وڭتۇستىك قازاقستاندا كوپقاباتتى تۇرعىن ۇيدە شىققان ءورت 21 ادامنىڭ ءومىرىن جالماي جازدادى. قايعىلى وقيعا  كەنتاۋ قالاسىندا بولعان. ال وڭباي كۇيىپ قالعانداردىڭ دەنى بالالار. اسىرەسە دەنەسىنىڭ 25 پايىزىن كۇيىك شالعان 8 جاسار قىز بەن ونىڭ اجەسىنىڭ ءحالى مۇشكىل. ال ءبىر مەزەتتە باسپاناسىز قالعاندار ءقازىر تۋىستارىن جاعالاپ كەتكەن. ءتۇن اۋا مىنا ءۇيدىڭ ءۇشىنشى قاباتىنان شىققان ءتىلسىز جاۋ بىردەن جوعارىداعى پاتەرلەردى شارپىعان. شىرت ۇيقىدا جاتقان تۇرعىندار زاتتارىن جيناماق تۇگىلى كوك ءتۇتىن اراسىنان ءبىر-بىرىن تاپپاي اۋرەگە ءتۇسىپتى. قايتا سول ماڭدا كەزدەيسوق ءوتىپ بارا جاتقان الماس تاعايبەكوۆ ەسىمدى ازامات وت اراسىنان 10 شاقتى بالانى شىعارىپ العان. قالعاندارىن ءورت سوندىرۋشىلەر قۇتقاردى. ال اۋرۋحاناعا جەتكىزىلگەن 21 ادامنىڭ، 12ء-سى بالالار. اسىرەسە جانساقتاۋ بولىمىندە جاتقان ايەل مەن نەمەرەسىنىڭ جاعدايى اۋىر. قۋانىش سەيىلبەكوۆ، كەنتاۋ قالالىق اۋرۋحاناسىنىڭ حيرۋرگى: -قىز بالانىڭ دياگنوزى ەكى سانىنىڭ تەرميالىق كۇيىگى. كومىر قىشقىل گازىمەن ۋلانۋ. جالپى جاعدايى اۋىر. يۆل اپپاراتىمەن دەمالۋدا. ال، 48ء-شى جىلعى اپانىڭ دا جالپى جاعدايى اۋىر. ول كىسىدە يۆل اپپاراتىمەن دەمالۋدا. كومىر قىشقىل گازىمەن ۋلانۋدىڭ اۋىر دارەجەلەرى. جانساقتاۋ ءبولىمىنىڭ الدىن تورىعان بۇل كىسىلەر تۇنگى ورتتەن پاتەرسىز قالعان تۇرعىندار. ءتىلسىز جاۋ 3 وتباسىنىڭ شاڭىراعىن كۇلگە اينالدىرعان. قىمبات ەسەنبەكوۆا، كەنتاۋ قالاسىنىڭ تۇرعىنى: ء-ۇيىمنىڭ ءبارى دۇنيەنىڭ ءبارى، قۇجاتتار  ورتەنىپ كەتكەن. تۇك جوق ۇيدە. قۇتقارۋ كەزىندە ماماندار پودەزدەگى بۇكىل ەسىكتەردى سىندىرىپ كىرگەن. ەندى سونىڭ ءبارى جاڭالانىپ، ال قىزىل جالىن جالماعان پاتەرلەر كۇلدەن تازارتىلىپ جاتىر. وبلىس باسشىلارى جەرگىلىكتى شەندىلەرگە ءبىر ايعا جەتكىزبەي تۇرعىنداردى ءوز پاتەرلەرىنە كىرگىزىڭدەر دەگەن تالاپ قويىپتى. نۇرجان ءتاشىموۆ، كەنتاۋ قالاسى اكىمىنىڭ ورىنباسارى: -قازىرگى تاڭدا بۇكىل وسىنداعى زارداپ شەككەن 3 پاتەردىڭ 2 پاتەرىن جوندەپ بەرەمىز. بۇكىل تولىعىمەن، تەرەزەلەرىن اۋىستىرىپ بەرەمىز.  تۇراتىن ەۆاكۋاسيا ءۇشىن مەكەن-جاي ۇسىنىلدى. ولاردىڭ قازىرگى تاڭدا ەكى وتباسى كەلىسىپ، مەكەن-جايعا بارۋعا كەلىستى. قالعاندارى باس تارتتى. ازىرگە ءورتتىڭ جاي-جاپسارى انىقتالىپ جاتىر. دەگەنمەن، ءتىلسىز جاۋدىڭ شىعۋىنا ءۇشىنشى قاباتتاعى تۇرعىننىڭ شىلىمىن وشىرمەي ۇيىقتاپ قالۋى سەبەپ بولۋى مۇمكىن دەلىنۋدە. بۇل بويىنشا قىلمىستىق ءىس تە قوزعالدى. ال، ءورت سوندىرۋشىلەردەن بۇرىن جەتىپ، ون ءبۇلدىرشىندى قۇتقارعان الماس تاعايبەكوۆتى اتقامىنەرلەر جەرگىلىكتى باتىر رەتىندە ماراپاتتاماقشى.