توقتالا كەتەتىن جايت، شىمكەنتتە اق حالاتتى ابزال جانداردىڭ كاسىبي مەرەكەسىنە ارنالعان جيىندا «سالاماتتى قازاقستان» مەملەكەتتىك باعدارلاماسى اياسىندا اتقارىلعان شارۋالار مەن «ديپلوممەن اۋىلعا» باعدارلاماسىنىڭ ناتيجەسى تۋرالى دا كەڭىنەن باياندالعان بولاتىن. «ەلباسىنىڭ «قازاقستان-2050» ستراتەگياسىندا ادام ءومىرى مەن دەنساۋلىعى باسىم باعىتتاردىڭ ءبىرى رەتىندە قاراستىرىلىپ وتىرعانى بەلگىلى. سوڭعى ءۇش جىلدا 184 مەديسينا مەكەمەسى سالىنىپ، ماماندار تاپشىلىعى ءۇش ەسەگە ازايدى. وڭتۇستىك كورەيا، رەسەي، يزرايل مەملەكەتتەرىنىڭ مەديسينالىق ورتالىقتارىمەن تاجىريبە الماسۋ جاقسارىپ كەلەدى. جيىندا ۇزدىك دارىگەرلەر مەن مەدبيكەلەرگە دەنساۋلىق ساقتاۋ مينيسترلىگىنىڭ، جەرگىلىكتى اكىمدىكتەردىڭ توسبەلگىلەرى مەن قۇرمەت گراموتالارى تابىستالدى»، - دەلىنگەن باسپا ءسوز بايانىندا.

وقو دەنساۋلىق ساقتاۋ باسقارماسىنىڭ باستىعى جۇماعالي يسمايىلوۆتىڭ ايتۋىنشا، بيىل وڭىرلەر اراسىندا العاشقى رەت شىمكەنتتەگى جەدەل جاردەم اۋرۋحاناسىندا ترانسپلانتولوگيا سالاسىنداعى وپەراسيالار باستالادى. 2015 جىلى وقو تۇرعىندارىنىڭ ءومىر ءسۇرۋ ۇزاقتىعىن 70 جاسقا جەتكىزۋ كوزدەلىپ وتىر. 2012 جىلدىڭ ناتيجەسى بويىنشا، كورسەتكىش ورتاشا رەسپۋبليكالىق كورسەتكىشتەن جوعارى بولىپ، 69،9 جاستى قۇرادى.