قارىز. قارىز. قارىزداردان قالاي تەز قۇتىلۋعا بولادى؟  وسى سۇراق كوپ ادامدى مازالايتىن شىعار.  سەبەبى ءححى عاسىردا  ءبىر مەملەكەت ەكىنشى مەملەكەتكە، ءبىر ادام ەكىنشى ادامعا ءبىر بانك ەكىنشى بانككە قارىز. ياعني قارىز الۋ بۇگىنگى زاماننىڭ اجىراماس بولشەگى.   ەندى ماسەلە وسى قارىزداردان قالاي قۇتىلۋعا بولادى؟ قۇتىلۋ ءۇشىن نە ىستەۋ كەرەك؟

 وسى ماسەلە توڭىرەگىندە  سىزدەرگە پايداسى تيەر دەگەن ماقساتپەن  «قامشى» پورتالى كەڭەستەر ۇسىنادى.قارىز العان ادامنان قاشپاڭىز. كەرىسىنشە ءتۇسىندىرىڭىز. ياعني ءبىر ادامنان قارىز الدىڭىز با، ونى ۋاقىتىندا بەرە الماي قالساڭىز، «ۇيات بولدى» دەپ قورقىپ  ، تەلەفوندى الماي ، كوزىنە كورىنبەي،  «مەن جوقپىن»  دەگەن سياقتى ءتۇرلى - ءتۇرلى سىلتاۋلار  ايتىپ قاشپاڭىز. ودان دا بەرە الماي قالساڭىز،  سول كىسىمەن جولىعىپ  ءمان – جايدى  ءتۇسىندىرىڭىز.  ادامبىز عوي.  كەز كەلگەن ادام تۇسىنەدى، كەز كەلگەن ادام  ۇعادى،   بولماعاندا تۇسىنۋگە تىرىسادى.

1. قارىزدارىڭىزدان قۇتىلعىڭىز كەلسە، قارىز العان ادامىڭىزبەن نەمەسە قارىز العان بانكپەن ءبولىپ- ءبولىپ تولەۋ جايىندا كەلىسىڭز.  كوپتەگەن ادامداردىڭ قاتەلىگى  قارىزعا 1 ميلليون تەڭگەنى الىپ،  2 ايدان كەيىن بەرەمىن دەپ كەلىسەدى.  كوزدى اشىپ جۇمعانشا 2 ايدا وتە شىعىپ،  بەرە الماي قالادى.  سودان كەيىن ول ادامنىڭ ابىرويى استان - كەستەن كۇل قوقىسقا اينالىپ كەتەدى.   ونداي جاعداي ورىن الماس ءۇشىن كەيىن اقشانى كوپ تاپقاندا بەرە سالامىن دەپ جۇرمەي ، كەرىسىنشە سول اداممەن ءبولىپ - ءبولىپ تولەۋ جايىندا كەلىسىڭىز.  ياعني ميلليوندى ميلليون تاپقانىمدا دەپ ەمەس، اي سايىن 50 مىڭنان، 100 مىڭنان  قولدان كەلگەنشە بەرۋ جايلى كەلىسىڭىز.
2. ەگەردە شىن مانىندە ومىردە تابىسقا جەتىپ، قارىزدارىڭىزدان قۇتىلامىن دەيتىن بولساڭىز قارىزدار جايلى مۇلدە ويلاماڭىز. سەبەبى ءسىز «قارىزدارىمنان قالاي قۇتىلامىن؟»-، دەپ ويلاپ جۇرسەڭىز بيزنەسىڭىزىدى دامىتا المايسىز. سول سەبەپتى قارىزدارىڭىزدى ويلاي بەرگەنشە،  اقشا تابۋ قابىلەتتەرىڭىزدى دامىتىڭىز.  بيزنەسىڭىزدى دامىتاتىن جولدارىن قاراستىرىڭىز. ءتۇرلى - ءتۇرلى كىتاپتار، سەمينارلار  وقىڭىز.  سوندا عانا ءسىز كوپ اقشا تاۋىپ قارىزدارىڭىزدى قايتارا  الاسىز.
3. ءومىر قانداي بولسا، سول قالپىندا قابىلداڭىز. ياعني ومىردە جولىڭىز بولماي، قارىزدارىڭىزدى ۋاقىتىندا بەرە الماي قالساڭىز نەمەسە قارىزدارىڭىزدى وتەي الماي قينالساڭىز، تەك مەندە عانا وسىنداي جاعداي دەمەڭىز. قارىز – بۇگىنگى كۇننىڭ اجىراماس بولىگى ەكەنىن ەسكەرىڭىز.