سالاماتتى ۇرپاق – ۇلت بولاشاعى! ۇلت تاعدىرى – ۇرپاق قولىندا ەكەنىن جاقسى تۇسىنگەن اتا-بابامىز جاس انالارعا قامقورلىق كورسەتۋدى جاس ۇرپاعىنىڭ ساناسىنا ءسىڭىرىپ وسىرگەن. دامۋدىڭ داڭعىل جولىنا باعىت تۇزەگەن قازاقستاننىڭ ءتۇڭعىش پرەزيدەنتى، ۇلت كوشباسشىسى نۇرسۇلتان ءابىش ۇلى دا ءوزىنىڭ ءار جىلعى جولداۋلارىندا جاس انالار مەن سابيلەردى نازارىنا تىس قالدىرمايدى. قازاقستانداعى جاس انالاردىڭ ۇلتتىڭ سانىن كوبەيتۋگە ەش كەدەرگى كەلتىرمەۋ ءۇشىن بارلىق قولايلىلىقتار تۋعىزىپ وتىرعكانى دا جاسىرىن ەمەس. مىسالى قازاقستانداعى دەموگرافيالىق ءوسىم جوعارى كورسەتكىشتى نۇسقايتىن وڭتۇستىك قازاقستان وبلىسىندا دا بولاشاق انالار ءۇشىن ءتۇرلى كەڭەستەر بەرىلىپ، قىزىقتى جيىندار ۇيىمداستىرىلىپ تۇرادى.  وسىنداي سالۋاتتىلىقتى ناسيحاتتايتىن جيىن وقو-دا ءوتتى. مۇندا دارىگەرلەر ايەلدەرگە بوسانۋدىڭ جاڭا تاسىلدەرىن ۇيرەتۋدە. ەۋراپادان كەلگەن جاڭا ءادىس بارلىق پەرزەنتحانالاردا قولدانىسقا ەنگىزىلگەن. مامانداردىڭ ايتۋىنشا، بۇل ءادىستى يگەرگەن كەلىنشەك امان-ەسەن بوسانادى. ماماندار بۇعان قوسا انا مەن بالا ءولىمى ازايادى دەن سەنەدى. وسى ورايدا جاڭا ءادىستى كەڭىنەن ناسيحاتتاپ، حالىققا ءتۇسىندىرۋ جۇمىستارىن جۇرگىزۋ ءۇشىن قالاداعى بارلىق ەمحانالاردا بوسانۋدى جوسپارلاۋ كابينەتتەرى جۇمىس جاساۋدا. مىسالى، ق ر دەنساۋلىق ساقتاۋ مينيسترلىگى مۇنداي باستامالارعا ءار كەز قولداۋ ءبىلدىرىپ، سونىمەن قاتار، بولاشاق انالارعا ارنالعان ءتۇرلى كەڭەستەر كۋرسىن ۇيىمداستىرۋدى قولعا العان. قازاقستان رەسپۋبليكاسىنىڭ دەنساۋلىق ساقتاۋ ءمينيسترىنىڭ 2003 جىلعى 14 تامىزداعى N 612 بۇيرىعىمەن بەكىتىلگەندەي،   بوسانۋدىڭ الدىندا تۇرعان جاس انالارعا اكۋشەرلىك-گينەكولوگيالىق كومەكتى جەتىلدىرۋ جانە ودان ءارى دامىتۋعا، ايەلدەر كونسۋلتاسياسىنىڭ (كابينەتىنىڭ) قىزمەتىن ۇيىمداستىرۋ، وبلىستىق، استانا جانە الماتى قالالارى دەنساۋلىق ساقتاۋ باسقارمالارىنىڭ (دەپارتامەنتتەرىنىڭ) باستىقتارى ەرەجەگە سايكەس ايەلدەر كونسۋلتاسياسىنىڭ، كابينەتتەرىنىڭ قىزمەتىن ۇيىمداستىرسىن دەگەن بۇيرىق بۇگىندە كۇشىنە ەنگەن. وقو-داعى وڭ قادام سونىڭ دالەلى بولماق.