ورالدىڭ تۋماسى، ونەرىمەن بارشا قازاقستانعا تانىلعان بەلگىلى ازىلكەش شوۋمەن تۇرسىنبەك قاباتوۆ ءوزىنىڭ جەرلەستەرىنە قولداۋ ءبىلدىرىپ، ەسەپشوتتارىنا 500 مىڭ تەڭگە قارجى اۋداردى.

وسىدان ءبىراز ۋاقىت بۇرىن الەۋمەتتىك جەلىدە كاسىپكەر ءبىرجان قۇجاقوۆ تۇرسىنبەك قاباتوۆتىڭ مۇگەدەك جاندارعا كومەكتەسەم دەپ ءسوز بەرىپ، سوزىندە تۇرماي كەتكەنى تۋرالى جازعان ەدى. ءبىرجان مىرزانىڭ ايتۋىنشا تۇرسىنبەك مۇگەدەك جانداردىڭ كاسىبىنە قاجەتتى قۇرىلعى الىپ بەرەم دەپ ۋادە ەتكەن ەكەن.

الايدا ونەر يەسىنىڭ ۋاقىتى بولماي، قاربالاس جۇمىستارمەن جۇرگەنىندە ەسىنەن شىعىپ كەتتى مە، الدە مۇمكىندىگى بولماي قالدى ما، ول جارىمجان جاندارعا بەرگەن ۋادەسىن كەشىكتىرگەنى تۋرالى اقپارات الەۋمەتتىك جەلى ارقىلى جۇرتشىلىققا تاراپ كەتتى.

تاعدىردىڭ سىناعىنا مويىماي، ەشكىمگە سالماق سالماي وزدەرىنىڭ ءىسىن دوڭگەلەتىپ وتىرعان مۇگەدەك جاندار وزدەرىنە قاراتا ايتىلعان ءبىر اۋىز جىلى ءسوزدى كوڭىلدەرىنە مەدەۋ ەتەتىنى بەلگىلى. سوندىقتان دا بولار ولار تۇرسىنبەك قاباتوۆتىڭ قارجىلاي كومەكتسەۋگە تىرىسام دەگەن سوزىنە بالاشا قۋانعاندارىن جاسىرا المادى.

ۋاقىت وتە كەلە ولاردىڭ كوكەيىندە “جۇلدىز” وزدەرىن نەگە الدادى، سوزىندە نەگە تۇرمادى دەگە كۇمان بولعانى دا وتىرىك ەمەس. ولار وزدەرىنىڭ نازىن الەۋمەتتىك جەلى ارقىلى كوپشىلىكپەن ءبولىستى. ەندى مىنە، جاقىندا جاناشىر ازامات، ونەردە ءوز ورنى بار دارىن يەسى تۇرسىنبەك “عيبادات” ج ش س جۇمىسشىلارىن، قولدارى التىن شەبەرلەردى، كاسىپ يەلەرىن ءبىر قۋانتىپ، ولاردىڭ ەسەپشوتتارىنا 500 000 تەڭگە اۋداردى.

ورالدىق مۇگەدەك جاندار ءبىر اۋىزدان تۇرسىنبەككە العىستارىن ءبىلدىردى.