الەمدەگى ءعىلىم-بىلىمنىڭ ەكىنشى ۇستازى ءال-فارابي اتىنداعى قازاق ينتەلليگەنسياسىنىڭ ءبىرىنشى قارا شاڭىراعىنا، ءبىزدىڭ ۋنيۆەرسيتەتكە 85 جىل تولدى دەپ جازادى Qamshy.kz اقپارات اگەنتتىگى ۋنيۆەرسيتەتتىڭ باسپا ءسوز قىزمەتىنىڭ دەرەگىن نەگىزگە الىپ. 

ەلىمىزدىڭ ەرتەڭى مەن بۇگىنى جاستاردىڭ قولىندا دەگەن قاعيدانى ءبارىمىز بىلەمىز. ۋنيۆەرسيتەتىمىز —  ەلىمىزدىڭ دامۋىنىڭ كەپىلى مەن كورسەتكىشى.

ءال-فارابي اتىنداعى قازاق ۇلتتىق ۋنيۆەرسيتەتى قازاقستاننىڭ جەتەكشى كلاسسيكالىق ۋنيۆەرسيتەتى مارتەبەسىنە يە. قازاقستان ءبىلىمى مەن عىلىمىنىڭ ءىرى ورتالىعى، جوعارى كاسىبي، جوعارى وقۋ ورنىنان كەيىنگى ءبىلىم مەن عىلىمنىڭ يننوۆاسيالىق دامۋىنىڭ ۇلتتىق كوشباسشىسى. 2011 جىلى ءال-فارابي اتىنداعى قازۇۋ حالىقارالىق QS رەيتينگىلىك اگەنتتىگىنىڭ زەرتتەۋ ناتيجەسىنىڭ قورىتىندىسى بويىنشا الەمدەگى 800 ۇزدىك ۋنيۆەرسيتەت اراسىندا 499-ورىندى يەمدەنسە، 2013 جىلعى ساراپتاۋ ناتيجەسىندە 299-ورىندى باعىندىردى، ال قازاقستاندا №1.

ءال-فارابي اتىنداعى قازۇۋ قازاقستان جوعارى وقۋ ورىندارى اراسىندا گۋمانيتارلىق عىلىمدار بويىنشا QS پاندىك رەيتينگىنىڭ 150-توبىنا ەنگەن جالعىز ۋنيۆەرسيتەت.

قازۇۋ-دىڭ 41 ماماندىعى ساپا ساراپتاماسى مەن ەكونوميكالىق، قۇقىقتىق جانە الەۋمەتتىك-گۋمانيتارلىق باعىتتا ءبىلىم بەرۋ باعدارلامالارى بويىنشا اككرەديتاۋدان  ءوتتى.

ءال-فارابي اتىنداعى قازۇۋ جوعارى باسەكەگە قابىلەتتىلىگىن تاعى دا راستاپ QS رەيتينگىسىندە دامۋشى ەۋروپا جانە ورتالىق ازيا ەلدەرىنىڭ (EECA - Emerging Europe & Central Asia)  10 ۇزدىك جوو قاتارىنا ەندى.

ءال-فارابي اتىنداعى قازاق ۇلتتىق ۋنيۆەرسيتەتى تمد ۋنيۆەرسيتەتتەرى اراسىندا ەكىنشى ورىندا تۇر. حالىقارالىق QS رەيتينگىسى بويىنشا الەمدەگى ۇزدىك 200-توپ ۋنيۆەرسيتەت قاتارىنا ەنىپ 200 ورىندى يەمدەندى. قازاقستان جوو اراسىنداعى ەڭ ۇزدىك ۋنيۆەرسيتەت بولىپ سانالادى.

ءال-فارابي اتىنداعى قازاق ۇلتتىق ۋنيۆەرسيتەتى — قازاقستان جوو باستى رەيتينگىسى بويىنشا كوشباسشى، مەملەكەتىمىزدىڭ تاريحىندا ءبىرىنشى بولىپ قازاقستان رەسپۋبليكاسى پرەزيدەنتىنىڭ «ساپا سالاسىنداعى جەتىستىكتەرى ءۇشىن» سىيلىعىنىڭ لاۋرەاتى، تاۋەلسىز مەملەكەتتەر دوستاستىعىنىڭ «قىزمەتتەر مەن ءونىم ساپاسى سالاسىنداعى جەتىستىكتەرى ءۇشىن» سىيلىعىنىڭ ديپلومانتى اتانعان وقۋ ورنى. ۋنيۆەرسيتەت — حالىقارالىق ۋنيۆەرسيتەتتەر اسسوسياسياسىنىڭ مۇشەسى جانە ەۋرازيالىق ۋنيۆەرسيتەتتەر اسسوسياسياسىنىڭ ۇيىمداستىرۋشىسى. ورتالىق ازيا مەملەكەتتەرى مەن قازاقستان جوعارى وقۋ ورىندارى اراسىندا ءبىرىنشى بولىپ بولون قالاسىندا ۋنيۆەرسيتەتتەردىڭ ۇلى حارتياسىنا قول قويدى. يسو 9000:2000 حالىقارالىق ستاندارتتار تالابى نەگىزىندە ساپا مەنەدجمەنتى جۇيەسىنە ساي (سمج) حالىقارالىق سەرتيفيكاتتاۋدان جەمىستى ءوتتى جانە IQNET حالىقارالىق سەرتيفيكاتتاۋ جۇيەسى سىندى ەڭ ءىرى الەمدىك سەرتيفيكاتتاۋ ورتالىعىنىڭ كۋالىگىن يەلەندى.

بۇگىنگى تاڭدا ءال-فارابي اتىنداعى قازۇۋ سىزدەرگە الۋان ءتۇرلى ماماندىقتاردى ۇسىناتىن ءبىلىم جانە عىلىم ورداسى.

ۋنيۆەرسيتەت قۇرامىندا 16 فاكۋلتەت، 67 كافەدرا، 32 عىلىمي-زەرتتەۋ ينستيتۋتى مەن ورتالىقتار، تەحنوپارك قىزمەت اتقارادى: 2000-نان استام پروفەسسور، دوكتور، عىلىم كانديداتى مەن فيلوسوفيا دوكتورلارى، 100-دەن استام اكادەميالاردىڭ اكادەميكتەرى، 30-عا جۋىق قازاقستان رەسپۋبليكاسىنا ەڭبەك سىڭىرگەن قايراتكەرلەرى، 30-دان استام قازاقستان رەسپۋبليكاسىنىڭ مەملەكەتتىك جانە اتاۋلى سىيلىعىنىڭ لاۋرەاتتارى، سونداي-اق 40 جاس عالىمدار سىيلىعىنىڭ لاۋرەاتتارى مەن 45 مەملەكەتتىك عىلىمي ستيپەنديالاردىڭ ستيپەنديانتتارى ەڭبەك ەتەدى. ۋنيۆەرسيتەتتە كاسىبي ءبىلىم بەرۋ  كوپساتىلى جۇيەسى بويىنشا 25 مىڭنان استام بىلىمگەر مەن ماگيسترانت ءبىلىم الۋدا. ءبىز، تاجىريبە جۇرگىزۋ مەن بىلىمگەرلەرمەن الماسۋدا جانە زاماناۋي حالىقارالىق ءبىلىم باعدارلامالارىن جۇزەگە اسىرۋدا الەمنىڭ ەڭ ءىرى 418 حالىقارالىق جوعارعى وقۋ ورنىمەن ىنتىماقتاستىق ورناتتى.

ءال-فارابي اتىنداعى قازاق ۇلتتىق ۋنيۆەرسيتەتى – ءبىرىنشى بولىپ مەملەكەتتىك اتتەستاسيادان وتكەن جانە بارلىق ماماندىقتار مەن دارەجەلەر بويىنشا ءبىلىم كىزمەتىن جاسايتىن، قازاقستان رەسپۋبليكاسىنداعى جوعارى وقۋ ورىندار جۇيەسىنىڭ كوشباسشىسى بولىپ تابىلادى.

2013-2014 وقۋ جىلدارىندا ءال-فارابي اتىنداعى قازاق ۇلتتىق ۋنيۆەرسيتەتى ءبىلىم ساپاسىن قامسىزداندىرۋ تاۋەلسىز قازاقستاندىق اگەنتتىگى (بسقتقا)جۇرگىزگەن جوو-نىڭ ۇلتتىق رەيتينگىسىنە جانە ق ر بجعم بولون پروسەسى جانە اكادەميالىق ۇتقىرلىق ورتالىعى جۇرگىزگەن ءبىلىم بەرۋ باعدارلامالارىنىڭ رەيتينگىسىنە قاتىستى. سونىمەن قاتار ۋنيۆەرسيتەت مامانداردى دايارلاۋدىڭ باعىتتارى مەن دەڭگەيلەرى بويىنشا اككرەديتتەۋ جانە رەيتينگتىڭ تاۋەلسىز اگەنتتىگى (ارتا) جۇرگىزگەن رەيتينگكە قاتىستى.

بسقتقا جۇرگىزگەن ۇلتتىق رەيتينگتىڭ ناتيجەسى بويىنشا، ۋنيۆەرسيتەت قايتادان ءبىرىنشى ورىنعا كوتەرىلدى.

2014 جىلى رەسەرتيفيكاتتاۋ ءاۋديتىنىڭ ناتيجەسى بويىنشا ءال-فارابي اتىنداعى قازۇۋ ۋنيۆەرسيتەتتىڭ ساپا مەنەدجمەنتى جۇيەسىنىڭ حالىقارالىق ISO 9001:2008 ستاندارتىنا سايكەستىگىن دالەلدەيتىن«TQCS International»حالىقارالىق سەرتيفيكاتىن الدى.

2014 جىلى ءال-فارابي اتىنداعى قازۇۋ ينستيتۋسيونالدى اككرەديتاسيادان ءساتتى ءوتىپ، ءبىلىم ساپاسىن قامسىزداندىرۋ تاۋەلسىز قازاقستان اگەنتتىگىنىڭ ينستيتۋسيونالدىق اككرەديتاسيالاۋ تۋرالى كۋالىگىن يەلەندى

ق ر بجعم بپوجام جۇرگىزگەن باكالاۆريات باعدارلامالارىن اكادەميالىق ساراپتاۋدا ۋنيۆەرسيتەت جۇلدەلى ورىنداردىڭ سانى بويىنشا ءبىرىنشى ورىندى يەلەندى، ولاردىڭ ىشىندە 24 ءبىرىنشى ورىن، 13 ەكىنشى، 4 ءۇشىنشى ورىن.

حالىقارالىق ارىپتەستىك تە بەلسەندى دامىپ كەلەدى. قازۇۋ الەمنىڭ 46 ەلىنىڭ عىلىمي ورتالىقتارىمەن جانە 400 جەتەكشى ۋنيۆەرسيتەتتەرىمەن جەمىستى ەڭبەك ەتۋدە. وقۋ ورنى بۇۇ-نىڭ «اكادەميالىق ىقپال» باعدارلاماسىنىڭ تۇراقتى دامۋ بويىنشا جاھاندىق حابى جانە يۋنەسكو – UNءىTWءىNء-نىڭ تۇراقتى دامۋ بويىنشا ايماقتىق حابى بولىپ تابىلادى. قازۇۋ – ورتالىق ازيادا ۋنيۆەرسيتەت­تەردىڭ حالىقارالىق كونسورسيۋمىنا، Clءىnton Global ءىnءىtءىatءىve Unءىversءىty ۋنيۆەرسيتەتتەر جەلىسىنە جانە جىبەك جولى ۋنيۆەرسيتەتتەر اليانسىنا قابىلدانعان جالعىز ۋنيۆەرسيتەت.

ەڭ تازا ەكولوگيالىق جاعدايداعى 200 ۋنيۆەرسيتەتتىڭ دە قاتارىنان كورىنگەن كيەلى وردامىزدى تاعى دا ماقتان تۇتامىز.

العاش رەت قازاقستاندىق ۋنيۆەرسيتەت —  ءال-فارابي اتىنداعى قازۇۋ الەمدەگى 800 ەڭ ۇزدىك ۋنيۆەرسيتەتتەر اراسىندا 220 ورىنعا يە بولىپ، QS «World University Rankings» حالىقارالىق رەيتينگىسىندە تاعى 16 ورىنعا العا شىقتى. بۇل توپقا پوستكەڭەستىك كەڭىستىكتەن تەك ەكى ۋنيۆەرسيتەت كىرەدى: قازۇۋ جانە لومونوسوۆ اتىنداعى ماسكەۋ مەملەكەتتىك ۋنيۆەرسيتەتى (رف). 

قازۇۋ-دا ءبىلىم بەرۋ ساپاسى باسقا ۋنيۆەرسيتەتتەرمەن سالىستىرعاندا جوعارى دارەجەدە دەۋگە نەگىز بار. سەبەبى قارا شاڭىراعىمىزداعى شاكىرتتەردىڭ ءبىلىم الۋى مەن عىلىمي جۇمىستارمەن اينالىسۋعا بارلىق جاعداي جاسالعان جانە دە وسى مۇمكىندىكتەردى پايدالانا وتىرىپ، ءبىز ەلىمىزدىڭ كوشباسشى ستۋدەنتتەرىنە اينالا الامىز. 

مۇمكىندىكتى جىبەرىپ المايىق، جاس دوس!

ارنۇر ءىزباي

بيولوگيا جانە بيوتەحنولوگيا فاكۋلتەتىنىڭ 2-كۋرس ستۋدەنتى، بيوالۋانتۇرلىلىك جانە بيورەسۋرستار كافەدراسىنىڭ اعا وقىتۋشىسى مانكيبايەۆا س.ا.، بيوفيزيكا جانە بيومەديسينا كافەدراسىنىڭ اعا وقىتۋشىسى ۋمبەتياروۆا ل.ب.، بيوتەحنولوگيا كافەدراسىنىڭ دوسەنتى گ.ي.ەرنازاروۆا.

ۇسىنعان: اسەل بولات قىزى