بۇگىن وبلىس اكىمىنىڭ ورىنباسارى ە.ايتاحانوۆ شىمكەنت قالاسىنىڭ ەڭبەكشى اۋدانىندا ورنالاسقان 80 ورىندىق №9 «اققانات» ساۋىقتىرۋ بوبەكجاي-بالاباقشاسىنىڭ اشىلۋ سالتاناتىنا قاتىستى. 1 ماۋسىم - حالىقارالىق بالالاردى قورعاۋ كۇنىنە وراي جاس تاربيەلەنۋشىلەرگە ەسىگىن ايقارا اشقان بالاباقشادا سابيلەر ءتورت توپتا تاربيە الماق. مۇندا 38 قىزمەتكەر جۇمىسپەن قامتىلعان. جاسوسپىرىمدەردى مەرەكەلەرىمەن قۇتتىعان ءوڭىر باسشىسىنىڭ ورىنباسارى جاڭا نىساندى ارالاپ كورىپ، ونداعى بالالارعا جاسالعان جاعدايمەن تانىستى. سالاۋاتتى ءومىر سالتىن قالىپتاستىرۋعا ارنالعان سپورت زالى، ءار توپقا ارنالعان ويىن الاڭشالارى مەن قىسقى جانە جازعى باسسەيىندەر بار. سونىمەن قاتار، مۇندا بالالاردىڭ دەنساۋلىعىن قاداعالايتىن مەدبيكە بولمەسى، پسيحولوگيالىق ەرەكشەلىكتەرىن قاداعالايتىن پسيحولوگ بولمەلەرى قاراستىرىلعان. «تۇلپار» شاعىن اۋدانىندا وسى كۇنى №5 «تۇلپار» بوبەكجاي-بالاباقشاسى دا اشىلدى. 320 ورىنعا شاقتالعان بوبەكجاي 18 توپقا نەگىزدەلگەن. ءۇش تىلدە ءبىلىم بەرەتىن باقشادا ورەندەردىڭ الاڭسىز تاربيە الۋىنا جانە ولاردىڭ بويىنا ءبىلىمنىڭ العاشقى نەگىزىن قالاۋعا قاجەتتى جاعدايدىڭ بارلىعى جاسالعان. بولمەلەر قازىرگى زامان تالابىنا ساي تولىعىمەن جابدىقتالعان، اسحانا، مۋزىكا زالى، بالالاردىڭ سالاۋاتتى ءومىر سالتىن قالىپتاستىرۋعا ارنالعان سپورت زالى مەن ءار توپقا ارنالعان ويىن الاڭشالارى بار. وسى مەكتەپكە دەيىنگى تاربيە ۇيىمىنىڭ اشىلۋ سالتاناتىنا قالا اكىمى د.ساتىبالدى قاتىسىپ، بالعىنداردى قوس قۋانىشتارىمەن قۇتتىقتادى. ‒ جاڭا وقۋ جىلىنا دەيىن تاعى 4 بالاباقشا اشىلىپ، ەل يگىلىگىنە پايدالانۋعا بەرىلمەك. ەلباسى 2020 جىلعا دەيىن مەكتەپكە دەيىنگى بالالاردى بالاباقشامەن قامتۋدى 100 پايىزعا جەتكىزۋدى تاپسىرعان بولاتىن. وسى ورايدا شاھاردا «بالاپان» باعدارلاماسى اياسىندا بالالاردى باقشامەن قامتۋ دەڭگەيى 76 پايىزدى قۇراپ وتىر. جالپى 2020 جىلعا دەيىن شىمكەنتتە 7020 ورىندىق 25 بالاباقشا سالىنادى، ‒ دەدى قالا باسشىسى د.ساتىبالدى.