الەۋمەتتىك جەلىدە جانتۇرشىگەرلىك جول اپاتىنىڭ ۆيدەوسى تارالدى. استاناداعى قابانباي باتىر كوشەسىندە ءۇش قوعامدىق كولىك سوقتىعىسىپ، بىرنەشە ادام قازا تاپتى، دەپ حابارلايدى Qamshy.kz اقپارات اگەنتتىگى.

بەلگىلى بولعانداي، ءىرى جول اپاتىندا ءبىر جولاۋشى مەن قوعامدىق كولىك جۇرگىزۋشىسىنىڭ بىرەۋى كوز جۇمعان.

«استانا لرت» مالىمەتىنشە، 26 ناۋرىز كۇنى ۇلى دالا مەن قابانباي باتىر كوشەلەرىنىڭ قيىلىسىندا ءۇش قوعامدىق كولىك پەن جەڭىل اۆتوكولىك سوعىسقان ءىرى جول اپاتى بولعان. قالانىڭ سىرتىنا قاتىنايتىن №303 اۆتوبۋس №12 اۆتوبۋسپەن سوعىسقان. كەيىننەن №53 اۆتوبۋس پەن جەدەل جاردەمدى سوعىپ وتكەن. جول اپاتىنىڭ ءمان-جايى انىقتالۋدا.

«دەرەكتەرگە سايكەس، قوعامدىق كولىك جۇرگىزۋشىسى مەن ءبىر جولاۋشى قازا تاپتى. وقيعا ورنىندا پوليسيا قىزمەتكەرلەرى مەن دارىگەرلەر جاپا شەككەندەرگە كومەك كورسەتۋدە»، - دەپ مالىمدەدى پوليسيا دەپارتامەنتى.

ۇسىنعان: نازەركە لابيحان