اۋىلداعى تويلاردىڭ بىرىندەگى اجەلەر كۇرەسىنىڭ ۆيدەوسى جەلىدە پىكىرتالاس تۋدىردى دەپ حابارلادى 7 ارنا. ۆيدەونى كورگەندەردىڭ ءبىرازى بۇلاي اجەلەرەمىزدىڭ بىلەك سىناسۋى ۇيات دەگەن پىكىردە بولسا، ەندى ءبىرى بۇل “قاتىن كۇرەس” دەگەن ەجەلگى ۇلتتىق سپورت ءتۇرى دەپ جاتىر. “بەلدەسۋگە ەر ادام قالماپ پا؟ جەڭگىسى كەلسە اپالارىمىز ۇرشىق ءيىرىپ جارىسسىن. ۇيات ءارى ەرسى، قىز-كەلىنگە ەش كورسەتەر ۇلگى جوق!”، – دەپ جازعان پىكىر قالدىرۋشىلاردىڭ ءبىرى. “وعاش ەشتەڭەسى جوق، بۇل ءداستۇرلى قوعامدا بۇرىننان بولعان “قاتىن كۇرەس”. تەك مىنا جەردە كيىمدەرى وڭدى بولماي قالىپتى. ونى سان ساققا جۇگىرتىپ،  قازاقتىڭ بۇرىنعىسىنان حابارلارىڭنىڭ جوقتىعىن تانىتپاڭدارشى. قايتا قازىرگى كەزدە سول كەزدىڭ تانىمى، ادەبى، يماندىلىعى دەڭگەيىنەن كوپ تومەندەپ كەتكەنىمىزدى مويىندالىقشى”، – دەپ جازعان ەكىنشىسى. كۇرەستىڭ بۇل ءتۇرى حح عاسىردا توي-تومالاقتاردا ءجيى وتكىزىلگەن ەكەن. جەڭىمپازدارعا ارنايى جۇلدە بەرىپ وتىرعان. ول كەزدە داڭقتى پالۋان اپالارىمىز كوپ بولعان دا شىعار. ەستەرىڭىزگە سالساق، 2012 جىلى ءاز-ناۋرىز مەيرامىندا ەلوردالىق اجەلەر مەن اتالار بوز كىلەمدە بەلدەسىپ، جارىس ۇيىمداستىرعان بولاتىن. ەلوردانىڭ “قازاق ەلى” مونۋمەنتى الدىندا “قازاقشا كۇرەستەن” بوز كىلەمگە ەتەك-جەڭىن ءتۇرىپ، اجەلەرىمىز بەن اتالارىمىز دا شىققانىن اگەنتتىكتەر حابارلاپ كەتكەن ەدى.