ساپالى ءبىلىم مەن تاربيە بەرگەن ۇستازدار مەن اتا-انالارعا العىس ايتىپ، ۇلكەن ومىرگە قادام باسقالى تۇرعان تۇلەكتەرگە ساتتىلىك تىلەگەن ءوڭىر باسشىسى ۇبت-دان 125 بالل جيناعان تۇلكىباستىق لاۋرا ابدازيموۆاعا 500 مىڭ تەڭگەنىڭ سەرتيفاكاتى مەن «التىن بەلگىنى» تابىستادى. وزگە دە ۇزدىكتەر سالتاناتتى شارا كەزىندە ماراپاتتالدى. سونداي-اق، ۇبت-دان وقۋشىلارى جوعارى ناتيجە كورسەتكەن ءبىرقاتار مەكتەپ ديرەكتورلارى مەن ل.ابدازيموۆانىڭ سىنىپ جەتەكشىسىنە (ماقتارال اۋدانى ب.مومىش ۇلى اتىنداعى مەكتەپ-گيمنازيا، تۇركىستان قالاسى دارىندى بالالارعا ارنالعان مەكتەپ-ينتەرنات، ماقتارال اۋدانى دارىندى بالالارعا ارنالعان مەكتەپ-ينتەرنات) قۇرمەت گراموتاسىن تاپسىردى. بيىل وبلىستا مەكتەپ بىتىرگەن 30075 تۇلەكتىڭ 18112ء-سى ۇلتتىق ءبىرىڭعاي تەستىلەۋگە قاتىستى. ال 96 وقۋشى حالىقارالىق وليمپيادا مەن عىلىمي جوبالار جارىسىنىڭ جەڭىمپازدارى رەتىندە تەست تاپسىرۋدان بوساتىلعان. ايتا كەتەيىك، ۇبت-دا 3398 ءبىتىرۋشى 100 بالدان جوعارى كورسەتكىشكە يە بولدى. ال، جوعارى 125 بالدى – 1، 124 بالدى – 5، 123 بالدى – 22 وقۋشى جينادى. ايتا كەتەرلىگى، سوڭعى ءتورت جىلدا وبلىستىڭ ورتا بالى 11،8 بالعا جوعارىلاپ، «التىن بەلگى» سانى 366-عا ارتقان.