ق ر تۇڭعىش پرەزيدەنتىنىڭ ارنايى تاپسىرماسى بويىنشا قازاقستاننىڭ وبلىستارىندا  دارىندى بالالارعا جان-جاقتى قولداۋ كورسەتىلىپ كەلەدى. ەلباسىنىڭ بيىلعى جولداۋىندا ناقتىلاپ كورسەتىلگەندەي، سانالى، ءبىلىمدى، دارىندى ۇرپاق – ۇلت بولاشاعى ەكەنىن جاقسى تۇسىنگەن وعتۇستىك قازاقستان وبلىسى، تۇلكىباس اۋدانى باسشىلارى دا مۇنى نازاردان تىس قالدىرمادى. تۇركىباس اۋدانىندا دارىندى بالالارعا ارنالعان ونەر مەكتەپى بوي كوتەرىپ، حالىقتىڭ يگىلىگىنە تاپسىرىلدى. بۇل تۋرالى «قامشى» پورتالى حابارلايدى. وڭتۇستىك قازاقستان وبلىسى تۇلكىباس اۋدانى، ساستوبە ەلدى مەكەنىندە 100 بالاعا ارنالعان ونەر مەكتەبى پايدالانۋعا بەرىلدى. ساز مەكتەبىنىڭ نەگىزىندە قۇرىلعان تاربيە وشاعى وسكەلەڭ ۇرپاققا ۇلتتىق قۇندىلىقتارىمىزدى ۇيرەتۋدى ماقسات تۇتادى. مۇندا دومبىرا، بي، ءان قوبىز ۇيىرمەلەرى مەن تاعى باسقا جانرلار بويىنشا ونەر توپتارى جۇمىس ىستەيدى. ونەر مەكتەبىنىڭ اشىلۋىنا اۋداندىق «نۇر وتان» پارتياسى ءتوراعاسىنىڭ ءبىرىنشى ورىنباسارى ا.نۇرانوۆ، اۋداندىق ارداگەرلەر كەڭەسىنىڭ ءتوراعاسى ق.اناشيەۆ، اۋداندىق بالالار ونەر مەكتەبىنىڭ ديرەكتورى ن.بايجانىسوۆا قاتىسىپ، تۇرعىنداردىڭ قۋانىشىمەن ءبولىستى. بۇگىندە ساستوبە اۋىلىندا 6212 حالىق تۇرسا، ونىڭ 2 مىڭنان استامى جاسوسپىرىمدەر.