ق ر ۇكىمەتىنىڭ 2013 ج. 22 قاراشا № 698 جارلىعى بويىنشا 21-مامىر مادەنيەت جانە ونەر قىزمەتكەرلەرى كۇنى بولىپ جاريالانىپ، ق ر مادەنيەت جانە سپورت مينيسترلىگىنىڭ قولداۋىمەن، قازىرگى تاڭدا ەلىمىزدە كەڭ كولەمدە اتالىپ وتىلۋدە.

بيىلعى جىلى، اتاۋلى مەرەكە – مينيسترلىككە باعىنىستى رەسپۋبليكالىق مادەنيەت جانە ونەر مەكەمەلەرى اراسىندا سپورتتىق ويىن تۇرلەرىنەن جارىس تۇرىندە ۇيىمداستىرىلىپ وتىر.

ءبىز، ع.مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىنىڭ ۇجىمى – اتالمىش ءىس-شاراعا ميني-فۋتبول، شاحمات، 100 مەتر قاشىقتىقتى جىلدامدىققا جۇگىرۋ، 16 كيلوگرامدىق كىرتاسىن كوتەرۋ، ارقان تارتىس، ۆولەيبول سىندى سپورت تۇرلەرىنەن سايىسقا ءتۇسىپ، باعىمىزدى سىناماق نيەتتەمىز.

وسى سەبەپتى، بارشا ارىپتەستەرىمىزدى ءتول مەرەكەلەرىمەن شىن جۇرەكتەن قۇتتىقتايمىز! ەڭبەكتەرىڭىزگە جەمىس، شىعارماشىلىقتارىڭىزعا تولاعاي تابىستار تىلەيمىز!

وتەتىن ورنى:       الماتى قالاسى، شاڭىراق مولتەك اۋدانىنداعى رەسپۋبليكالىق وليمپيادا رەزەرۆىن دايارلاۋ مەكتەبى.

باستالۋى:             10.00