بۇگىن وبلىستىق وپەرا جانە بالەت تەاترىندا «مەرەيلى وتباسى-2015» بايقاۋىنىڭ جەڭىمپازدارى ماراپاتتالدى. سالتاناتتى شاراعا قاتىسقان وبلىس اكىمىنىڭ ورىنباسارى س.قانىبەكوۆ جەڭىمپاز وتباسىلاردى ماراپاتتاپ، سىيلىقتار تابىس ەتتى. ەلىمىزدە ءۇشىنشى جىل قاتارىنان ۇيىمداستىرىلىپ وتىرعان شاراعا وبلىسىمىزدان 200-دەن استام وتباسى ءوتىنىش ءبىلدىرىپ، ونىڭ 30-ى ىرىكتەۋدەن ءوتتى. بۇگىندە 6 وتباسى جۇلدەلى ورىندى يەمدەندى. «مەرەيلى وتباسى» ۇلتتىق بايقاۋىنىڭ قورىتىندىسى بويىنشا ءى ورىنعا تۇركىستاندىق تاڭعاتاروۆتار مەن شىمكەنتتىك قۋاتبەكوۆتەر وتباسى لايىقتى دەپ تانىلدى. بايقاۋعا قاتىسۋشى وتباسى مۇشەلەرى ەڭبەكتە، سپورتتا، شىعارماشىلىقتا، عىلىمدا جەتىستىككە جەتكەن اۋلەت بولۋى شارت. «مەرەيلى وتباسى» ۇلتتىق بايقاۋى وتباسى مارتەبەسىن كوتەرۋگە باعىتتالعان. ادامگەرشىلىكتى، رۋحاني قۇندىلىقتاردى نىعايتىپ، بالا تاربيەسىندەگى اتا-انانىڭ جاۋاپكەرشىلىگىن ارتتىرۋ ماقساتىندا وتكىزىلىپ جاتقان بۇل شارا ءۇش كەزەڭدە ءوتتى. ۇلتتىق بايقاۋدىڭ ۇيىمداستىرۋشىسى وبلىستىق ىشكى ساياسات جانە ءدىن ىستەرى باسقارماسىنىڭ باسشىسى ب.ءقۇرمانعاليدىڭ ايتۋىنشا، بيىلعى جىلى ءبىز ءار ورىنعا ەكى وتباسىنى بەلگىلەدىك. سەبەبى، لايىقتىلار وتە كوپ. تاڭداۋ قيىنعا سوقتى. ۇزدىك وتباسىنى انىقتاۋ بارىسىندا قازىلار القاسى وتباسىنىڭ ءومىر ءسۇرۋ سالتىنا كوبىرەك نازار اۋداردى دەيدى. «مەرەيلى وتباسى» ۇلتتىق بايقاۋىنىڭ بارلىق قاتىسۋشىسى باعالى سىيلىقتارمەن ماراپاتتالدى. جەڭىمپاز ءى ورىن يەگەرلەرىنە وتباسىلىق شيپاجايعا تەگىن جولداما بەرىلدى. الداعى ۋاقىتتا استانا قالاسىندا وتەتىن رەسپۋبليكالىق «مەرەيلى وتباسى» بايقاۋىندا وڭتۇستىك ءوڭىرىنىڭ نامىسىن  تۇركىستاندىق تاڭعاتاروۆتار مەن شىمكەنتتىك قۋاتبەكوۆتەر وتباسى قورعايتىن بولادى.