الەۋمەتتىك جەلىلەردە قازۇۋ-دىڭ ستۋدەنتتەرىنىڭ اقشاسى جىمقىرىلعاندىعى جايىندا قىزۋ تالقىلاۋ ءجۇرىپ جاتىر. وسىعان وراي «قامشى» پورتالى ءال-فارابي اتىنداعى قازۇۋ-دىڭ باسپا ءسوز قىزمەتىنە سىلتەمە جاساي وتىرىپ، وقۋ ورنىنىڭ مالىمدەمەسىن ۇسىنادى.

ءبىرقاتار باق-تا شىققان ءال-فارابي اتىنداعى قازۇۋ-دىڭ بۇرىنعى بۋحگالتەرلارىنىڭ زاڭسىز ارەكەتتەرى تۋرالى اقپاراتقا وراي مىنانى حابارلايمىز. 2014 جىلدىڭ سوڭىندا قازۇۋ-دىڭ قاۋىپسىزدىك قىزمەتى مەن اۋديتورلىق تەكسەرىس ناتيجەسىندە الاياقتىق جانە ستۋدەنتتەردىڭ بۋحگالتەريا ماماندارى – س.ت. جەكەنوۆا، د.ر. تۇرسىنبەكوۆا، ب. نۇرلانمەن كەلىسۋ ارقىلى وقۋ اقىسىن تولەۋدەن جالتارۋ فاكتىسى انىقتالدى. بۇل فاكتى بويىنشا ماتەريالدار تولىعىمەن تەز ارادا قۇقىق قورعاۋ ورگاندارىنا جولداندى.

بۇرىنعى قازۇۋ باسشىلىعى كەزىندە جۇمىسقا قابىلدانعان ولار 2008 جىلدان باستاپ اقشالاي قاراجاتتاردى يەمدەنۋگە بايلانىستى زاڭسىز الاياقتىق ارەكەتتەرىن ىسكە اسىرىپ كەلگەن. س.ت.جەكەنوۆا زاڭسىز ارەكەتتەردىڭ باستاماشىسى بولىپ تابىلادى، ول العاشىندا قارجى-شارۋاشىلىق قىزمەت بويىنشا بۇرىنعى پرورەكتور س. شاياحمەتوۆتىڭ قابىلداۋ بولمەسىندە جۇمىس ىستەپ، كەيىن ونىڭ اۋىستىرۋىمەن بۋحگالتەريادا مامان قىزمەتىن اتقارعان.

ق ر بعم 2007 جىلى بەكىتكەن ۋنيۆەرسيتەت پەن ستۋدەنت اراسىنداعى ۇلگىلىك شارت بويىنشا، جوو-دا ءبىلىم الۋ ءۇشىن تولەنەتىن وقۋ اقىسى قولما-قول اقشاسىز بانك ارقىلى بانكتىك رەكۆيزيتتەرى كەلىسىمشارتتا كورسەتىلگەن قازۇۋ-دىڭ ەسەپشوتىنا تولەنۋى ءتيىس.

قازۇۋ-دا قولما-قول اقشالاي تولەم جاساۋعا قاتاڭ تىيىم سالىنعانىنا قاراماستان، جوعارىدا كورسەتىلگەن بۋحگالتەريا قىزمەتكەرلەرى وڭاي ولجا تابۋ ماقساتىمەن تانىس، دوس جانە تۋعان-تۋىس قاتارىنداعى ستۋدەنتتەرگە وقۋ اقىسى بويىنشا زاڭسىز جەڭىلدىك الۋدى ۇسىنعان. ولار ستۋدەنتتەردەن قولما-قول اقشالاي قاراجات الىپ، سوسىن يەمدەنىپ وتىرعان. وزدەرىنىڭ زاڭسىز ارەكەتىن جاسىرۋ ماقساتىندا ولار بۋحگالتەريانىڭ ەلەكتروندى بازاسىنا رۇقساتى بولعاندىقتان، ءوزارا كەلىسىمدە بولا وتىرىپ، وتكەن مەرزىممەن ستۋدەنتتەردىڭ وقۋ اقىسى تولەنگەنى تۋرالى ەسەپتەرگە وتىرىك اقپارات ەنگىزىپ وتىرعان.

 سونداي-اق قارجى ۇرلاۋ الاياقتىق سحەماسىن جۇزەگە اسىرۋعا ستۋدەنت قىدىرباي اسەل اراب قىزىنىڭ قاتىسى بار ەكەندىگى تۋرالى فاكت انىقتالدى. ۋنيۆەرسيتەتتە «قازمۇنايگاز» ءبو اق گرانتى بويىنشا ءبىلىم الا وتىرىپ، ول پايداكۇنەمدىك ماقساتتا ۋنيۆەرسيتەت بۋحگالتەرياسىنىڭ مامانى ب.نۇرلانمەن كەلىسىمگە كەلىپ، ءارتۇرلى بانكتە ەكى جەكە شوت اشقان. سوسىن وسى ەسەپشوتتارعا «قازمۇنايگازدان» وقۋ ءۇشىن تۇسكەن قارجى زاڭسىز اۋدارىلىپ وتىرعان. بۇل بارلىق اقشالاي قارجىنى اسەل قىدىرباي جەكە ەسەپشوتىنان شەشىپ وتىرعاندىقتان، ول الاياقتىق ارەكەت پەن اقشالاي قارجى ۇرلاۋعا قاتىسۋشى رەتىندە كۇدىكتەنەدى. سونداي-اق ءا.ا. قىدىرباي باسقا ستۋدەنتتەردەن اقشا جيناۋدى ۇيىمداستىرۋ جانە ونى ب. نۇرلانمەن بىرگە يەمدەندى دەگەن كۇدىك بار.

ءا.ا. قىدىرباي بانكتىك شوتتاردان اقشالاي قاراجات العانىن مويىنداي وتىرىپ، ۋنيۆەرسيتەت اكىمشىلىگىنەن بىرنەشە رەت ۇرلانعان سومانى قالپىنا كەلتىرۋ جانە قايتارۋ ءۇشىن ۋاقىت بەرۋدى جانە مەملەكەتتىك ەمتيحانداردى تاپسىرىپ، ديپلوم جۇمىسىن قورعاۋعا مۇمكىندىك بەرۋدى ءوتىندى. ۋنيۆەرسيتەت اكىمشىلىگىنىڭ ونىڭ ۇرلانعان سومانى قايتارۋ مەرزىمىن سوزۋ تۋرالى ءوتىنىشىن قاناعاتتاندىرعانىنا قاراماستان، ءا.ا. قىدىرباي ءوز مىندەتتەرىن ورىنداعان جوق جانە باق-تا جاريالاۋمەن بوپسالاۋ جانە قوقان-لوققى جاساۋ ارقىلى ۋنيۆەرسيتەت بىتىرگەنى تۋرالى ديپلومدى تالاپ ەتە باستادى.

قازىرگى تاڭدا بۇرىنعى بۋحگالتەريا ماماندارىنا قاتىستى قىلمىستىق ءىس قوزعالىپ، تەرگەۋ جۇرگىزىلىپ جاتىر. حالىقارالىق قاتىناستار فاكۋلتەتىنىڭ 4-كۋرس ستۋدەنتى ءا.ا. قىدىربايعا قاتىستى سوتقا دەيىنگى تەكسەرىس جۇرگىزىلۋدە.

باق-تا كەلتىرىلگەن قارىز ستۋدەنتتەر سانى شىندىققا سايكەس كەلمەيدى.  بۇگىنگى تاڭدا ستۋدەنتتەر وقۋ ءۇشىن قارىزدارىن تولىقتاي وتەدى. وقۋ ءۇشىن قارىزى بار 10-نان اسپايتىن ستۋدەنت جۋىق ارادا قارىزدى وتەۋ تۋرالى جازباشا مىندەتتەمە بەردى.

ءال-فارابي اتىنداعى قازۇۋ-دىڭ باسپا ءسوز قىزمەتى