قاراعاندىدا جان تۇرشىگەرلىك ادام ءولىمى بولدى، - دەپ حابارلايدى "نوۆىي ۆەستنيك". باسىلىمنىڭ مالىمەتىنشە، 9 مامىردا جەرگىلىكتى مەكتەپتەردىڭ ءبىرىنىڭ اۋلاسىنان بولشەكتەنىپ تاستالعان قىزدىڭ دەنەسى سالىنعان شابادان تابىلدى.
پوليسەيلەر ولگەن قىزدىڭ كىم ەكەنىن انىقتادى. ول 25 جاستاعى جەرگىلىكتى تۇرعىن اياۋلى سۇلەيمەنوۆا بولىپ شىقتى. 6 مامىردا قىزدىڭ جوعالعاندىعى تۋرالى ونىڭ تۋىستارى الەۋمەتتىك جەلى ارقىلى حابارلاپ، كومەك سۇراعان بولاتىن. "تۋىسقان قىزىمىز جوعالىپ كەتتى! ونى بىرەۋلەردىڭ ۇستاپ وتىرعاندىعى تۋرالى اقپارات بار. دەگەنمەن، قاي جاقتا، نە ءۇشىن ەكەنىن بىلمەيمىز. بىزگە كومەكتەسە الاتىن ەرىكتى ادامدار كەرەك. كولىگى بولسا ءتىپتى جاقسى، ىزدەۋگە قاتىستى كەز كەلگەن كومەكتى قابىلدايمىز"، - دەلىنگەن WhatsApp ارقىلى تاراتىلعان حابارلامادا.
قىزدى وزىمەن بىرگە پاتەر جالداپ تۇرعان جىگىت سوڭعى رەت ونى تىرىدەي كورگەن. 20 جاستاعى جىگىت (ترايەۆ. ە.ا 1995 جىلى تۋىلعان) اياۋلىنى ولتىرگەن بولۋى مۇمكىن. ولگەن قىزدىڭ تۋىستارى وسى جىگىتتى اياۋلىنىڭ ولىمىنە قاتىسى بار دەپ سانايدى.
باسىلىمنىڭ حابارلاۋىنشا، سۇلەيمەنوۆانىڭ پاتەرىنەن ءوزىنىڭ پايىزدىق ۇستەمەمەن قارىزعا اقشا العان ادامدارىنىڭ ءتىزىمى تابىلدى. ءقازىر قىلمىستىق ءىستىڭ ءمان-جايى انىقتالىپ جاتىر.
كەيبىر اقپاراتتار بويىنشا، اياۋلىنىڭ ارتىندا كىشكەنتاي ۇلى قالدى.
kaz.tengrinews.kz
