ءار ايەلدىڭ قۋاتى تۇگەسىلەتىن مەزگىلى بولادى. ايەلدىڭ قۋاتىن ەسەلەيتىن تاسىلدەر تۋرالى ءسوز قوزعاساق.
- ماسساج. ۋقالاۋ ماڭىزى. ايەلدىڭ ءتانى ۇنەمى قوزعالىپ، قيمىلداپ تۇرۋى كەرەك. ايتپەسە، قۋاتى ءبىر جەردە تۇرىپ قالىپ، دەنەنى اۋرۋ ەتەدى.
2. شاشتارازعا بارۋ. ادەمى شاش تەك كوڭىل كوتەرۋ ەمەس. ايەلدىڭ شاشى ونىڭ ويىنىڭ ايناسى ىسپەتتى. شاش ايەلدىڭ كوركى. وعان ەرەكشە كۇتىم كەرەك.
3. مانيكيۋر. «ادەمى قولداردى سۇيە بەرگىڭ كەلەدى” دەيدى ەكەن ەرلەر قاۋىمى. قىزىل ءتۇستى لاك جاعىلعان تىرناقتار جەتىستىك پەن سۇلۋلىقتى تارتادى دەسەدى.
4. وزگە ايەلدەرمەن ارالاسۋ. ءوزارا قۋات الماستىرۋدىڭ ءمانى بار. ەركەككە ءوزىن تانۋعا تىنىشتىق كەرەك. ايەلگە كەرىسىنشە سويلەسۋ قاجەت. وزگە ايەلدەرمەن اڭگىمە-دۇكەن قۇرۋ ارقىلى ءوزىن تاني تۇسەدى.
5. ۇزاق سويلەسۋ كەرەك. تەلەفونمەن بولسا دا. بۇل ۋاقىت ءولتىرۋ ەمەس. سويلەسۋ – ايەلگە كەرەكتى قۋات كوزى. ءسوز ايەلدىڭ ىشىندە جينالىپ قالادى. سونى شىعارماسا، ەرىنە قيىن بولادى. كۇيەۋگە سويلەۋ جاقسى امالداردان ەمەس.
6. سەرۋەندەۋ. ايەل كۇنىنە ءبىر رەت بولسا دا سىرتقا شىعىپ، تازا اۋامەن تىنىستاۋى كەرەك. وتباسىنىڭ ۇيىتقىسى ايەل، دەسەك تە وعان تابيعاتپەن قارىم-قاتىناس وتە ماڭىزدى.
7. مۋزىكا. كۇندەلىكتى ساز تىڭداۋ قاجەت. ءداستۇرلى، كلاسسيكا. جالپى ۇنايتىنىن تىڭداي بەرىڭىز. تاڭەرتەڭ شاي ىشكەندە قۇلاق قۇرىشىن قاندىرار ساز تىڭداۋدى ادەتكە اينالدىرىڭىز.
8. سۇحباتتاسۋ مەن ويلانۋ ءۇشىن كۇردەلى تاقىرىپتاردى اينالىپ ءوتۋ. ايەلگە كەيدە ۇشقالاق بولىپ، ءار ءتۇرلى ۇساق-تۇيەكتى ويلاۋ پايدالى. كىشكەنتاي قىز سياقتى كورىنۋ وعان جەڭىلمەس جاستىق شابىت سىيلايدى. اسىرەسە، ىسكەر ايەلدەر ءۇشىن وسى قابىلەت ماڭىزدى. جۇمىستى جۇمىستا قالدىرىپ، ۇيگە تەك قۋانىش اكەلىڭىز.
9. ءتۇرلى شوپتەسىننىڭ جۇپارلارىن، مايلارىن قوسىپ سۋعا ءتۇسۋ. بۇل ەركەلىك ەمەس، قاجەتتىلىك! تانىڭىزگە كوڭىل بولسەڭىز، ارتىنشا ءوزىڭىز تاڭدانارلىق جاعدايعا كوز جەتكىزەسىز.
10. مەديتاسيا. كەز كەلگەن بوساڭسىتۋ ۇدەرىستەرى ىسپەتتى نازىكجانداردىڭ وزىنە ءتان قۋاتىن ارتتىرادى. كۇندەلىكتى ۇيقى الدىندا مەديتاسيا جاساۋ كەرەك. تابيعات اياسىندا جاسالاتىن مەديتاسيا دا پايدالى.
11. ءان سالۋ ساباعى. ءان سالۋ تاماقتىڭ چاكراسىن اشادى. ءان سالعان ادام ۇرىسقىسى كەلمەيدى. ەرلەرگە دەگەن مەيىرىم ويانادى. باياعى زامانداعى سپارتادا ايەلگە ارناپ ايتىلار ماقتاۋدىڭ ءبىرى «ءان سياقتى ەكەن» دەگەن ءسوز بولىپتى.
12. دۇكەن ارالاۋ. جاڭا زاتتارعا كوز سالۋ عانا ەمەس. اقشا جوق بولسا دا، دۇكەن ارالاۋ كەرەك. كەي كيىمدەردى كيىپ كورىڭىز. ءوز سىمباتىڭىزعا ءسۇيسىنىڭىز. ايەلدىڭ قۋاتى شەكسىز ەكەنىن ەستە ساقتاڭىز. كەيبىر زاتتى جاي ۇستاپ كورۋ عانا جەتكىلىكتى. كوپ ۇزاماي ول ءسىزدىڭ قولىڭىزعا تۇسەدى. ونى الاتىن اقشا دا وز-وزىنەن پايدا بولا كەتەدى.
13. پسيحولوگقا قارالۋ. مىندەتتى تۇردە دارىگەرىڭىز ايەل بولسىن! كورگەنى كوپ، تاجىريبەلى ايەلدىڭ سىزگە ايتار اقىلى كوپ بولماق. قازىرگى قيىندىققا باسقاشا كوزبەن قاراۋعا ۇيرەتەدى. دانالىق جاسى كەلگەن ايەلدەردەن بەرىلەدى. سوندىقتان انالارمەن، اجەلەرمەن ارالاسۋ، ولاردىڭ ءسوزىن تىڭداۋ ماڭىزدى.
14. بيلەۋ. ايەلدىڭ قۋاتى مەن تارتىمدىلىعىنا سەپتىگى مول. اسىرەسە، ارابشا بيلەر، لاتىن بيلەرىن مەڭگەرۋ قىزىق.
15. يوگا. يوگامەن شۇعىلدانۋ سانانى تىنىقتىرىپ، كۇش بەرەدى. مۇمكىن بولسا تۇرمىس قۇرعان ايەلدەن ساباق العان دۇرىس. ەر ادام ۇستازدىق ەتسە، وندا ول تەك سالماق سالۋعا باسىمدىق بەرەدى. قۋاتتى نارلەندىرۋدى ۇيرەتە المايدى. سەبەبى، ول ەر ادام.
16. ۇنەمى قۇربىلارمەن باستاڭعى جاساۋ. بىرگە جينالعان كەزدەردە ايەلدەردىڭ قۋاتى ارتادى. قۋات الماسادى. جەتىسپەي تۇرعان قابىلەت اشىلادى.
17. گۇل ءوسىرۋ. ۇيدە گۇل ءوسىرۋدى قولعا الۋ. بۇل دا ايەل قۋاتىن كۇشەيتەتىن ءتاسىل. گۇل اشقان وسىمدىك ايەلگە ۇقسايدى. ونى ءوسىرۋ ايەلدىڭ دە قۋات-كۇشىن ارتتىرادى.
18. كۇيەۋى بار قۇربىلارمەن ارالاسۋ. كۇيەۋگە شىققىسى كەلەتىن قىزدارعا ماڭىزدى. وتباسى قۋاتى وتە باسالقى قۋات كوزى. تەك وتباسىلى قۇربىلار جينالاتىن كەزدەسۋلەردەن باس تارتۋدان اسىقپاڭىز. مۇنداي كەزدەسۋدەن سوڭ سىزگە كوڭىلى اۋاتىن جىگىتتەر كەزدەسىپ قالۋى مۇمكىن. تۇنگى كلۋبتا ۋاقىت وتكىزۋدەن گورى وتباسى مەرەكەسىنە بارۋ پايدالى.
19. كومەك. قول ۇشىن سوزۋ نەمەسە كومەك سۇراۋ. «مەن ءوزىم» دەگەن ۇستانىمنان باس تارتىڭىز. بۇل ەرلەرگە ءتان مىنەز.
20. كىتاپ دۇكەنىنە ءجيى بارۋ. كىتاپ تولى سورەلەردى ارالاۋ ايەلگە كۇش-قۋات سىيلايدى. اپتا سايىن دۇكەنگە بارۋدى ادەت قىلىڭىز. ايەل – ءبىلىم ساقتاۋشىسى. ال، كىتاپ – ءبىلىم بۇلاعى. دۇرىس كىتاپتاردى تاڭداڭىز. ايەلدىڭ ساناسىن جەتىلدىرەتىن كىتاپتارعا كوڭىل ءبولىڭىز.
21. ەرلەردەن كومەك سۇراۋ. كەز كەلگەن قامقورلىق ايەلدى نازىكتەندىرە تۇسەدى. تاجىريبە جاساپ، بەيتانىس ازاماتقا سومكەڭىزدى كوتەرىسۋدى سۇراڭىزشى. كوڭىل كۇيىڭىز 100% كوتەرىلەدى!
22. وقۋ. جاقسى كىتاپ وقىڭىز. ادامداردىڭ تاعدىرى تۋرالى كىتاپتار كوپ اسەر ەتەدى. وزگەنىڭ تاعدىرىنا قاراپ ءوزىڭدى جاقسى تۇسىنە باستايسىڭ.
23. ۇيدەگى مىندەتتەردى ءبولىسىپ ىستەۋ. جاقىندارىڭىزعا كەي مىندەتتەردى ءبولىپ بەرىڭىز. سەنىپ تاپسىرىڭىز.
24. اسپازدىق. تاماققا قاتىستىنىڭ ءبارى ايەل قۋاتىن كۇشەيتەدى. ايەل – اسحانانىڭ ەگەسى. «قاتىن قايراتتانسا، قازان قايناتادى» دەپ بەكەرگە ايتىلماسا كەرەك. ايەل تاماقتاندىرىپ، اس-سۋ بەرۋگە شەبەر. تاماق پىسىرە المايسىز با؟ ۇيرەنىڭىز. بىلسەڭىز، اس ءمازىرىن بايىتا ءتۇسىڭىز. باسقا ەلدىڭ اسحاناسىن زەرتتەپ، زەردەلەڭىز. ماحاببات پەن اس دايارلاۋ قۋاتتاندىرادى.
25. ءۇي – جاي عانا پاتەر ەمەس. ءۇي مەن ايەلدىڭ ورتاسىندا ەرەكشە بايلانىس ورنايدى. سىقىرلاعان ەسىكتەر، تىرس-تىرس تامعان سۋ – ايەلدىڭ قاس جاۋى. ايەل ءۇشىن بۇل سالاقتىق قانا ەمەس، ونىڭ كۇشىن جۇتىپ قوياتىن ءتۇپسىز تەسىكتەر. دەگەنمەن، مۇنداي ۇساق-تۇيەككە ەركەكتى مازالاماي-اق قويسا بالادى. نەگە؟ ەركەك «بۇكىل كافەل جارامسىز بولىپ قالعاندا ءبارىن تۇتاس اۋىستىرام. تەككە قابىرعانى سىلاي بەرگەننەن نە شىعادى» دەپ ويلايدى. ۇساق-تۇيەكتى جوندەۋشىگە جاساتا سالۋعا بولادى. ءبىراق كۇيەۋىڭىزگە ونىڭ قولى تيمەگەندىكتەن جاساتىپ قويعانىڭىزدى ەسكەرتىڭىز. ەركەكتىڭ ءوزىن باعالاۋى وتە نازىك تاقىرىپ.
26. جوسپارلاۋ. بىتپەگەن ءىس پەن كۇدىك ايەلدى بۇزادى. وعان ناقتى جوسپار كەرەك. ءوزىنىڭ قۋاتىن ساقتاۋدىڭ باستى شارتى. ۇساق-تۇيەكتى جوسپارلاپ ۇيرەنىڭىز. سودان كەيىن ايلارعا، جىلعا جوسپار قۇرىپ داعدىلاناسىز. ەرتەڭ كەشكە نە ىستەيسىز؟
27. مەرەكەلىك كەش نەمەسە شىراق جاعىپ كەرەمەت كەشكى اس ۇيىمداستىرا ءبىلۋ كەرەك. بۇنى سۇيىكتىسىنەن گورى ايەل ءوزى ءۇشىن كوبىرەك جاسايدى. ەرىنىڭ قىزىعۋشىلىعىن ارتتىرۋعا وسىلاي توسىنسىي جاساپ تۇرعان ارتىق ەمەس. سىيقىرلى ساتتەردى سىيلاي ءبىلىڭىز. ءوزىڭىزدى دە، جاقىندارىڭىزدى دا قۋانتا ءبىلۋ عاجاپ قوي.
28. بالانى وقىتۋ، تاربيەلەۋ. بالانى تاربيەلەي ءجۇرىپ ايەل ءوز قۋاتىن كۇشەيتەدى. بالامەن قوسىلىپ ويناعاننان قاشپاڭىز. قولىڭىزدان كەلگەن نارسەنى ۇيرەتىڭىز: سۋرەت سالۋ، ءان ايتۋ، بيلەۋ.
29. ارتىستىك ساباعى. ايەلدىڭ الەمى – كوڭىل-كۇي ساحناسى. ساحنادا ءتۇرلى ءرول سومداپ ءجۇرىپ، ءوزىڭدى جاقسى ءتۇسىنىپ قانا ەمەس، ءار ءتۇرلى جامان ادەتتەن ارىلىپ، جاقسىعا بوي ۇيرەتۋگە بولادى.
30. تابيعات اياسىنا سەيىل. دوستارمەن شىعۋ شارت. ايەل قۋاتىن كوتەرەتىن بىرنەشە سەبەپ بار: بىرىگۋ، تابيعاتتا سەرۋەندەۋ، اس دايارلاۋ.
31. ماكياج. وزىڭە كۇتىم جاساۋ. ەركەككە ۇناۋ ءۇشىن ەمەس. ەڭ الدىمەن وزىڭە ۇناۋ ءۇشىن. ۇيدە جۇرگەندە نەشە ءتۇرلى شاش ۇلگىسىن جاساپ كورۋ، بويانىپ تاجىريبە جاساۋ، ادەمى كويلەكتەردى كيىپ كورۋ، اينا الدىندا ءوزىڭدى كەرەمەت سەزىنۋ ايەلگە ءلاززات سىيلايدى.
32. گۇل سىيلاۋ. ءوزىڭ گۇل سىيلاۋ. قۋات-كۇشتى وسىرەتىن ءبىر سەبەپ ول – گۇل. گۇل ايەلدى كورىكتەندىرە تۇسەدى. ولار بىردەن بارلىق جاعىمسىزدىقتى جويادى. ايەلدىڭ بويىنداعى اشۋدى بويىنا ءسىڭىرىپ الادى. سوندىقتان كوڭىل-كۇيىڭىز تۇسسە، جىلاۋعا اسىقپاڭىز، وزىڭىزگە گۇل سىيلاڭىز.
33. كويلەك پەن بەلدەمشە. مۇنداي كيىم ۇلگىسى ايەلدىك قۋاتتى نارلەندىرەدى. نازىك ەتەدى. العاشقى جەتى كەزدەسۋگە شالبار كيۋگە بولمايدى دەگەن شارت بار. ارينە، ەگەر ول ادامدا ويىڭىز بولسا. ۇنەمى شالبار كيۋ ايەلدىڭ جىنىس مۇشەلەرىنە كەرى اسەر ەتىپ، دەرتكە شالدىقتىرادى.
34. جاس انالار كلۋبى. بالاڭىز جاس بولسا، سونداي بالاسى بار انالارمەن ارالاسىڭىز. بۇل تاجىريبە الماسۋ عانا ەمەس، قۋات الماسۋ. انا بولۋ ايعا اينالۋ، ال ايدىڭ نۇرىنا شومىلۋ ايەل قۋاتىن ەسەلەيدى.
35. بالاعا قامقورلىق. كۇيەۋدەگى قۇربىڭىز بالامدى قاراپ بەر دەسە، باسىڭىزدى الىپ قاشپاڭىز. قامقورلىق تانىتۋ – ايەل ءۇشىن قۋاتتانۋدىڭ باستاۋى. ەڭ باستىسى، ەركەككە بالا سياقتى قاراماۋ.
36. قول جايعاندارعا نان بەرۋ. قايىرىمدىلىق – جاقسى قاسيەت. ول ايدان الاتىن قۋاتتى كۇشەيتەدى. جۇرتتىڭ بارىنە كومەكتەسۋ شارت ەمەس. ءسىز قۋانىش سىيلاي الاتىن ادام جانىڭىزدان دا تابىلار. جالعىزىلىكتى كورشىڭىزگە جەمىس اپارىپ بەرىڭىز. جولى تۇسكەن قوناققا داستارقان جايىڭىز.
37. ارالاسۋ. ايەلگە وزگەلەرمەن ارالاسپاي قالۋ وتە قيىن. اڭگىمەدەن كۇش الادى. تەك ايتىلاتىن اڭگىمە وسەك ەمەس، ءتاۋىر اڭگىمە بولعانىن قاداعالاۋدى ۇمىتپاعايسىز.
38. رومانتيكالىق كينو. قۇربىڭىزبەن بىرگە كينوعا بارۋعا كەلىسىڭىز. ماحاببات تۋرالى جاقسى كينو ايەل ءۇشىن ۇتىمدى پايدالانعان ۋاقىت بولماق. ءبىراق ونى باسقا ايەلدەرمەن بىرگە كورگەن قىزىق ءارى پايدالى.
39. جاڭا مادەنيەتتى زەرتتەۋ. ادامنىڭ تانىمىن كەڭەيتەدى. ايەلگە ىشتە سىر ساقتاي بەرمەي، ءوز الەمىنەن سىرتقا شىعۋعا يتەرمەلەيتىن ءادىس. ايەل قۋاتى سىرتقا شىعۋى ءتيىس. ونى التىن تورعا قاماي بەرگەن ءجون ەمەس.
40. قاينار بۇلاق. وزەن، كولدەگى دەمالىس – قۋاتىڭدى كۇشەيتۋدىڭ كەرەمەت ءتاسىلى. سۋ – ايەلدىڭ تارتىمدىلىعىنىڭ نەگىزى، ونىڭ وزىمەن ۇيلەسىمدىلىگىن ارتتىرادى، جاعدايعا بەيىمدىلىگىن ەسەلەيدى نەمەسە ويىن اشىق ايتۋعا بەيىمدەيدى. ەجەلگى گرەكتەر افروديتانىڭ عيباداتحاناسىندا سۇلۋلاردى سۋعا ءجۇزۋدى ۇيرەتۋدى مىندەت ساناعان.
41. اعزاعا سالماق سالۋ. كۇش-قۋاتىڭىز ازايعانىن سەزسەڭىز، جاڭا سپورت تۇرىنە دەن قويىڭىز. بۇرىن جاساپ كورمەگەن فيتنەس قانا ەمەس، جاي عانا تاڭەرتەڭگىلىك جۇگىرۋ دە جاراي بەرەدى. ءبيدىڭ پايداسى زور. ەگەر جاقسى كورەتىن ادامىڭىزبەن ايىرىلىسساڭىز، ونى ۇمىتۋدىڭ ەڭ جاقسى ءتاسىلى – بيگە جازىلۋ.
42. كويلەكتەر. ادەمى كويلەك – قۋاتىڭىزدى ارتتىراتىن باستاۋدىڭ ءبىرى. تەك ءبىر جاققا بارۋ ءۇشىن ادەمى كيىنبەۋ كەرەك. ۇيدە دە ادەمى كيىنىپ ءجۇرىڭىز.
43. ەسكىدەن قۇتىلۋ. ەسكى زاتتار، قوقىس پەن شاشىلىپ جاتقان دۇنيە ايەلدىڭ كۇشىن جەپ قويادى. كۇردەلى جاعدايدى باستان كەشىپ جاتساڭىز، وندا تازالىقپەن اينالىسىڭىز. قوقىستان قۇتىلىڭىز.
44. سالاماتتى ءومىر سالتى. جامان ادەتتىڭ ءبارى كەرى اسەر ەتەتىنىن ايتىپ ءتۇسىندىرۋدىڭ قاجەتى بار ما ەكەن؟ ونىڭ بارلىعى ايەلدىڭ سۇلۋلىعى مەن قۋاتىنا اسەر ەتەدى. تەك تەمەكى تارتۋدى عانا جامان ادەت دەۋ از. جالقاۋلىق پەن اشۋشاڭدىق دەگەننەن دە تەزىرەك قۇتىلىڭىز.
45. پوەزيا. ولەڭ وقۋ ءار ايەلدىڭ «مەنىن» اشۋعا كومەكتەسەدى. ەگەر جازارىڭىز بولسا، ءوز ولەڭدەرىڭىزدى دە جازا باستاڭىز. قاعاز بەتىنە بارلىق كوڭىل-كۇي مەن ىنتىزارلىقتى قالدىرۋعا تىرىسىڭىز. دۇرىس ۇيقاس ادەمى سويلەۋگە بەيىمدەيدى. جاعىمدى ويلارعا جەتەلەيدى.
46. قۇستار مەن جانۋارلاردى تاماقتاندىرۋ. قۋات الۋدىڭ ەڭ ءبىر جەڭىل ءتاسىلى. تەرەزە الدىندا قۇستارعا نان تاستايتىن جەر ازىرلەڭىز. قۇستاردى ۇيدە ۇستاۋعا دا بولادى. شىمشىق ۇستاساڭىز، ول ءساتتى كۇيەۋگە شىعۋعا سەپتەسەدى.
47. مۇراجاي مەن كورمەلەرگە ءجيى بارىپ تۇرىڭىز. بارلىق سۇلۋ زاتتار ايەلدى سۇلۋ ەتەدى.
48. ۇستازبەن سويلەسۋ. ءوزىڭىز ءسۇيىپ وقيتىن ادامنىڭ لەكسياسىنا بارىپ، تىڭداپ كورىڭىز. ترەنينگتەرگە قاتىسىڭىز. كىتاپتار سىزگە كەرەكتى ءبىلىمدى بەرەدى. دەگەنمەن اۆتورمەن كەزدەسۋدىڭ اسەرى بولەك. ودان الاتىن قۋاتىڭىز ەرەكشە بولماق.
49. كۇندەلىك جازۋ. ءوز ويىڭىز بەن تىلەكتەرىڭىزدى قاعاز بەتىنە ءتۇسىرۋدى ۇمىتپاڭىز. كۇندەلىك بەتىنە سۋرەت سالۋدى ادەت قىلىڭىز. سەزىمدەرىڭىز وتە ماڭىزدى. ولاردى جازىپ وتىرۋ ماڭىزدى. ەموسيانىڭ قۋاتىن ىشىنە جيناعان ايەل ونى قارسى الدىندا شاي ءىشىپ وتىرعان كۇيەۋىنە شىعارادى. مۇنىڭ جاقسى ەمەستىگىن ءبىلۋ كەرەك. ويدى جازۋ ولار تۋرالى ساراپتاپ وتىرۋعا مۇمكىندىك بەرەدى.
50. سۋرەت البومى. وعان ەڭ كۇشتى سۋرەتتەرىڭىزدى جيناپ قويىڭىز. وزىڭىزگە قاراپ سۇيسىنۋدەن تالماڭىز. ءسىز ءاردايىم سۇيكىمدى ەكەنىڭىزدى ءبىلىپ ءجۇرىڭىز!
51. تىلەك انىقتاۋ. وزىڭىزگە ارناپ جاقسى تىلەكتەر تاڭداڭىز. نەنى قالايسىز، قارىم-قاتىناستان نە كۇتەسىز. مەن ىستەي الامىن دەگەننەن قاشىڭىز. ىستەۋ –
ەركەكتىڭ مىندەتى. ەركەكتەر “مەن ونى جاۋلاپ الا الامىن، مەن وعان ۇيلەنەمىن» دەپ ايتادى. ال، ايەل وسىلاي ويلاسا، ول ەركەكشورا بولا باستايدى. «مەن سۇلۋ بولعىم كەلەدى، وعان ۇناعىم كەلەدى، تۇرمىسقا شىققىم كەلەدى» دەگەنمەن «مەن ۇيلەنەمىن، مەن سۇلۋ بولامىن» دەگەندى سالىستىرىپ كورىڭىز.
52. ىستىق لەبىزدەر. قىسىمسىز، دورەكى ەمەس سويلەسۋدى ۇيرەنىڭىز. ايەلدىڭ ادەمى، مايدا تىلمەن سويلەۋدەن كۇشى ەسەلەنەدى. بەيپىل سويلەۋ ايەلدىك كۇشىن جويادى.
53. ءتىل الۋ. سالعىلاسۋ، ءسوز جارىستىرۋ سياقتى ارەكەتتەر ايەل كۇشىن ۇرلايتىن تىرلىكتەر. جۇمساق ءارى قارىم-قاتىناسقا اشىق بولىڭىز. ۇرىسىپ ءجۇرىپ ەركەكتى بايلاپ ۇستاۋ ايەلدىڭ بولمىسىن بۇلدىرەدى. ەركەك مۇنداي ايەلدى قالامايدى. ول ءوز ىس-ارەكەتىمەن وعان ءوزىن ەسكە سالىپ تۇرادى.
54. توسەك قاتىناسىندا وتە تالعامپاز بولۋ. ەگەر ايەل بىرنەشە ەركەكپەن قاتار كەزدەسەتىن بولسا، ول تەز بوساپ قالادى. تەك سۇيەتىن اداممەن عانا ءبىر بولىڭىز. كۇيەۋىڭىز بار بولسا، وعان ادالدىعىڭىزدى ساقتاڭىز. ءبىر تانىسا سالىپ توسەكتەس بولۋدان باس تارتىڭىز. ەر ادامدى قىزىقتىرۋ ءۇشىن كوپ ۋاقىت كەرەك. كوپ قۋات كەتەدى. ونى توسەككە شاشىپ الماڭىز.
55. تازالىق. ءۇيىڭىز، ءتانىڭىز، ساناڭىز ساۋ ءارى تازا بولسىن. ۇيدە ۋاقىتىلى تازالىق جاساڭىز. وتكەن ءومىر تۋرالى جامان ويلاردى ساقتاماڭىز. قۋات-كۇشىڭىزدى كوتەرۋ ءۇشىن سۋعا ءتۇسىڭىز. تازالىق كۇش بەرەدى.
56. ءوزىڭىزدى ماحابباتپەن تولتىرىڭىز. وتە ماڭىزدى نارسە. ەگەر ايەلدىڭ جۇرەگى ماحاببات پەن مەيىرىمگە تولى بولسا، وندا ونىڭ كۇش-قۋاتى تاسيدى. ەگەر سەزىمى بولماسا، وندا ەركەككە دە ەشتەڭە بەرە المايدى. ودان دا زورى بولۋى ىقتيمال. ول كۇشتى ەركەكتەن الا باستايدى. بۇل ەركەكتىڭ تىعىرىققا تىرەلۋى. جۇمىسسىزدىق. قاراجاتسىز قالۋى باستالادى. دەرت مەڭدەيدى. جۇرەگىڭىزدى سەزىمسىز قالدىرماڭىز. ونى ۇنەمى تولتىرىپ وتىرىڭىز. ايەل بەرەتىن جاق. ول نە ىستەسە دە ماحابباتپەن ىستەۋى كەرەك.
57. قولدانبالى ونەرمەن اينالىسۋ. توقۋ، تىگۋ، ويىپ جاساۋ. ءوز قولىڭىزبەن نە ىستەي الساڭىز، سونى جاساڭىز. ايەلدىڭ قۋاتىن ارتتىراتىن ىستەر.
58. وزىڭىزگە جانە وزگە ايەل زاتىنا ماقتاۋ ايتا ءجۇرىڭىز. جاقسى ءسوز – جارىم ىرىس. جاعىمدى ءسوز ايەلدى مىقتى ەتە تۇسەدى. وزگە ايەلدەر تۋرالى جاقسى ءسوز ايتۋ قيىن بولسا، ۇندەمەي قويا سالىڭىز. بۇل ماسەلەنى شەشۋگە تىرىسۋ كەرەك. وزگە ايەلدى قابىلداماۋ ەنەمەن، شەشەمەن، اپكە-سىڭلىمەن ىنتىماقتى بولماۋعا اكەلەدى.تاتۋلىققا باستاڭىز.
59. كەز كەلگەن ءساتتى، جاعدايدى ماحابباتپەن قابىلداۋ، ءبولىسۋ. جاقىندارىڭىزدى قۇشاقتاپ، ءسۇيىپ قويىڭىز. ولارعا تەك جىلى سوزدەرىڭىزدى ايتىڭىز. باسقا ادامدارعا دا تەك جىلى قاباق تانىتىڭىز. كۇنگە دە، جەلگە دە، جاڭبىر مەن ىشتەگى مۇڭعا دا تەك جىلى ءسوز ايتىڭىز. مۇڭ دەگەن ايەلدىڭ ەڭ باستى ۇستازى. كەز كەلگەن جەككورۋشىلىك پەن كۇرەس ايەلدى قاڭسىتىپ تاستايدى.
60. گۇل شوعىن جاساۋدى ۇيرەنىڭىز. گۇلمەن جۇمىس ىستەۋ ايەلگە قۋانىش سىيلايدى. جاڭارۋ، جاڭعىرۋعا باستايدى.
61. دۇرىس تاماقتانۋ. وڭدەۋدەن وتپەگەن تاعامداردى تۇتىنۋعا نازار اۋدارىڭىز. باقشادا ءوسىپ تۇرعان المانىڭ قۋاتى قانداي ەكەنىن ەسكە ءتۇسىرىڭىز. گامبۋرگەر جەپ كورىڭىزشى سودان سوڭ. ايىرماشىلىق سەزىلە مە؟
62. ەركەلەۋ. ەركەلەۋ – ايەلگە ءتان قىلىق. جيىرەك ەركەلەڭىز. سوندا ءوزىڭىزدى تۇسىنۋگە تىرىسا باستايسىز.
63. وڭاشا قالۋ. ۇيدە جالعىز قالاتىن ساتتەردەن شوشىماڭىز. كۇيەۋگە تەك جالعىزدىقتان قاشىپ شىعۋعا بولمايدى. جالعىز بولعان ساتتەرىڭىزدى ءوزىڭىزدى دامىتۋعا جۇمساڭىز. ەتەككىر كەلگەن كۇندەردە ايەل تەك ءوزىن عانا ويلايدى عوي. بۇل تابيعاتتىڭ جاساپ بەرگەن جەڭىلدىگى.
64. جۇمساق ويىنشىقتار. ەگەر ءالى كۇنگە دەيىن جۇمساق ويىنشىق قۇشاقتاپ جاتقاندى جاقسى كورسەڭىز، ول ءۇشىن ۇيالماڭىز. ايەلگە جالعىز جاتۋعا بولمايدى. ەگەر سەزىم مەن قامقورلىق جەتىسپەسە، وزىڭىزگە جۇمساق ويىنشىق ساتىپ الىڭىز.
65. ايدىڭ قۋاتىمەن جۇمىس ىستەۋدى ۇيرەنىڭىز. ايلى تۇندە دالاعا شىعىپ ءجۇرىڭىز. ايدىڭ نۇرىمەن ىشەتىن سۋدى قۋاتتاندىرىڭىز. ونى سوسىن شومىلعان كەزدە پايدالانىڭىز. ايدان كومەك سۇراڭىز. ايەلگە ءتان دەرتتەر مازالاعان كەزدە ونىڭ كومەگى كوپ.
66. سەبەپسىز سىيلىق. وزگە ءبىر ادامعا توسىنسىي جاساڭىز. سودان ءوزىڭىز ءماز بولاسىز. ايەل بەرۋشى جاق. بەرگەن سايىن تولىسا بەرەدى.
67. قايىرىمدىلىق. قۋاتپەن ءبولىسۋ. ەگەر كومەكتەسە الساڭىز، جاساڭىز. ەش تارتىنباڭىز.
68. شاشىڭىزدىڭ ءتۇسىن وزگەرتىڭىز. ەگەر ءومىرىڭىز ءبىر سىدىرعى، وزگەرىسسىز بولىپ كەتسە، وندا باستان اياق وزگەرىڭىز.
69. جۇپار ءيىس. سىزدەن ۇنەمى ادەمى ءيىس شىعىپ تۇرۋى كەرەك. ايەل – ول گۇل. جاڭا ءاتىر ايەلدىك قۋاتىڭىزدى كۇشەيتەدى.
70. ارلى بولىڭىز. ءوزىڭىزدىڭ وزگەشەلىگىڭىزگە سەنىڭىز. ايەل – جاراتۋشى جاساعان ەڭ عاجاپ كەرەمەت. ءسىز عاجاپسىز! ءسىز سۇلۋسىز! ويتكەنى، ءسىز ايەلسىز!
رۋسلان نارۋشيەۆيچ
اۋدارعان شىنار ءابىلدا
