تاجىكستان پرەزيدەنتى ەمومالي راحمون ءوزىنىڭ 30 جاستاعى ۇلىن - دۋشانبە مەرىن "التىن ءتاج" وردەنىمەن ماراپاتتادى دەپ حابارلادى Qamshy.kz اقپارات اگەنتتىگى مەملەكەت باسشىسىنىڭ رەسمي سايتىنىڭ دەرەگىن نەگىزگە الىپ.
ماراپاتتاۋ ءراسىمى تاجىكستاننىڭ تاۋەلسىزدىك كۇنى مەرەكەسىن اتاپ ءوتۋ كەزىندە بولدى. ەمومالي راحمون ءتۇرلى كاسىپ يەلەرىن ماراپاتتاپ، اسكەريلەر مەن ىشكى ىستەر ورگاندارى قىزمەتكەرلەرىنە شەن تابىستادى. ماراپاتتالعاندار ىۇىشندە پرەزيدەنتتىڭ ءوز ۇلى رۋستام ەمومالي دە بار. دۋشانبە مەرى قىزمەتىن ابىرويمەن اتقارعانى ءۇشىن اكەسى وعان ەكىنشى دارەجەلى "التىن ءتاج" وردەنىن كەۋدەسىنە تاقتى.
مەملەكەت باسشىسى ماراپاتتالعان مەمقىزمەتكەرلەر مەن اسكەريلەردىڭ جانە وزگە دە مامانداردىڭ ءاربىرى تاجىكستان بولاشاعى ءۇشىن ايانباي ەڭبەك ەتىپ، ەكونوميكاسىنىڭ دامۋىنا زور ۇلەس قوسادى دەپ سەنىم ءبىلدىردى.
ايتا كەتەيىك، رۋستام ەمومالي 2017 جىلدان بەرى دۋشانبە قالاسىنىڭ مەرى قىزمەتىن اتقارىپ كەلەدى.
