ەلباسى نۇرسۇلتان نازاربايەۆ قازاقستان حالقىنا ارناعان جولداۋىندا ەكونوميكانى ءارتاراپتاندىرۋ - تابىس كىلتى ەكەنىن اتاپ كورسەتكەن بولاتىن. ءارتاراپتاندىرۋدىڭ وزەگى - كاسىپكەرلىك. ەكونوميكانى جاڭعىرتۋدىڭ قوزعاۋشى كۇشى دە كاسىپكەرلەر. سوندىقتان، الەمنىڭ كوپتەگەن ەلدەرىندەگى سياقتى، قازاقستاندا دا جاڭا يدەيالاردىڭ قاينار كوزى ىسپەتتەس كاسىپكەرلىكتى دامىتۋدى ىنتالاندىرۋ ىسىنە ايرىقشا ماڭىز بەرىلىپ وتىر. ونىڭ ىشىندە ايەلدەر كاسىپكەرلىگىنىڭ دامۋى قوعام ءۇشىن ماڭىزدى. ايەلدەر كاسىپكەرلىگى باسەكەلەس نارىقتىق ورتانى قۇرۋعا مۇمكىندىك تۋعىزادى، تاۋارلار جانە قىزمەتتەرمەن نارىقتى قانىقتىرادى، سۇرانىستىڭ وزگەرىستەرىنە يكەمدى جاۋاپ قايتارادى، تاۋەكەلدى جوبالار مەن جاڭالىقتار ەنگىزەدى، سونداي-اق مامانداردى، كاپيتالدى، نەگىزگى جانە قوسىمشا ماتەريالداردى تولىقتىرۋ كوزى بولىپ تابىلادى. ايەلدەر كاسىپكەرلىگىنىڭ دامۋى ەڭبەككە قابىلەتتى حالىقتىڭ جۇمىسپەن قامتىلۋ دەڭگەيىن كوتەرۋگە جانە ولاردىڭ ءومىر ءسۇرۋ ساپاسىن ارتتىرۋعا ءوز سەپتىگىن تيگىزەدى. وسىنداي كەلەلى ماسەلەنى تالقىلايتىن تاعى ءبىر جيىن وقو-دا ءوتتى. سوزاق اۋدانىنىڭ اكىمى ا. ايمۇرزايەۆ پەن اۋداندىق ءماسليحاتتىڭ حاتشىسى م. يسايەۆ وسى ولكەدە ءتۇرلى سالادا قىزمەت ەتىپ، جەتىستىكتەرگە جەتىپ جۇرگەن ىسكەر ايەلدەردى قابىلدادى قابىلداۋ بارىسىندا قىز كەلىنشەكتەر الداعى اتقاراتىن جۇمىستارى تۋرالى ايتىپ، جوسپارلارىمەن ءبولىستى. ماسەلەن ءلايلا ىستىبايەۆا قىز كەلىنشەكتەرگا ارنالعان ساۋىقتىرۋ ورتالىعىن سالۋدى جوسپارلاپ وتىرعانىن ايتسا، گۇلنۇر بايجىگىتوۆا بالاباقشا اشقىسى كەلەدى ەكەن. تاعى ءبىرى ءتاتتى تاعامدار ازىرلەيتىن كونديتەرلىك سەح اشىپ، قازىرگى ۋاقىتتا ونىمدىلىگىن كوبەيتۋ باعىتىندا جۇمىستار اتقارىپ جاتقانىن ايتتى. اۋدان اكىمى جوقتان بار جاساپ، قوعامنىڭ دامۋىنا ۇلەسىن قوسىپ جۇرگەن قىز كەلىنشەكتەردى الدا كەلە جاتقان مەرەكەلەرىمەن قۇتتىقتاپ، ءوز ءىسىن اشىپ، كاسىبىن دامىتامىن دەگەن قىز-كەلىنشەكتەرگە مەملەكەت تاراپىنان قولداۋ بولادى، – دەيدى.