ەلباسى نۇرسۇلتان نازاربايەۆ بەلگىلى اكتەر دجەكي چانمەن كەزدەستى دەپ حابارلايدى Qamshy.kz اقپارات اگەنتتىگى اقوردا باسپا ءسوز قىزمەتىنە سىلتەمە جاساپ.

كەزدەسۋگە، سونداي-اق، ايگىلى جۇڭگو اكتەرىنىڭ ارىپتەستەرى مەن شىعارماشىلىق ۇجىمىنىڭ مۇشەلەرى قاتىستى.

اڭگىمەلەسۋ بارىسىندا نۇرسۇلتان نازاربايەۆ دجەكي چاننىڭ الەمدىك كينەماتوگرافياداعى ماڭىزدى ءرولىن اتاپ ءوتتى.

– وزىڭىزدەي تانىمال تۇلعامەن جۇزدەسكەنىمە قۋانىشتىمىن. ءسىزدى بۇكىل الەم بىلەدى، – دەدى ەلباسى.   

جۇڭگو اكتەرى الداعى شىعارماشىلىق جوسپارى جانە كينويندۋستريا سالاسىنداعى بىرلەسكەن جوبالاردى جۇزەگە اسىرۋ جولدارى تۋرالى وي ءبولىستى. 

ەسكە سالا كەتسەك، ەلباسى بەيجىڭدە 26-27 ساۋىردە وتكەن "ءبىر بەلدەۋ، ءبىر جول" فورۋمىنا قاتىستى. فورۋمنىڭ رەسمي اشىلۋى اياسىندا نازاربايەۆ ءۇشىنشى بولىپ، قحر ءتوراعاسى سي سزينپين مەن رەسەي پرەزيدەنتى ۆلاديمير پۋتيننەن كەيىن سويلەدى. فورۋمعا بارلىعى 37 ەلدىڭ باسشىسى قاتىستى.  

وقي وتىرىڭىز، ♦ەلباسى جۇڭگو ەلىنىڭ "دوستىق" مەدالىمەن ماراپاتتالدى (فوتو)

ۇسىنعان: ماقپال سەمباي