وڭتۇستىك كورەيادا دارىگەرلەر سۋشيدەن ۋلانعان جەرگىلىكتى تۇرعىننىڭ قولىن شىنتاعىنا دەيىن كەسكەن. سەبەبى سۋشي جەگەن 71 جاستاعى قاريانىڭ 12 ساعاتتان كەيىن سول جاق الاقانى ءىسىپ كەتىپتى دەپ جازادى Qamshy.kz اقپارات اگەنتتىگى شەتەلدىك باق-تىڭ دەرەگىن نەگىزگە الىپ. دارىگەرلەر مۇنى شيكى بالىقتا كەزدەسەتىن ەتقورەكتى Vibrio Vulnificus باكتەريالارىنىڭ اعزاعا ەنۋىنەن دەپ ءتۇسىندىردى.

وڭتۇستىك كورەيالىق دارىگەرلەر ناۋقاستىڭ قولىنا درەناج جاساپ، زالالدانعان ۇلپالاردى الىپ تاستايدى. كەيىن ارنايى انتيبيوتيك دارىلەردى جازىپ بەرگەن. وكىنىشكە قاراي بۇل ەم ەشقانداي ناتيجە بەرمەپتى، ءتىپتى قولى ولىەتتەنىپ كەتكەن. سول سەبەپتى دارىگەرلەر قاريانىڭ الاقانى مەن قولىنان شىنتاعىنا دەيىن كەسۋگە ءماجبۇر بولعان. 

ايتا كەتسەك، Vibrio Vulnificus باكتەرياسى (ۆيبريوندار) – اسا ءقاۋىپتى اۋرۋ قوزدىرعىشتار بولىپ سانالادى. ادامنىڭ اعزاسىنا شيكى تەڭىز ونىمدەرى ارقىلى نەمەسە اشىق جاراقاتپەن تەڭىز سۋىنا شومىلعاندا ءتۇسۋى مۇمكىن.