وسى ۋاقىتقا دەيىن الەۋمەتتىك ورتادا، حالىق اراسىندا الەمنىڭ الىپ مەملەكەتتەرىنىڭ تىزگىنىن ۇستاپ وتىرعان پرەزيدەنتتەردىڭ  توتەنشە جاعدايلارعا ارنايى دايىندالعان «ەگىزدەرى» بولادى دەگەن ميف تاراپ كەلگەن بولاتىن. بۇگىن رەسەيلىك ارنالار تاراتقان اقپارات وسى ءبىر جۇمباقتىڭ شەشىمىن تاۋىپ بەرگەندەي بولدى.

Replyua.net اگەنتتىگى تاراتقان اقپاراتتارعا سۇيەنسەك، رەسەيلىك ب ا ق رف پرەزيدەنتى ۆلاديمير ءپۋتيندى ءبىر مەزەتتە ەكى ءتۇرلى قالاداعى، ەكى ءتۇرلى جيىننان كورىپ قالعان.

قازىرگى تاڭدا كرەملدە رف قوعامدىق پالاتاسىنىڭ 10 جىلدىعىنا ارنالعان رەسمي جيىن وتۋدە. ال رف قوعامدىق پالاتاسىنىڭ سايتى وسى جيىننان تىكەلەي حابارلار تاراتۋدا. وندا رەسەي پرەزيدەنتىنىڭ رەسمي جيىنعا قاتىسىپ وتىرعانىن انىق بايقاۋعا بولادى.

سونىمەن قاتار، التايلىق ب ا ق وكىلدەرى رەسەي پرەزيدەنتىنىڭ ءدال قازىرگى ۋاقىتتا تاۋلى التايدا جۇرگەنىن ءتۇسىرىپ العان. جەرگىلىكتى جۋرناليستەردىڭ حابارلاۋىنشا، پرەزيدەنت پۋتين بىرنەشە كۇن بۇرىن تاۋلى التايداعى ءوزىنىڭ ساياجايىنا كەلگەن. التاي اۋەجايىنا  قونعان پرەزيدەنت ۇشاعىنا 5 بىردەي قوسىمشا بورد ەرىپ كەلگەن. ادەتتە پرەزيدەنتتىڭ ۇشاعىنا قوسىمشا بىرنەشە ۇشاق ەرىپ جۇرگەنىمەن، بۇل جولى اسكەري جابدىقتالعان قوسىمشا 5 ۇشاق ەرە كەلگەن.

وسىلايشا پۋتين مىرزانىڭ جاسىرىن ويىنى اشكەرەلەنىپ قالدى. ايتپەگەندە، ءبىر ادامنىڭ ءبىر مەزەتتە بىر-بىرىنەن شالعاي جاتقان ەكى قالادا بولۋى اقىلعا سىيىمسىز ەمەس پە؟

ايتپاقشى، وسى جىلدىڭ اقپان ايىندا، رەسەيلىك وپپوزيسيونەر ناۆالنىيدىڭ مالىمدەمەسى ەسىڭىزدە بولار. وندا، وپپوزيسيا ساياساتكەر «مينسكدەگى كەلىسسوزدەرگە ءپۋتيننىڭ «ەگىزى» باردى» دەگەن بولاتىن. نۇرزات توعجان