدى.