جازعى ماۋسىم. بالالاردىڭ جازعى ماۋسىمدى ءتيىمدى ءارى قىزىقتى وتكىزۋى ءۇشىن وڭتۇستىك قازاقستان وبلىسىندا بارلىق جاعداي جاسالعان.  بارلىق جاڭداي وڭتۇستىك قازاقستان وبلىسى تۇلكىباس اۋدانىنداعى ماشات وزەنىنىڭ شاتقالىندا 300 بالاعا ارنالعان «ماشات-اراسان» ەمدەۋ ساۋىقتىرۋ لاگەرى اشىلدى. بۇل تۋرالى اۋدان اكىمىنىڭ باسپا ءسوز قىزمەتى حابارلايدى.

بەس گەكتار اۋماقتى الىپ جاتقان بۇل لاگەردىڭ قايتا جوندەۋ جۇمىستارى مەن جاڭا عيماراتتار سالۋ جۇمىستارىنا 100 ملن تەڭگە جۇمسالعان. ساۋىقتىرۋ ورتالىعىندا بۇگىنگى تاڭدا ەلۋگە تارتا ادام جۇمىسقا تارتىلىپ وتىر.

لاگەردە جاتىن بولمە، اسحانا، زاماناۋي سپورت الاڭى، مادەني –ساۋىقتىرۋ الاڭى، اكىمشىلىك بولمەلەردەن تۇراتىن عيماراتتار ورنالاسقان. اتالعان بالالار دەمالىس ايماعىنا ەلىمىزدىڭ بارلىق اۋماعىنان بالالاردى قابىلداۋ جۇمىستارى جۇرگىزىلۋدە. بۇگىنگى تاڭدا اتىراۋ وبلىسىنان 300 بالا دەمالۋدا. لاگەردىڭ اشىلۋىنا «نۇر وتان» پارتياسىنىڭ وبلىستىق فيليالىنىڭ پارتيالىق باقىلاۋ كوميسسياسىنىڭ ءتوراعاسى ش.جامالبەكوۆ، وبلىستىق ءبىلىم، جاستار ساياساتى جانە تىلدەردى دامىتۋ باسقارماسى باسشىسىنىڭ ورىنباسارى ب.ءجانابىلوۆ، تۇلكىباس اۋدانى اكىمىنىڭ ورىنباسارى ءو.ماتكەريموۆ قاتىسىپ، لاگەرگە كەلگەن وقۋشىلارعا دەمالىستارىن ءساتتى وتكىزۋلەرىنە تىلەك ءبىلدىردى. بۇل — تۇلكىباس اۋدانىندا اشىلىپ وتىرعان ونىنشى لاگەر. بۇگىندە اۋداندا ەكى مەملەكەتتىك، جەتى جەكەمەنشىك لاگەر جۇمىس ىستەۋدە.