تەگى پولشالىق اقش ساياساتكەرى، الەۋمەتتانۋشى، اقش مەملەكەت قايراتكەرى زبيگنيەۆ كازيمەج بجەزينسكي الەمدىك ساياساتتا ايتارلىقتاي بەدەلگە يە تۇلعا. اسىرەسە ول ۋكراينانىڭ ەۋروپالانۋىنا جانە رەسەيدىڭ قىرىمدى زاڭسىز اننەكسيالاۋىنا قاتىستى وتكىر پىكىرلەر بىلدىرۋدە.
وسى رەتتە بجەزينسكيدىڭ رەسەي فەدەراسياسى مەن ۋكراينا جاڭجالدارىنا قاتىستى الەمدىك باق-قا بەرگەن سۇحباتتارىنان ۇزىندىلەردى نازارلارىڭىزعا ۇسىنامىز.
زبيگنيەۆ كازيمەج بجەزينسكيي
"ەگەر ورىستار سونشالىق اقىماق بولاتىن بولسا، ولار وزدەرىنىڭ بۇرىنعى يمپەرياسىن قايتا قۇرۋعا ارەكەتكە كوشەدى.مىسالى، شەشەنستان مەن اۋعانستانداعى كونفليكتتەردى (جانجالدار) قايتالايدى".
"ءبىز سوۆەتتەر وداعىن جەڭدىك. رەسەيدى دە جەڭەمىز".
"نەگىزى رەسەي ارتىق مەملەكەت".
"پروۆاسلاۆيە - امەريكانىڭ نەگىزگى جاۋى".
"رەسەي - جەڭىلىس تاپقان دەرجاۆا. ول تيتانيكالىق سوعىستا-اق جەڭىلىس تاپقان جانە ول رەسەي ەمەس، سوۆەت وداعى بولعان دەپ ايتۋ - بۇل شىندىقتى بۇرمالاۋ دەگەن ءسوز. ول رەسەي ەدى. سوۆەتتەر وداعى دەپ اتالاتىن رەسەي بولاتىن. ول اقش-قا سەس كورسەتپەك بولدى. اشىق سوعىسۋعا شاقىردى. ءسويتتى دە جەڭىلىپ قالدى. ءقازىر، رەسەي "ۇلى دەرجاۆا" دەگەن يلليۋزيا قۇرۋدىڭ ەش كەرەگى جوق. ونداي ودان مۇلدە ارىلۋ كەرەك. ويتكەنى رەسەي ءتۇبى بولشەكتەنىپ كەتەتىن مەملەكەت".
"رەسەي نە يمپەريالىق باعىتتى نەمەسە دەموكراتيالىق باعىتتى تاڭداۋى ءتيىس. ءبىراق، ەكەۋىن بىردەي تاڭداي المايدى. ول مۇمكىن ەمەس. رەسەي ەۋرازيالىق باعىتتى قۋالايتىن بولسا، ول يمپەريالىق ەل بولىپ قالاتىنى ءسوزسىز. وندا رەسەي يمپەرياسىنىڭ ءداستۇرىن يزولياسيا جاساۋىمىزعا تۋرا كەلەدى. ءبىز ءجاي قاراپ، قول قۋسىرىپ وتىرا المايمىز. بارلىق ەۋروپالىق مەملەكەتتەر مەن اقش ءبىر شەپتە رەسەيگە ءتىزى بىرىكتىرەتىن بولادى".
"رەسەي ەركىن كونفەدەراسيا پرينسيپتەرىنە قۇرىلعان مەملەكەت. بۇل رەسەيدىڭ ەۋروپالىق بولىگى، ءسىبىر رەسپۋبليكاسى مەن الىس-شىعىس ەلدەرى جانە ورتالىق ازيا مەملەكەتتەرىمەن قويان-قولتىق ارالاسادى. ورتاق مۇددەلەرى دە جوق ەمەس" "رەسەي ءۇشىن ءتيىمدى جالعىز گەوستراتەگيالىق تاڭداۋ - ول ترانساتلانتيكالىق ەۋروپا، ەو جانە ناتو-مەن بىرىگۋ. تەك سوندا عانا رەسەي حالىقارالىق ارانەدا شىنايى ءرول وينايتىن بولادى".
اۋدارىپ توپتاستىرعان نۇرگەلدى ءابدىعاني ۇلى
