الماتى وبلىسىندا ساتىپ الۋشىلار ءسۇت وراماسىنىڭ ىشىنەن سۋدان باسقا ەشتەڭە تابا الماعان. بۇل جاعداي قالاي تۋىنداعانىن، ماسەلەنىڭ اق-قاراسىن قازىرگى تاڭدا وندىرۋشىلەر انىقتاپ جاتىر دەپ حابارلايدى Qamshy.kz اقپارات اگەنتتىگى كتك ارناسىنا سىلتەمە جاساي وتىرىپ.

بۇل ءسۇت ونىمدەرى، ناقتىراق ايتساق، سۋ ونىمدەرى تالدىقورعان قالاسىندا تابىلعان. دۇكەن قىزمەتكەرلەرى بىرنەشە ورامانى اشىپ قاراعان جانە ەشقايسىسىنان ءسۇت تابا المادى. سورەلەردە تۇرعان تاۋارلار پارتياسى تاركىلەندى.

"زەرتتەۋ جۇرگىزىلۋدە، ءبىز WhatsApp جەلىسى ارقىلى كەلگەن سيگنالدى كوردىك، ارينە، كىنالىلەر تابىلىپ، ءوز ىستەرىنە جاۋاپ بەرەتىن بولادى. بارلىق قاتەلىك ادامداردان"، - دەدى MZ Sunny كومپانياسىنىڭ ديرەكتورى ايدا شايس.

ءوندىرۋشى كومپانيانىڭ باسشىلىعى ءمان-جايدىڭ قالاي بولعانىن، قاي جەردەن قاتەلىك كەتكەنىن قاراستىرۋعا ۋادە بەردى.

اۋدارعان: بەك بايتاس