باتۋتتا سەكىرۋ، ءساندى پاراۆوز جانە اتراكسيون. ويىن-ساۋىق ورتالىعىنا العاش رەت كەلگەن ميلانا تورميناعا مۇنىڭ ءبارى قيال عاجايىپ ەرتەگى سەكىلدى. №4 بالالار ءۇيىنىڭ تاربيەلەنۋشىسىنە مۇنداي دەمالىستى «كcell» ۇيالى بايلانىس كومپانياسى ۇيىمداستىرىپ وتىر. دەمەۋشىلەردىڭ تاماشا تارتۋىن العان ءجاسوسپىرىم كوپتەن بەرى ارمانداعان ويىن اتتراكسيونىنا دا ءمىندى.

ميلانا تورمينا، №4 بالالار ءۇيىنىڭ تاربيەلەنۋشىسى: «مەن ءانشى بولعىم كەلەدى. ويتكەنى ءان ايتقاندا انشىلەردىڭ داۋىسى ادەمى بولادى. بۇگىن اعالارعا راحمەت ايتقىم كەلەدى.»

كسەلل كومپانياسى وسىلايشا دەمالىسقا شىققان بالعىنداردىڭ كوڭىلىن كوتەرىپ باقتى. «فيركان» قيال الەمىنە كەلگەن بالالار ءۇيىنىڭ 100-گە جۋىق تاربيەلەنۋشىسىنە تاتتىلەر تاراتىلىپ، سىيلىقتار تابىستالدى. سونداي-اق 3D فورماتىندا ءمۋلتفيلمدى تاماشالادى. ءوز كەزەگىندە اتا-انانىڭ ايالى الاقانىنا مۇقتاج بالاقايلار مۇنداي دەمالىسقا ءدان ريزاشىلىقتارىن ءبىلدىردى.

جانات جانتۋرين، «كسELL» اق شىمكەنت قالالىق فيليالىنىڭ باسشىسى: «بالالار — ءبىزدىڭ بولاشاعىمىز. ولار قاجەتتىنى الۋعا قۇقىلى. كوپ نارسەنىڭ دە قاجەتى جوق قوي. تەك كوڭىل اۋدارىلسا. ءبىز اكسيا ۇيىمداستىرۋدى قۇپ كوردىك. الدا ولاردى كوپتەگەن توسىن سىيلىقتار كۇتىپ تۇر.»

كومپانيا قىزمەتكەرلەرىنىڭ ايتۋىنشا، مۇنداي قايىرىمدىلىق اكسيالارى تۇراقتى تۇردە ۇيىمداستىرىلاتىن بولادى. سەبەبى كومپانيا وكىلدەرى ءاربىر بالانىڭ دەمالىس ۋاقىتىن قىزىقتى وتكىزۋىنە اتسالىسۋدى ورتاق مىندەتىمىز دەپ بىلەدى.