تانىمال قازاقستاندىق ءانشى، «مۋزتۆ» تەلەارناسىنىڭ ارنايى سىيلىعى — «قازاقستاننىڭ ۇزدىك جىل ءارتىسى» اتالىمىنىڭ جەڭىمپازى قايرات نۇرتاس جەكە ومىرىنە قاتىستى سۇراقتارعا جاۋاپ بەرگىسى كەلمەيتىنىن ايتتى. «قازاقستان» ارناسىنداعى «تاڭشولپان» باعدارلاماسىندا قوناقتا بولعان ءانشى «مۋزتۆ» سىيلىعىن جەڭىپ العاننان كەيىنگى اسەرىمەن ءبولىستى. «تىڭدارماندار مەنىڭ وتباسىمدى ەمەس ونەرىمدى مەن شىعارماشىلىعىمدى باعالاسا دەيمىن» دەيدى ءانشى. «سۇحبات بەرمەگەنىمە ءبىراز ۋاقىت بولىپتى. سىزدەردىڭ باعدارلامالارىڭىزعا ءساتى ءتۇسىپ، كەلىپ وتىرمىن. وتە قۋانىشتىمىن. ماعان كوبىنە كوڭىل-كۇيىڭىز قالاي، جانۇياڭىز بار ما دەگەن سۇراقتاردى ءجيى قويادى. ول مەنىڭ جەكە ومىرىمە قاتىستى بولعاسىن، جاۋاپ بەرۋدەن باس تارتۋعا ءماجبۇرمىن. كورەرمەندەر مەنىڭ ونەرىمدى، شىعارماشىلىعىمدى باعالاسا دەيمىن»، — دەپ باستادى اڭگىمەسىن ستۋديا قوناعى. سىيلىقتى يەلەنگەن كەزدەگى اسەرىمەن بولىسكەن قايرات: «اركىمنىڭ ءوز ارمانى بار. ءوز ەلىڭدە مۇنداي سىيلىق الۋ مەنىڭ عانا ەمەس، ءار ءانشىنىڭ ارمانى، دەپ ويلايمىن. بۇل جۇلدەگە الدىمەن اللانىڭ قالاۋىمەن، سوسىن حالىقتىڭ قولداۋىمەن يە بولدىم. وتە قۋانىشتىمىن. وسى دودادا قارسىلاس بولعان ءار ءانشى مىقتى تالانت. ولارعا الداعى جوبالاردا توپتى جارىپ شىعۋلارىنا تىلەكتەسپىن»، — دەيدى قايرات. «مۋز تۆ» سىيلىعى ەكى ەلدىڭ مادەنيەتىن بىرىكتىرىپ، انشىلەرىن بىر-بىرىمەن تانىستىردى، جاقىنداستىردى، ءبىر ساحنادا ءان سالۋعا مۇمكىندىك بەردى. سىيلىقتىڭ ءدال ءبىزدىڭ ەلدە ءوتۋى – ۇلكەن جەتىستىك»، — دەپ اعىنان جارىلدى تانىمال ءانشى. ونىڭ ايتۋىنشا، جاقىن كۇندەرى ماحاببات جايىندا جازىلعان 3-4 ءان تىڭدارمان نازارىنا ۇسىنىلاتىن بولادى. قانشالىقتى ءساتتى شىققانىن سول تىڭدارماندار بەرسىن دەپ ءسوزىن ءتۇيدى تانىمال ءانشى.

زامەتيلي وشيبكۋ نا سايتە؟ ناجميتە Ctrl+Enter