شىنى كەرەك، شاڭىراق كوتەرگەندە بارلىق جان يەسى باقىتتى عۇمىر كەشۋدى ماقسات ەتەدى. الايدا، كۇيبەڭ تىرلىكتىڭ كوپ ماسەلەسى وتباسى بەرىكتىگىن تەكسەرىپ كورگىسى كەلەتىندەي، جەر بەتىندە قيىندىق پەن قاتاڭ سىندارعا كەزىكپەگەن ءبىر دە ءبىر وتباسى جوق دەسە بولعانداي. بارلىق ءومىردىڭ سىندارىنا وتباسىنىڭ نەگىزگى ەكى قوزعاۋشى كۇشى – وتاناسى مەن وتاعاسى توتەپ بەرۋى ءتيىس.
ەرلى- زايىپتىلار ءبىرىن ءبىرى باعالاۋى ءتيىس. بار ىقىلاسىڭىزدى ونىڭ جاقسى قاسيەتتەرىنە ءبولىڭىز. ەكى جاننىڭ سەزىمتالدىق جاقىندىعا پىكىر قايشىلىعىن دا جەڭە الادى. ۇيدەگى ەكەۋارا جىلۋلىقتىڭ جوقتىعى مايدا – شۇيدە كەمشىلىكتەردىڭ كورىنۋىنە اسەر ەتەدى. مۇنداي جاعدايدا اسا قاتتى ءمان بەرۋ كەرەك.- سەنىم. جانۇيالىق ءومىر باستالعاندا ەڭ الدىمەن – اق جاۋلىقتى مەن تىزگىن ۇستار اراسىنداعى مىزعىماس سەنىم بولۋى شارت. سەنىمسىزدىك سالدارى كۇدىكتەنۋ، ۇرىسۋ، جان – جالداسۋ سياقتى كەرى ەموسيالاردى تۋعىزادى. ال، بۇل كەلەڭسىزدىكتى دەرەۋ قولعا الماسا، سوڭى اجىراسۋعا الىپ كەلۋى مۇمكىن.
- جاقىن ارالاسىپ پىكىرلەسۋ قاجەت. جاقسى قارىم- قاتىناستىڭ قاس جاۋى – ەنجارلىق. نەمقۇرايلىلىق سالدارىنان جۇبايلار ءبىرىن ءبىرى تىڭداماي، سەزىنبەي داۋلاسا الادى. سوندىقتان، پىكىرلەسۋ ارقىلى ءبىرىن- ءبىرى تولعاندىرىپ ، مازالاپ جۇرگەن جايتتاردان حابار الىپ وتىرعان دۇرىس.
- ورتاق قىزىعۋشىلىق. قىزىعۋشىلىقتىڭ ەكى ادامعا ورتاق بولۋى رۋحاني تۇرعىدا جاقىنداتا تۇسەدى. ەگەر جولداسىڭىزدىڭ ءىسىنىڭ ءبىرى قىزىقتىرماسا، ەكى جانعا دا ورتاق بولا الاتىن سەبەپتەردى ىزدەگەن ابزال. ارينە، بۇل تەك جۇپتىڭ بوس ۋاقىتتارى ۇنەمى بىرگە ءوتۋى ءتيىس دەگەندى بىلدىرمەيدى.
- قامقورلىلىق پەن مۇقياتتىلىق. كەز كەلگەن وتباسىنا جانە ونىڭ مۇشەلەرىنە جان جىلۋى مەن ماحاببات قاجەت ەكەنى ءسوزسىز. سالقىندىق پەن وشپەندىلىك وتباسىن كۇيرەتىپ تىناتىن كەرەعار ارەكەتتەر بولىپ تابىلادى. سوندىقتان، ادامدار ءبىرىن ءبىرى ايالاپ ، قامقورلىق تانىتىپ ، ءبىرىنىڭ تاعدىرىنا ءبىرى اسا مۇقياتتىلىقپەن قاراۋى ءتيىس.
قارىم – قاتىناس اراسىنداعى رومانتيكا. ءبىز جانىمىزعا جاقىن سانايتىن ادامدى قۋانتقىمىز كەلەدى، ونىڭ مەرەيىنىڭ ۇستەم بولۋى تۋرالى قيالدارعا بەرىلەمىز. مۇنىڭ ءوزى رومانتيكالىق ەلەمەنتتەر بولىپ تابىلادى. شىندىعىندا رومانتيكادان ۇركۋدىڭ قاجەتى جوق. اجىراسقان جۇپتاردىڭ اراسىندا رومانتيكانىڭ جوقتىعىن مىسالعا كەلتىرەتىندەر تىم كوپ ەكەن. كۇتپەگەن جەردەن رومانتيكالىق كەشكە شاقىرىپ، گۇل ۇسىنۋ وتباسى بەرىكتىگىن ورناتا تۇسەتىن سەبەپتەردىڭ بىرىنە جاتادى.- وتباسىلىق مىندەتتەردى ءبولىسۋ. ءاربىر ادام وتباسىن قۇرۋ الدىندا جانۇيالى بولعان كەزدەگى مىندەتتەرى تۋرالى ويلاناتىنى بەلگىلى. سوندىقتان، جاڭا ءومىر باستار الدىندا بىردەن مىندەتتەردى ءبولىسىپ العان جاقسى. ۇيدەگى ىدىستى كىم جۋىپ، قوماقتى قارجىنى كىمنىڭ ۇيگە اكەلەتىنى ماڭىزدى ەمەس. ماڭىزدىسى- قاي جۇمىستا ەكى جاننىڭ ناتيجەلى جۇمىس اتقارا الاتىندىعى.
- وزگە شاڭىراقتىڭ ەرلى- زايىپتىلارىن وزدەرىڭىزبەن سالىستىرماڭىزدار. وزگەلەردىڭ قارجىلىق ، تۇرمىستىق جاعدايىن سالىستىرۋ – وتباسىنا ور قازعانمەن بىردەي. ءار ادام ءاۋ باستا ءوزى يدەال ساناعان جاندى ومىرلىك سەرىك ەتۋگە بەل بۋادى. اۋەلگى تاڭداۋعا نۇقسان كەلتىرۋگە بولا ما ەكەن؟
- ءمۇسىنىڭىزدى قالپىندا ۇستاڭىز. بەلسەندى ءومىر ءسۇرىڭىز، دەنساۋلىعىڭىزبەن دەنە بىتىمىڭىزگە ءمان بەرىڭىز. ءسىزدى كورگەن جاننىڭ كوزى توياتىندىعى جۇبايىڭىزعا عانا ەمەس، وزىڭىزگە دە جاقسى كوڭىل كۇي سىيلايدى.
- كۇيزەلىستەن ارىلۋعا كۇش سالىڭىز. جاماندىق تەك قانا جاماندىقتى شاقىرادى. سوندىقتان شىدامدىلىق تانىتىپ، سابىرعا كەلىپ وتىرۋدى ادەتكە اينالدىرعان ءجون. سەبەبى، كۇيزەلىستىڭ تىزگىنىن بوساتىپ جىبەرسەڭىز وتباسىلىق ومىردە رەتسىزدىك ورىن الادى.
تۇران مۇرال
پىكىر قالدىرۋ