ىشكى ىستەر مينيسترلىگى مۇددەلى مەملەكەتتىك، ۇكىمەتتىك ەمەس ۇيىمداردىڭ جانە بۇقارالىق اقپارات قۇرالدارىنىڭ قاتىسۋىمەن اعىمداعى جىلدىڭ 25 قاراشاسىنان باستاپ 10 جەلتوقسان ارالىعىندا «ۇيدەگى تىنىشتىقتان جەر بەتىندەگى بەيبىتشىلىككە - ايەلدەرگە قاتىستى زورلىق-زومبىلىقتى توقتاتايىق!» ۇرانىمەن «ايەلدەرگە قاتىستى زورلىق-زومبىلىقسىز 16 كۇن» اكسياسىن جۇرگىزدى. اكسيانىڭ نەگىزگى ماقساتى كوپشىلىك حالىقتى ايەلدەرگە قاتىستى زورلىق-زومبىلىقتى ەسكەرتۋ، الدىن الۋ، ايەلدەرگە قاتىستى زورلىق-زومبىلىق جاساۋعا بەيىم ادامدارمەن جەكە-پروفيلاكتيكالىق جۇمىستى جۇزەگە اسىرۋعا باعىتتالعان جۇيەنى قالىپتاستىرۋ بويىنشا قابىلدانىپ جاتقان شارالارمەن تانىستىرۋ، سونداي-اق بۇۇ قاۋىپسىزدىك كەڭەسىنىڭ №1325 قارارىنىڭ حالىقارالىق قۇجاتتارىن زەردەلەۋ بولىپ تابىلادى. اكسيانى جۇرگىزۋگە 25 مىڭنان استام ادام، ونىڭ ىشىندە 17 مىڭ پوليسيا قىزمەتكەرى، 900 استام جەرگىلىكتى اتقارۋشى، ءبىلىم بەرۋ ورگاندارىنىڭ، وبلىستاردىڭ اكىمدىكتەرى جانىنداعى ايەلدەر ىستەرى جانە وتباسى-دەموگرافيالىق ساياساتى جونىندەگى كوميسسيانىڭ وكىلدەرى، ۇكىمەتتىك ەمەس ۇيىمداردىڭ، وڭىرلىك بۇقارالىق اقپارات قۇرالدارىنىڭ وكىلدەرى، سونداي-اق ۆولونتەرلەر، جپيك وكىلدەرى مەن كونسەرجىلەر تارتىلدى. ايەلدەرگە قاتىستى زورلىق-زومبىلىقتى ەسكەرتۋ، جولىن كەسۋ، ايەلدەرگە قاتىستى زورلىق-زومبىلىق جاساۋعا بەيىمدى ادامدارمەن جەكە-پروفيلاكتيكالىق جۇمىستى جۇزەگە اسىرۋعا باعىتتالعان جۇيەنى قالىپتاستىرۋ، سونداي-اق ايەلدەردىڭ وزدەرىنىڭ قۇقىقتىق ءبىلىمىن ارتتىرۋ بويىنشا قابىلدانىپ جاتقان شارالار تۋرالى حالىقتىڭ بۇقارا توبىن تانىستىرۋ ءۇشىن (بۋكلەتتەر، جادىنامالار، بييلبوردتار، جانە پلاكاتتار) اقپاراتتىق ماتەريالدارىنىڭ 174 مىڭنان استامى ازىرلەنىپ، 7 مىڭنان استام ءىس-شارالار، ونىڭ ىشىندە وقۋ ورىندارىندا، ۇيىمدار مەن باسقا دا مەكەمەلەردە  تاراتىلدى. پوليسيا قىزمەتكەرلەرى 18 مىڭ ەسەپتەگى ادامداردى تەكسەردى. اكسيا شەڭبەرىندە 48 مىڭنان استام اكىمشىلىك ۋچاسكەلەردى ارالاۋ جۇزەگە اسىرىلدى، حالىققا 142 مىڭنان استام بۇكتەمەلەر مەن «تۇرمىستىق زورلىق-زومبىلىقتىڭ الدىن الۋ تۋرالى» قازاقستان رەسپۋبليكاسىنىڭ زاڭىن جانە اكىمشىلىك كودەكستىڭ باپتارىنىڭ تۇسىندىرمە جادىنامالارى تاراتىلدى. ق ر ءىىم اكىمشىلىك پوليسيا كوميتەتى