تۇركىستان قالاسىنداعى «بالاۋسا» جازعى ساۋىقتىرۋ دەمالىس لاگەرى ءوز جۇمىسىن باستاعان بولاتىن. كيەلى ءوڭىر بۇلدىرشىندەرىنىڭ كوڭىل قۋانىشىن ەسەلەي تۇسەتىن قىزىقتى ءساتتىڭ العاشقى كۇنىندە قالا اكىمى ءا.وسەربايەۆ لاگەرگە ارنايى بارىپ، بالالاردىڭ جازعى دەمالىسىنىڭ ءساتتى وتۋىنە تىلەكتەستىك ءبىلدىرىپ قايتقان بولاتىن. جازى جايلى كوكمايسا، قاراتاۋ ەتەگىندەگى بۇلاقتان باستاۋ الاتىن نۋلى وزەندى قورشاي ورنالاسقان «بالاۋسا» لاگەرىنىڭ تابيعاتى كەز كەلگەن جاندى تامساندىرماي قويمايدى. ءقازىر مۇندا 150 بالا دەمالۋدا. ءان سالىپ، بي بيلەپ، ءتۇرلى سايىستارعا قاتىسىپ بەلسەنىپ جۇرگەن بالدىرعانداردىڭ كوز جانارىنان شاتتىق بايقالادى. وسىنداي تابيعاتى ەرەكشە ورىندى كۇتىپ ۇستاۋعا، قاجەتتى قۇرال-جابدىقتاردى جاڭارتۋعا جانە بەينەباقىلاۋ كامەرالارىن ورناتۋ ءۇشىن جەرگىلىكتى بيۋدجەتتەن قارجى قارالىپ، ماۋسىم باسىندا ءبىراز جۇمىستار اتقارىلدى. ءقازىر بالالاردىڭ دەمالىسىن قىزىقتى ەتىپ وتكىزۋگە ءتيىستى جاعدايلار تولىقتاي قاراستىرىلعان مۇندا. لاگەردە جاز بويىنا 900 بالا دەمالاتىن بولسا، سونىڭ ىشىندە قالا اكىمدىگىنىڭ قولداۋىمەن الەۋمەتتىك از قامتىلعان وتباسىدان شىققان 160 بالاعا تەگىن جولداما بەرىلگەن. سونىمەن بىرگە،
«تاۋ سامالى» وقۋ ساۋىقتىرۋ ورتالىعىنا 350،5 مىڭنان (5250) استام تۇركىستاندىق وقۋشى مەكتەپ جانىنداعى ساۋىقتىرۋ الاڭدارىنا جىبەرىلىپ وتىر.
تۇركىستان قالاسى اكىمىنىڭ باسپا ءسوز قىزمەتى.
