رەسەيدەگى "جىل ءانى - 2018-گە" قاتىسقان تالانتتىمىز ديماش وليمپييسكييدى اۋزىنا قاراتتى. يگور كرۋتويدىڭ پيانينوداعى سۇيەمەلدەۋىمەن "شارشاعان اققۋلار ماحابباتى" ءانىن ورىنداپ شىققان ول حالىقتىڭ ەرەكشە ىقىلاسىنا بولەندى. جۇزدەگەن گۇل شوقتارىنا قاراپ ابدىراپ قالعان جۇرگىزۋشىلەر ديماشتى "جىل جاڭالىعى" دەپ قايتا-قايتا ايتۋمەن بولدى. 2019 جىلدىڭ باسىندا "شارشاعان اققۋلار ماحابباتى" ءانىنىڭ بەينەبايانى جارىققا شىقپاق. وسى ءبىر جاڭالىقتى جانكۇيەرلەر اسىعا كۇتىپ جۇرگەنى انىق. "ديماش پەن يگور كرۋتويدىڭ تاندەمى كەرەمەت ۇيلەسىپ تاپقان" دەپ جازىلعان پىكىرلەردى وقي وتىرىپ، كەلىسپەسكە بولماس.
