قازاق ۇلتتىق ۋنيۆەرسيتەتىنىڭ فيلولوگيا، ادەبيەتتانۋ جانە الەم تىلدەرى فاكۋلتەتىنىڭ 4-كۋرس ستۋدەنتى ءوز ديپلوم جۇمىسىن بەلگىلى ءانشى قايرات نۇرتاس پەن وزگە دە قازاق ەسترادا جۇلدىزدارىنىڭ شىعارماشىلىعىنا ارنادى.
قايرات نۇرتاستىڭ، سونداي-اق، ءبىرتالاي جاس ورىنداۋشىلاردىڭ اندەرىنىڭ ءسوزىن ديپلوم جۇمىسىنا ارقاۋ قىلىپ العان جوو ءبىتىرۋشى، سول ءان سوزدەرىندەگى ستيليستيكالىق قاتەلىكتەردى تابۋدى ديپلوم جۇمىسىنىڭ ماقساتى رەتىندە العان.
قازىرگى جاستار ءسۇيىپ تىڭدايتىن قايرات نۇرتاس جانە تاعى دا باسقا انشىلەر قاۋىمى شىعارماشىلىق ىزدەنۋ بارىسىندا، ءان سوزىنە ات ءۇستى قاراپ، تەك عانا ءاننىڭ اۋەنىنە نازار اۋدارىپ كەتەدى ەكەن. سول سەبەپتى دە ءان سوزدەرىندە ستيليستيكالىق قاتەلىكتەردى كوپتەپ جىبەرەتىن كورىنەدى.
«قازىرگى انشىلەر ءوز اندەرىنىڭ سوزىنە ەش ءمان بەرمەيدى. اۋەنى تىڭدار قۇلاققا جاعىمدى بولسا بولعانى، ءسوزىن سول اۋەنىنە ساي قالاي بولسا سولاي قۇراستىرا بەرەدى. ونى تىڭدايتىن جاستار تەك اۋەنىنىڭ اسەمدىگى ءۇشىن سوزىنە پىسقىرىپ تا قارامايدى. مىسالى: قايرات نۇرتاستىڭ «ارمان» ءانىنىڭ كەي ءسوزى تەك ۇيقاس ءۇشىن عانا قۇرىلعاندىعى نازار سالىپ وقىعان ادامعا بىردەن تۇسىنىكتى.
قaلaي ءسۇيدىم سەنى،
قۇلaي ءسۇيدىم سەنى.
جۇرەگىمدى ۇستaپ،
جىلaي ءسۇيدىم سەنى؛ — ولەڭ جولدارىنداعى «جۇرەگىمدى ۇستاپ» تىركەسىنىڭ تىم ۇسقىنسىز ءارى لوگيكاسىز تىركەس ەكەندىگى راس. مۇنداي ستيليستيكالىق قاتەلەر تەك عانا قايرات نۇرتاستىڭ شىعارماشىلىعىندا عانا كەزدەسپەيدى. سونداي-اق باسقا دا ەسترادا جۇلدىزدارىنىڭ ءان سوزىنە كەلگەندە نەمقۇرايلىلىق تانىتاتىنىن بايقاپ جاتامىز»، — دەيدى ديپلومدىق جۇمىس اۆتورى.
ەسكە سالا كەتەيىك، جاقىندا قايرات نۇرتاس رەسەيلىك «مۋز تۆ» ارناسىنىڭ جۇلدەسىن جەڭىپ العان بولاتىن.
پىكىر قالدىرۋ