بيزنەس. بيزنەس تە دوستىق ارتىق پا، سەرىكتەستىك ارتىق پا؟! بيزنەسمەندەر اراسىندا  دوسىقتا نە نارسەگە ءمان بەرۋ كەرەك؟  بۇل سۇراقتاردىڭ جاۋابىن بيزنەستە دوس بولىپ  كەيىننەن دوسى ساتىپ كەتكەن ادام عانا بىلەتىن شىعار.  ءدال سونداي ادامداردىڭ ءبىرى 2013 جىلى  Forbes  قازاقستان جۋرنالى رەيتينگى  بويىنشا قازاقستانداعى ەڭ جاس ميلليونەر اتانعان مارات ابييەۆ. ول ءوزىڭىڭ «قازاقستاندىق ارمان» كىتابىندا بيزنەستەگى دوستىققا بايلانىستى كەڭەستەر بەرگەن ەكەن. ول كەڭەستى نازارلارىڭىزعا «قامشى» پورتالى ۇسىنادى.

• ءبىرىنشى دوستىقتى ساقتاي ءبىلۋ كەرەك.  سوندىقتان  اراداعى  قاتىناستىڭ   شىنايىلىعىنا  كوز جەتكىزىپ الىڭىز.  سەبەبى الداعى كۇندەرى وپىق جەپ قالماۋ ءۇشىن  ماڭىزدى .  وزىڭىزگە دە ەسەپ بەرىڭىز:  دوستىق پەن سەرىكتەستىكتىڭ  اراجىگىن اجىراتىپ، كاسىپپەن اينالىسقان  كەزدە  تالاپ پەن  سۇرانىستىڭ وزگەرەتىندىگىن  بىلگەن ابزال. پايدا جۇرگەن جەردە دوستىقتىڭ رەتى ءتامامدالاتىنىن  دا ءتۇسىنۋ كەرەك.  سول سەبەپتى ناعىز دوستىقتى تەكسەرۋ ءۇشىن  بيزنەستە سەرىكتەس ەتۋ كەرەك.  سەبەبى دوسىڭنىڭ سىرىن سول كەزدە بىلەسىڭ.

• ەكىنشى دوسىڭىز ەكەۋىڭىز ورتاق ءىستى  باستاماس   بۇرىن بيزنەستەگى  ۇلەستەرىڭىزدى ناقتى  بەلگىلەپ الىڭىزدار. ەگەر دە فيرمانى قۇرۋ يدەياسىن ءسىز باستاپ، دوسىڭىزعا قاراعاندا  قوماقتى قارجىنى  ءوزىڭىز قۇيساڭىز  تەڭدەي ەتىپ ءبولۋدى ۇمىتقانىڭىز ءجون.  كوبىنە سەزىمگە ەرىك بەرىپ، وتكەن كۇندەردى  ەسكە الىپ جاتامىز.  مەكتەپتەگى باقىلاۋ جۇمىسىن  بىرگە كوشىرۋ مەن تۇسكى استى  ءبولىپ ءىشۋ  بيزنەستە ەندى جۇرمەيدى.  اكسيالاردىڭ باسىم بولىگىن وزىڭىزگە تيەسىلى ەتىڭىز.  ول كومپونياداعى  بارلىق ماسەلەلەردى  تەك ءوزىڭىز شەشىڭىز. وسى ەرەجەنى قاتاڭ ساقتاڭىز، ويتكەنى بيزنەستە تەك ءبىر  عانا  كوشباسشى بولۋى ءتيىس.  ونان كەيىن ومار حاييام ايتقانداي: « كەز كەلگەن  ادامدى ەستە ساقتاپ  ءجۇرىڭىز. جامانمەن اراداعى بايلانىس  ءسىز ءۇشىن  مول تاجىريبە، سەبەبى جاماندار  ءوز قىلىقتارىمەن  سىزگە  ساباق بەرىپ  كەتەدى» ...

• ءۇشىنشى. جاعىمسىز وقيعالاردىڭ  بارىنەن  ساباق الۋعا  تىرىسىڭىز.  بيزنەسىڭىزدە سەرىكتەس ءارى جان دوسىڭىز ساتىپ كەتىپ ساتسىزدىككە ۇشىراساڭىز دا  سارىۋايىمعا سالىنباي، جىگەرلى بولعان ءجون.  ساتسىزدىكتەردەن قورىقپاڭىز جانە ءاردايىم  تەك العا ۇمتىلىڭىز.  ادام قانداي قيىن ءسات بولماسىن، سول شىڭىراۋدان  ءوزىن الىپ شىعا الادى.

• ءسىزدىڭ دوستارىڭىزعا قاراپ كەلەشەكتە  ءسىزدىڭ قانداي بولاتىنىڭىزدى  بولجاۋعا بولادى.  سول ءۇشىن  ءوزىڭىز قاي جاققا بەت الساڭىز، سول جاققا   بەتتەگەن  دوس  ىزدەۋ كەرەك . سوندىقتان  اينالاڭىزدا  جۇرەگىندە  جالىنى  بار ادامدار بولۋ كەرەك.   سول سەبەپتى دوس تاڭداعاندا دا سىزبەن وي پىكىرى ۇشتاساتىنداي، سەنىم ارتا الاتىنداي بولۋى وتە ماڭىزدى ەكەن.