ەلىمىزگە تانىمال “وردا” توبى تارايدى دەگەن اقپاراتتى توپ مۇشەلەرى جوققا شىعاردى.
بۇل تۋرالى Baistars.kz حابارلايدى.
“الاش ايناسىنىڭ” اقپاراتىنا سۇيەنگەن www.juldizdar.kz سايتى “وردا” توبى تارادى” دەگەن ماقالا جاريالاعان بولاتىن. الايدا، توپ جەتەكشىسى ەربولات بەدەلحان “وردادا” ەشقانداي وزگەرىستىڭ بولماعانىن جەتكىزدى.
“ال قاۋەسەتتىڭ شىعۋىنا توپ مۇشەسى نۇرلان الىمبەتوۆتىڭ وتباسىلىق جاعدايىنا بايلانىستى قىرعىزستاننىڭ بىشكەك قالاسىنا قونىس اۋدارۋى سەبەپ بولۋى مۇمكىن. ءبىراق ونىڭ كوشۋى توپ جۇمىسىنا كەدەرگى كەلتىرمەيدى”،- دەيدى ول.
قۇرىلعانىنا 15 جىل بولعان “وردا” توبىنىڭ جىگىتتەرى بۇگىندە وتباسىلى ازاماتتار. جاستارى وتىزدان اسىپ، قىرىققا جەتسە دە “تىڭدارماندارىمىزدان اجىرامايتىنىمىز انىق” دەيدى ولار.
