شىمكەنتتەگى «پك Inspiration» سەرىكتەستىگى قىز-كەلىنشەكتەرگە ارنالعان شۇلىق توقۋمەن اينالىسادى. يتالياندىق تەحنولوگيامەن جابدىقتالعان كاسىپورىنداعى وزىق يننوۆاسيالىق تەحنيكا ءتىلىن جەرگىلىكتى ماماندار جەتىك يگەرگەن. بۇل تۋرالى 24.kz اقپاراتتىق پورتالى جازادى. «شىمكەنتتە جاسالعان» دەگەن بەلگىسى بار ايەلدەر شۇلىعى الەمدىك ساپاعا ساي توقىلىپ، وتاندىق نارىقتا ساۋداعا شىعارىلىپ جاتىر. وڭتۇستىكتىڭ برەندىنە اينالىپ ۇلگەرگەن ءونىمنىڭ باعاسى وزگە ەلدىكىنەن الدەقايدا ارزان.

ءبىر قىزىعى، ۇۇلىق توقيتىن قوندىرعىلاردى نەگىزىنەن ەر ازاماتتار باسقارادى. ءوندىرىس باسشىسى مۋتال شاماحسۋموۆ ستانوكتارداعى ءاربىر ءجىپتى ءجىتى باقىلاپ جۇرەدى. ويتكەنى تەحنيكا ءمۇلت كەتسە، قانشاما ءونىم جارامسىز بولىپ قالادى دەيدى ول.

مۋتال شاماحسۋموۆ، «پك Inspiration» ج ش س ءوندىرىس باسشىسى: «ءبىز ءوز قولىمىزبەن جاساعاندىقتان، ءونىمنىڭ قانداي بولاتىنىن ءدوپ باسىپ ايتا الامىز. ويتكەنى ايەلدىڭ نەنى قالايتىنىن ەر-ازاماتتان ارتىق ەشكىم بىلمەيدى. قوندىرعىعا قاجەتتى باعدارلامانى ءوزىمىز جاسايمىز. توقيمىز، سوسىن قىز-كەلىنشەكتەرگە ۇسىنامىز.»

وتباسىلىق بيزنەستى وركەندەتىپ جۇرگەن كاسىپورىن باسشىسى يتاليا مەن گەرمانياداعى سەرىكتەستەرىمەن بىرىگىپ، وسى جوبانى قولعا العان. سوڭعى ۇلگىدەگى جابدىقتار شۇلىقتىڭ ءتۇر-تۇرىن توقىپ شىعارادى. شيكىزات ەۋروپاداعى جەتەكشى كومپانيالاردان اكەلىنەدى. توعىز ءتۇرلى ءجىپ قولدانىلادى. قۇرامىندا سوزىلمالى زاتى بار ماتەريالدار قوسىلعان شۇلىقتار شىدامدى كەلەدى دەيدى ماماندار. وتاندىق ءونىم سونىسىمەن دە ەرەكشە.

سۆەتلانا ەليستراتوۆا، «پك Inspiration» ج ش س باقىلاۋشىسى: «ءبىز نەگىزگى جۇمىستاردى اتقارامىز. ال يتاليادا بۇل جۇمىستاردى ەر-ازاماتتار جاسايدى ەكەن. توقۋ ستانوگىنان بىزگە شۇلىقتىڭ العاشقى توقىلعان بولىگى تۇتىكشە رەتىندە كەلەدى. وسىندا قاجەتىنە قاراي ەكىگە ءبولىپ، بىر-بىرىنە جالعاپ، تىگىپ شىعامىز. سوسىن ىڭعايلى بولادى.»

كاسىپورىنداعى بارلىق تەحنيكا كومپيۋتەر كومەگىمەن باسقارىلادى. الدىن الا ديزاينەرلەر قاجەتتى زاتتىڭ ءتۇرى مەن كەسكىنىن جاساپ الادى. قوندىرعى سول جوباعا قاراپ شۇلىقتى ءوزى توقيدى. تاعى ءبىر ارتىقشىلىعى — قالاۋىڭىزعا قاراي ءىرى جانە مايدا تورلى ەتىپ، سونىمەن قاتار شۇلىق بەتىنە سۋرەت توقۋعا دا بولادى ەكەن. ماۋسىمىنا قاراي ءونىمنىڭ ءتۇسى دە وزگەرەدى. ازىرگە كاسىپورىنداعى ۇلگىنى يتاليالىق ديزاينەر جاساپ جاتىر.

بۋشيني ماۋرو، تەحنولوگ-ديزاينەر: «بۇل — وتە جاقسى ءارى ساپالى ءونىم. ماعان قاتتى ۇنايدى. ءونىم وتە مۇقيات جانە ۇقىپتى تىگىلەدى. ءبىزدىڭ بۇل سالادا تاجىريبەمىز كوپتەۋ. سوندىقتان بىلگەندى ۇيرەتىپ جاتىرمىز.»

سەرىكتەستىك ايىنا وسىنداي 45 مىڭ دانا ايەلدەر شۇلىعىن توقۋعا قاۋقارلى. وندىرىستىك كومپانيا بۇيىمدارىن ەلىمىزدەگى دۇكەن سورەلەرىمەن قاتار شەتەلدەگى ءىرى ساۋدا كەشەندەرىنەن دە كورۋگە بولادى. باستىسى – وتاندىق ءونىم وڭتۇستىك جۇرتىنىڭ ماقتانىشىنا اينالىپ كەلەدى.