ينستاگرام –  قازىرگى تاڭداعى وتە تانىمال الەۋمەتتىك جەلىلەردىڭ ءبىرى. Qamshy.kz اقپارات اگەنتتىگى ينستاگرام پاراقشاڭىزدى دامىتىپ، وزىندىك كونتەنت قالىپتاستىرۋعا كومەكتەسەتىن كەڭەستەر ۇسىنادى.

1.ينستاگرامدا باسقا ادامدارمەن ءجيى سويلەسىڭىز. وزىڭىزگە ۇناعان جاقسى جاريالىمدارعا ماعىنالى پىكىر قالدىرىڭىز. ول باسقا ادامداردىڭ ءسىزدىڭ جەكە پاراقشاڭىزعا دەگەن قىزىعۋشىلىعىن ارتتىرادى.

2. ءسىزدىڭ ينستاگرام پاراقشاڭىز بار ەكەنىن وزگەلەر ءبىلسىن. ول ءۇشىن دوستارىڭىز بەن تانىستارىڭىزعا پاراقشاڭىزعا تىركەلۋىن سۇراڭىز. ءوزىڭىزدىڭ باسقا دا الەۋمەتتىك جەلىلەردە پاراقشاڭىز بار ەكەنىن كورسەتىڭىز. ول ءسىزدىڭ بەلسەندىلىگىڭىزدى بىلدىرەدى جانە سىزگە وقىرماننىڭ قىزىعۋشىلىعىن ارتتىرادى.

3. باسقا الەۋمەتتىك جەلىلەردە ينستاگرام پاراقشاڭىزعا سىلتەمە قالدىرىڭىز. سول ارقىلى ءسىزدىڭ پاراقشاڭىزدى كورۋگە مۇمكىندىك بولادى.

4. ءوزىڭىزدىڭ جەكە پاراقشاڭىزعا قاتىسى بار تاقىرىپتا فوتوكونكۋرس ۇيىمداستىرىڭىز جانە وزدەرىنىڭ ۇسىنىستارىن قالدىرۋىن سۇراڭىز. فوتوبايقاۋدان ۇزدىك سۋرەتتى تاڭداپ، ءوز پاراقشاڭىزعا بەلگىلەڭىز جانە جەڭىمپازعا جاقسى سىيلىق بەرىڭىز. مىسالى، تەگىن زاتتار، كونسەرتكە بيلەت بەرسەڭىز دە بولادى. بۇل ءادىس كوپ ادامداردى وزىنە تارتادى.

5. ينسترامداعى تانىمال كونتەنتتەردەن حاباردار بولىڭىز جانە ماڭىزدى، قىزىقتى جاڭالىق جاريالانعان كەزدە ونى قايتالاپ جاريالاپ كورىڭىز. بۇل ءادىس ءسىزدىڭ جىلدامدىعىڭىزعا بايلانىستى، ەگەر ءبىراز ۋاقىتتان كەيىن جاريالاساڭىز، ول جاڭالىقتى وزگە پاراقشادان كورگەن ادام ءسىزدىڭ پاراقشاڭىزعا قايتا كىرمەۋى مۇمكىن.

6. ءجيى جاريالىم قاجەت. كوبىنەسە كۇنىنە 2-3 حابار جاريالايتىن پاراقشالار تانىمال بولادى. الايدا كوپ جاريالىمدار ءسىزدىڭ اۋديتورياڭىزدى جالىقتىرۋى مۇمكىن. سول ءۇشىن جاڭالىقپەن بولىسەتىن ىڭعايلى ۋاقىتتى ءبىلىڭىز. جاريالىم سالۋ ءۇشىن ەڭ جاقسى ۋاقىت دۇيسەنبى مەن بەيسەنبى كۇندەرى. ال جاريالىمدار ءۇشىن ەڭ ناشار ۋاقىت كۇندىزگى ساعات 15..00 پەن 16.00ء-دىڭ اراسى.

7. ينستاگرامداعى فيلترلەردى ءجيى قولدانىڭىز. ول ءسىزدىڭ پاراقشاڭىزدىڭ بەلسەندىلىگىن ارتتىرادى. مىسالى، Mayfare – ەڭ تانىمال فيلتر. ادەتتە اشىق رەڭدى سۋرەتتەر قارا رەڭدى سۋرەتتەردەن 24% ارتىق لايك جينايدى.

8. اۋديتورياڭىزدىڭ قىزىعۋشىلىعىنا وراي حەشتەگتى ءجيى قولدانىڭىز. حەشتەگپەن جاريالانعان جاريالىمدار 12،6 % ءجيى قارالىم جينايدى. مىسالى، تانىمال #fashiongoals، #instafashion، #instagood، #photooftheday نەمەسە كەڭ تارالعان #love، #happy، #dog حەشتالاردى قولدانىڭىز.

9. گەوتەگ دەگەن – ءسىز بولعان تانىمال جەرلەردى انىقتاپ، بەلگىلەپ تۇراتىن ينستاگرامنىڭ جاقسى فۋنكسياسى. سۋرەتىڭىزدى جۇكتەر الدىندا «كارتاعا سۋرەت جۇكتەۋ» فۋنكسياسىنىڭ قوسىلىپ تۇرعانىنا كوز جەتكىزىڭىز. بۇل ءسىزدىڭ اۋديتورياڭىزعا  شىنىمەن دە سول جەردە بولعانىڭىزدى دالەلدەيدى جانە سىزگە سەنىمدى ارتتىرادى.

10. ترەندتەن حاباردار بولىڭىز. "ينتەرنەتتە تانىمال بولادى" دەگەن جاڭا نارسەلەردى جاريالاڭىز. مىسالى، جۋرنال بەتتەرىندەگى كيىم سۋرەتتەرىن نەمەسە تانىمال تۇلعانىڭ جاڭا مۋزىكالىق البومىنىڭ سۋرەتىن جاريالاپ كورىڭىز.

11. ادەمى، اسەرلى سۋرەتتەرىڭىزدى جاريالاڭىز. دوستارىڭىزبەن تانىمال جەرلەردە تۇسكەن ەستەلىكتەرىڭىزبەن ءبولىسىڭىز.

12. سۋرەتتەرىڭىزدىڭ جوعارى ساپالى بولۋىن قاداعالاڭىز. ساپالى سۋرەت – ساپالى كونتەنتتىڭ كەپىلى.

مىنە، وسى كەڭەستەردى قولدانساڭىز، تابىسقا جەتەرىڭىز ءسوزسىز.