الەم حالىقتارى تاعامدى ءبىر مولشەردە پايدالانۋ كەرەك. بۇل ميلانداعى 1 ماۋسىم مەن 31 قىركۇيەكتىڭ ارالىعىندا وتەتىن ەكسپو-2015 بۇكىلالەمدىك كورمەسىنىڭ باستى ۇرانى. اتالمىش كورمەگە قازاقستاندىق دەلەگاسيا دا قاتىسۋدا. تەك قاتىسىپ قويعان جوق. باستى فاۆوريتتەردىڭ بىرىنە اينالدى. «قازاقستان پاۆيلونى Eحرو Milano- 2015 كورمەسىنە كەلگەن قوناقتاردىڭ ۇلكەن قىزىعۋشىلىعىن تۋعىزىپ وتىر. كۇن سايىن بۇل جەرگە ەلىمىزدىڭ مادەنيەتىمەن، تاريحىمەن جاقىن تانىسقىسى كەلگەن ادامداردىڭ ۇلكەن كەزەگى جينالادى.
وسى رەتتە «قامشى» پورتالى ميلان قالاسىندا ءوتىپ جاتقان بۇكىلالەمدىك Eحرو 2015 كورمەسىنە جانە ەكسپو تاريحىنا شولۋ جاساعان بولاتىن.
- قازاقستان پاۆيلونى Eحرو Milano - 2015 كورمەسىندە قوناق ەڭ كوپ كەلەتىن ورىنداردىڭ بىرىنە اينالدى. Reppublica باسىلىمى جاريالاعان اقپاراتتارعا سۇيەنسەك، ول ەڭ تانىمال بەس پاۆيلوننىڭ قاتارىنا كىرەدى جانە كۇن سايىن 4500-دەي ادام قابىلدايدى.
- قازاقستان پاۆيلونى Eحرو Milano - 2015 كورمەسىندە كولۋمبيادان كەيىنگى ەكىنشى ورىندى الىپ تۇر.
- 27 ماۋسىم كۇنى ميلانداعى ەكسپو- 2015 كورمەسى اياسىندا قازاقستاننىڭ ۇلتتىق كۇندەرى ۇيىمداستىرىلدى. سالتاناتتى شارانى ق ر پرەزيدەنتى نۇرسۇلتان نازاربايەۆ اشتى. كورمەگە قاتىسۋشى 147 ەلدىڭ وكىلدەرىنە قاراتا ايتقان سوزىندە مەملەكەت باسشىسى بۇكىلالەمدىك كورمەنىڭ جوعارى دەڭگەيدەگى ۇيىمداستىرۋ جۇمىستارىن اتاپ ءوتتى.
- قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ ميلانداعى ەكسپو -2015 اياسىندا ۇيىمداستىرىلعان قازاقستان-يتاليا بيزنەس-فورۋمىندا يتاليا پرەمەر-مينيسترى ماتتەو رەنسيمەن بىرگە ليفتتە تۇرىپ قالدى. جازبادا نازاربايەۆ پەن رەنسيدىڭ ليفتتە بىرنەشە مينۋتقا قالىپ قويعانى ايتىلادى. ورتسوندىرۋشىلەر جاعدايدى قىسقا مەرزىمدە رەتتەۋ ءۇشىن ەسىكتى بالتالاۋعا ءماجبۇر بولدى. ايتپاقشى، فورۋمدا قۇنى 500 ميلليون دوللار بولاتىن 20 قۇجاتقا قول قويىلعان.
- Expo Milano -2015 بۇكىلالەمدىك كورمەسىنە الەمنىڭ 147 ەلى قاتىسۋدا جانە ولاردىڭ 110-ى ۇلتتىق كۇندەرىن وتكىزەدى. بۇعان دەيىن مۇنداي شارانى تۇركىمەنستان، ماروككو، ارگەنتينا، تۋنيس، قىرعىزستان، كونگو، ۇلىبريتانيا، كورەيا جانە باسقالار ۇيىمداستىرعان بولاتىن. بارلىعى ەكى اي ىشىندە ميلاندىق كورمەنى 3 ميلليوننان استام قوناق تاماشالادى.
- ميلانداعى كورمەنى ءساتتى وتكىزۋدى تىلەگەن ق ر پرەزيدەنتى كەلگەن قوناقتاردى الداعى استانا ەكسپو-2017 كورمەسىنە شاقىردى. «استانا ەكسپو-2017» ۇك» باسقارما ءتوراعاسى ادىلبەك جاقسىبەكوۆ، «ميلانداعى قازاقستاندىق پاۆيلون سەكىلدى ەكسپو-2017 كورمەسى دە قوناقتاردىڭ ۇلكەن قىزىعۋشىلىعىن تۋعىزا الادى»،-دەدى.
ءيا، ميلانداعى بۇكىلالەمدىك كورمەنى تاماشالاۋعا كەلگەندەردىڭ قاراسى مول جانە ولاردى قازاقستان پاۆيلونى قىزىقتىرادى. سەبەبى، ءبىزدىڭ ەلدىڭ پاۆيلونىندا كەلگەن تاماشالاۋشىلارعا «قىمىز» قۇيىپ قارسى الۋدا. ءيا، قازاقتىڭ باۋىرساعى مەن قىمىزى، قىمىرانى كورمەگە كەلگەندەردىڭ قىزىعۋشىلىعىن تۋدىرماي قويسىن با؟! ازىرگە ميلاندا ەكىنشى بولىپ تۇرمىز. دەگەنمەن، ميلاننان كەيىن كەزەك بىزدە. استانا وسىنداي اۋىر مىندەتتى موينىنا جۇكتەگەندە تاۋەكەلدەردىڭ بولاتىنىن بىلسە كەرەك-تى. ايتپەگەندە ەكسپو تاريحىندا بۇكىلالەمدىك كورمەنى ۇيىمداستىرىپ، شىعىنعا بەلشەدەن باتقان ەلدەر از ەمەس. ءجا، ەندى وسى ەكسپو-نىڭ وتكەن تاريحىنا كوز جىبەرىپ كورەيىكشى. كىم ۇتتى؟ كىم ۇتىلدى؟
- ەكسپو 2000 گەرمانيانىڭ گاننوۆەر قالاسى. شىعىن مولشەرى: 1،2 ملرد. ەۆرو. تاماشالايدى دەپ كۇتىلگەن 40 ملن. ادامنان، بار بولعانى 18 ملن. ادام كەلگەن.
- ەكسپو 2010 قىتايدىڭ شانحاي قالاسى. 73 ملن. تاماشالاۋشى. بۇل جوسپارلانعاننان 20 پايىزعا از بولعان.
- ەكسپو 2012 وڭتۇستىك كورەانىڭ ەسۋ قالاسى. كەلەدى، تاماشالايدى دەپ كۇتىلگەن 8 ملن. ادامنىڭ ورنىنا، 6،5 ملن. ادام كەلگەن.
سونىمەن، جۇڭگو، گەرمانيا، كورەا سياقتى الەمنىڭ دامىعان مەملەكەتتەرى كوتەرە الماعان كورمەنى كىشكەنە عانا قازاقستان قالاي وتكەرمەك؟ 2017 جىلعى استانا ەكسپو كورمەسىنىڭ باس قۇرىلىسىن سەنىپ تاپسىرعاندار قىرۋار قارجىنى قالتالارىنا باسىپ الەك.
ەكسپو-نىڭ بيىلعى يەگەرلەرى كورمە اياعىنا دەيىن 29 ملن. تاماشالاۋشى قاتىسادى دەپ جوسپارلاپ وتىر. كورمەنىڭ العاشقى 2 ايىندا 2 ملن. تاماشالاۋشى تىركەلگەن. ال 31 قىركۇيەك كۇنى كورمەنىڭ سالتاناتتى جابىلۋ راسىمىنەن سوڭ، ەكسپو ەستافەتاسى قازاقستانعا كەلەدى. دايىندالايىق...
نۇرگەلدى ءابدىعاني ۇلى
