الماتى وبلىسى اكىمى اماندىق باتتالوۆتىڭ ۇكىمىمەن الماتى وبلىسى ىشكى ساياسات باسقارماسىنىڭ باسشىسى بولىپ - عالياسقار تولەندى ۇلى سارىبايەۆ تاعايىندالدى. بۇل تۋرالى "قامشى" پورتالى الماتى وبلىسى اكىمىنىڭ باسپا ءسوز قىزمەتىنە سىلتەمە جاساي وتىرىپ حابارلايدى.

عالياسقار سارىبايەۆ - 1963 جىلى تۋعان. قازاقتىڭ س.م.كيروۆ اتىنداعى مەملەكەتتىك ۋنيۆەرسيتەتىن جانە قازاق ەڭبەك جانە الەۋمەتتىك قاتىناستار اكادەمياسىن بىتىرگەن. ماماندىعى بويىنشا — مەحانيك، زاڭگەر.

ەڭبەك جولىن ۆ.ي. لەنين اتىنداعى پاۆلودار تراكتور زاۋىتىندا ينجەنەر-كونسترۋكتور بولىپ باستاعان. ءار جىلداردا كەربۇلاق اۋداندىق كومسومول كوميتەتىندە جانە جەرگىلىكتى اتقارۋ ورگاندارىندا جاۋاپتى قىزمەتتەردە بولدى. كەيىن الماتى وبلىستىق اقپارات جانە قوعامدىق كەلىسىم باسقارماسىندا باس مامان، ءبولىم باستىعى، الماتى وبلىستىق ىشكى ساياسات باسقارماسى باستىعىنىڭ ورىنباسارى قىزمەتتەرىن اتقارعان.

2011 جىلدىڭ مامىرىنان — تالدىقورعان قالاسى اكىمىنىڭ ورىنباسارى.

عالياسقار مىرزانىڭ ىشكى ساياساتقا بارۋىن الەۋمەتتىك جەلى قولدانۋشىلارى جىلى قابىلدادى. مىسالى، تالدىقورعان قالاسى باسپا ءسوز قىزمەتىنىڭ جەتەكشىسى عاليمۇرات جۇكەل ءوزىنىڭ فەيسبۋكتەگى پاراقشاسىندا بىلاي دەپ جازدى: "بولامىن دەگەن بالانىڭ، بەتىن قاقپا، بەلىن  بۋ" دەگەن ءسوزدى عالياسقار تولەندى ۇلىنىڭ ءوز اۋزىنان بىرنەشە مارتە ەستىگەم. سوندىقتان بولار، جاستاردىڭ قاناتىن قاتايتىپ، باعىن اشۋعا بارىن سالاتىن".

ال بۇعان دەيىن  الماتى وبلىسى ىشكى ساياسات باسقارماسىن گۇلجيان سۇلەيمەنوۆا باسقارىپ كەلگەن.

گۇلجيان ماعدان قىزى وبلىستىڭ ىشكى ساياسات باسقارماسىن ۇزاق جىلدار باسقارسادا، ءقازاقتىلدى ەلەكتروندى باق-پەن جۇمىس جاساۋدا بەلسەندىلىك تانىتپاعان ەدى. ءبىز عالياسقار مىرزا وسى كەمشىلىكتى تۇزەيدى دەگەن سەنىمدەمىز.

"قامشى" پورتالى ۇجىمى عالياسقار تولەندىۇلىن جاڭا تاعايىندالعان قازمەتىمەن قۇتتىقتاي وتىرىپ، جۇمىستارىنا ساتتىلىك، تابىس پەن جەمىس تىلەيدى.