سوقتىعىسقان ەكى كولىكتىڭ جۇرگىزۋشىلەرى اۋرۋحانادا جاتىر، جولاۋشىلار وقيعا ورنىندا كوز جۇمدى، دەپ حابارلايدى Qamshy.kz اقپارات اگەنتتىگى sputniknews.kz سايتىنىڭ اقپاراتىنا سۇيەنىپ.
الماتىدا جاڭا ساين كوشەسىندە جانتۇرشىگەرلىك جول اپاتى بولدى.
وقيعا كۋاگەرلەرىنىڭ ايتۋىنشا، Hyundai Accent ساين كوشەسىمەن سولتۇستىك باعىتتا كەلە جاتىپ، يندۋستريالىق ايماققا قاراي بۇرىلماق بولادى.
ءدال سول ۋاقىتتا وسى كوشە بويىمەن Toyota Land Cruiser Prado وڭتۇستىك باعىتتا كەلە جاتادى. جول تالعامايتىن اۆتو Hyundai كولىگىنە ءبىر-اق سوعىلادى دا، قاتتى سوققىدان جەڭىل كولىك ءبىر شەتكە ۇشىپ كەتىپ، ارىققا تۇسەدى.
جول اپاتى سالدارىنان ەكى جۇرگىزۋشى ءارتۇرلى جاراقاتپەن جاقىن ماڭداعى اۋرۋحاناعا جەتكىزىلدى.
Hyundai جولاۋشىلارى – بويجەتكەن مەن 2016 جىلى تۋعان ءسابي جەدەل جاردەم كەلگەنشە قازا تاپتى.
جول اپاتى ورنىندا پوليسيا قىزمەتكەرلەرى جۇمىس ىستەپ جاتىر.
ۇسىنعان: نازەركە لابيحان
پىكىر قالدىرۋ