ءاربىر مەملەكەت ءوز ازاماتتارىن قورعاۋى، ولاردىڭ قومقورشىسى بولۋى شارت. بۇل ونىڭ كونسيتۋسيالىق مىندەتى. قازاقتىڭ سان عاسىرلىق تاريحىندا "ءار قازاعىم جالعىزىم" دەگەن ۇعىم دا ومىرلىك نەگىزگى قاعيداتتاردىڭ ءبىرى بولعان. الايدا بۇگىندە وسى يگى ۇستانىم ۇمىت بولعانىنىڭ كەزەكتى كورىنىسى - ءبىزدىڭ ازاماتتى وزبەك شەكاراشىلارىنىڭ اتىپ كەتۋى. ارينە، كورشى ەلمەن دوستىق قاتىناستارىن ساقتاۋ كەرەك، ءبىراق ءبىر ەمەس، ەكى ەمەس وسىنداي قاستاندىقتاردى جاۋاپسىز قالدىرا بەرسەك كىم بولعانىمىز؟ يزرايل دەگەن شاعىن عانا مەملەكەت بار ارابتاردىڭ قاق ورتاسىندا وتىرعان. 2006 جىلى شاليت گيلات اتتى جالعىز عانا جاۋىنگەرى پالەستينالىقتاردىڭ قولىنا تۇسكەندە بۇكىل مەملكەكەت ورە تۇرەگەلدى. يزرايل ۇكىمەتى وسىدان ءشاليتتىڭ باسىنان ءبىر تال شاش تۇسسە، اسپاندى توبەلەرىڭە تۇسىرەمىز دەپ ەسكەرتتى. ارتىنان ءتىپتى اشىق اشىق سوعىس ارەكەتتەرىنە باردى، ايتەۋىر ساربازىن قايتاردى. بالكىم، تىم قاتقىل شارا دا شىعار. الايدا ناتيجەسىندە يزرايل ازاماتىنا قول كوتەرمەستەن بۇرىن كىمدە-كىم ون رەت ويلاناتىنى حاق. ال وسىنداي حالقى مەن بيلىگى بار ءار ازامات ءوز جەرى مەن ەلى ءۇشىن ايانباي كۇرەسەتىنى تاعى دا ءشۇبا تۋدارماس.