شري-لانكا بيلىگى مۇسىلمان قوعامىنا قارسى جاسالعان بۇزاقىلىقتارعا بايلانىستى ەلدە كومەندانتتىق ساعات ەنگىزدى دەپ حابارلايدى Qamshy.kz اقپارات اگەنتتىگى «ينتەرفاكس» اگەنتىگىنە سىلتەمە جاساپ.
مەملەكەتتە ءدىنارالىق قاقتىعىستار جالعاسۋدا. جەرگىلىكتى پوليسيانىڭ مالىمدەۋىنشە، حريستياندار مەشىت پەن مۇسىلماندارعا تيەسىلى دۇكەندەرگە شابۋىل ۇيىمداستىرعانان كەيىن دۇيسەنبىدەن باستاپ ەلدىڭ ءۇش ايماعىندا كومەندانتتىق ساعات ەنگىزىلدى.
كەيىنىرەك تارتىپسىزدىكتەر تاعى بىرنەشە اۋدانداردا بولعاننان كەيىن، كومەندانتتىق ساعات بۇكىل ەلگە جۇرگىزىلدى.
جەرگىلىكتى باسىلىمداردىڭ حابارلاۋىنشا، بيلىك Whatsapp، Facebook جانە بىرنەشە الەۋمەتتىك جەلىلەردى ۋاقىتشا بۇعاتتادى. بۇل شارا جەلىدە جالعان ناسيحاتتاردىڭ تارالۋىنا بايلانىستى جاسالدى.
ەستەرىڭىزگە سالا كەتەيىك، 21ء-ساۋىر كۇنى شري-لانكادا بىرنەشە جارىلىس بولدى. بەس جۇلدىزدى 3 قوناق ءۇي جانە 5 حريستياندىق عيباداتحاناعا شابۋىل جاسالدى. سونىڭ سالدارىنان 257 ادام كوز جۇمدى. قازا تاپقاندار مەن زارداپ شەككەندەردىڭ كوبىسى - حريستيان ءدىنىن ۇستانۋشىلار.
ودان كەيىن ەلدە تەراكتقا قاتىستى دەلىنگەن ەكى لاڭكەستىك توپقا تىيىم سالىندى.
ق ر ءسىم رەسمي تۇردە قازاقستاندىقتار ءۇشىن شري-لانكاعا دەمالىس ومىرلەرىنە ءقاۋىپتى دەپ ەسكەرتتى.
اۋدارعان: يلدار اديلچەنوۆ
پىكىر قالدىرۋ